Ala Kalɔ Buse 12:3 - Katɔti Ɔku Kedee

³ Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Ala Kalɔ Buse 12:3 ပူးပေါင်းရင်းမြစ်များ

Ala Kalɔ Buse 18:18

Abraham ɔdubo bɔwɔ na nwuna kadi bekyuli baƒɔ lɛnyi na bakɛ ɔyikun. Na ɔkɛnku Abraham ɔmɛni lɛlɔ ɔsu na ndubute kayawi kadi ƒui bekyuli kusɛ kusɛ.

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Ala Kalɔ Buse 22:18

Na ɔkɛ ƒula kaba kemmo ni, ndubute kayawi ƒui bekyuli kusɛ kusɛ. Ɔsika énu-mi litemi na ádi-ni lɛlɔ.”

Ala Kalɔ Buse 24:35

Na Unwoti Katɔti úte mina ɔtɔlati kusɛ kusɛ geen na ubo lɛkɛ kaduɛ. Ubo baƒonu ku ɔmantɛ bakɔ ku sika ɔƒualadi ku ugyiedi. Ubo kabla bablane bananabi ku belekubi. Ubo bebuo ala betine benengudi bani mbo keƒu ku baƒlumu lɛnɔ.

Ala Kalɔ Buse 25:11

Na Abraham kukpi kama ni, Katɔti úte Isak kusɛ kusɛ. Na uwi ɔmmɔ ni, Isak ɔmu ɔkya kalɔ kani nde kesii kani baalɔ banii Beer Lahai-Roi kemmo.

Ala Kalɔ Buse 26:29

na alabla-bu lɛla likpidi lɛdi, kalɛ kani na abu lɛlɔ bútabla-a lɛla likpidi uwi ɔni na ákya-bu kudɔ, mmomu bɔ́da-a kaduɛ na bɔ́ya na átɔlɔ buɛɛ. Na ɔƒɛni ni, bɔ́nu bɔ́ti ka Unwoti Katɔti úte-ɔ kusɛ kusɛ.”

Ala Kalɔ Buse 26:4

Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ.

Ala Kalɔ Buse 27:29

Na kadi bekyuli ƒui benwini ƒula kabla bablane. Na bekyuli ƒui bakya-a lili kalɔ na adi ƒula banwani ƒui lɛlɔ. Na ƒ'ini bebi bananabi ƒui bakya-a lili kalɔ. Na bekyuli bani mewida-a ƒui ni, ewida asiaku-ma. Na bani mete-ɔ kusɛ kusɛ ni, kusɛ kusɛ ɔsiaku-ma.”

Ala Kalɔ Buse 28:14

Na ƒula kaba kemmo bebi bamɛni badubo bumomo aani kɔnwinimi. Na bɛdubo bugyingya busie ɔƒɛ katukɔ ku kanukɔ. Na bisie katɔ ku kada kakɛ lɛnɔ. Na ɔkɛnku awɔ ku ƒula kaba kemmo bebi lɛlɔ na ndubute kayawi kadi bekyuli ƒui kusɛ kusɛ.

Ala Kalɔ Buse 30:27

Amu na Laban ɔ́su-nwu ɔnini, “Si mina ablala áƒɔ-ɔ anu bɔdi ni, buvele na asɔ akya. Ɔsika ńtéye línu na básu-mi ka awɔ ɔsu na Katɔti úte-mi kusɛ kusɛ.”

Ala Kalɔ Buse 30:30

Bebuo ɛlɛɛ bani na ebo asa na líbo ni, béemomo geen. Na Unwoti Katɔti kusɛ kusɛ ɔ́siaku lɛla biala lɛni na lɛ́bla líte-ɔ. Nsu Ɔƒɛni ni, uwi ɔmani na ami lɛnɔ ndubɔbla lɛla lɛdi lite lɛlɔ na meti mada mina kaduli?”

Ala Kalɔ Buse 39:5

Na ɔ́si uwi ɔni na Potiƒar úti-nwu únyene ka utaanu nwuna kaduli ala lɛlɔ na úti nwuna lɛla biala lɛni na ubo ɔ́kya Yoseƒ enu kemmo ni, lɛla biala liisié anumi kaduɛ na kaduli kammɔ kemmo na Yoseƒ ɔsu. Unwoti Katɔti kusɛ kusɛ ɔsiaku Potiƒar ala ƒui ani na mmo ku ɔmantɛ.

Kɔgya 72:17

Ya na ƒula ɔga ɔƒɔ lɛnyi na lisie ɔgyu lɛkya bekyuli akɔ uwi ƒui kalɛ kani na ɔƒɛ ɔɔtu teekeye. Ala atɛnku kadi ƒui bekyuli na beteete ɔga kusɛ kusɛ.

Israelƒuɔ Bɔlɛ 23:22

Nsu si bínu ɔtu ɔmmɔ litemi na bɛ́di mina ɔda ɔni líbo-mii lɛlɔ ni, ndubo bina bekisine bukpoku bute-mii.

Bumomo Bɔka 24:9

Na kadi bekyuli bammɔ bese aani gyata ɔyikune ɔdi. Na si ɔtɛ ɔlɛɛ ni, lɛla biala lɛɛyia-nwu bɔgyila. “Ukyuli biala mete Israel kusɛ kusɛ ni, kusɛ kusɛ ɔdubɔsiaku-nwu. Na ukyuli biala mewida Israel ni, ewida adubɔsiaku-nwu.”

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 25:45

“Mmɔ na Ɔga ɔmmɔ ɔdubɔsu-ma ɔnini, ‘Mɔɔsu-mii ka ni, uwi ɔni na bítabla lɛbuni bítete ukyuli ɔni na balábu ƒui na mina badi akɔ ni, ami na bítabla bítete!’ ”

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Galatiƒuɔ 3:16

Linyese lɛni na Katɔti ɔ́su úse mmɔ lise lite Abraham ku ubidi. Na Bunweni Kedee Ɔku ɔmmɔ kemmo ni, Katɔti útasu ɔnii, “Abraham ku nwuna bebi.” Si ɔ́su ɔnii, “ku nwuna bebi” ni, na ɔɔtina ka bebi bammɔ bemomo. Mmomu bɔsu na ɔ́su ɔnii ku ubidi. Na ɔmɛni ɔɔtina ka ukyuli unwi pɛ. Na ukyuli ɔmmɔ ndi Kristo.

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Galatiƒuɔ 3:8

Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Budie Taatina 7:9

Na ɔmɛni kama ni, lɛ́nu ka bekyuli pii badi benye mmɔ bani na ukyuli ɔdi ulakana bɔka! Bekyuli bamɛni bási kalɔ biala kemmo ku kadi biala akɔ ku bekyuli lidu lidu ƒui akɔ ku adi lidu biala kemmo ka bénye lɛgaboku lɛmmɔ ku Koƒonu Ubi ɔmmɔ anumi, na bákya lɛwu lɛƒualadi na bada like.