Galatiƒuɔ 5:7 - Katɔti Ɔku Kedee

⁷ Na nka binye kabla kammɔ lɛlɔ kaduɛ! Na ɔma náya na bɛ́da bɛ́ya, na ɔ́ya na bɛ́da litemi geen lɛmmɔ lɛlɔ bɔdi bɛ́ya?

Galatiƒuɔ 5:7 ပူးပေါင်းရင်းမြစ်များ

Mateo 13:21

Nsu ka litemi lɛmmɔ lítaƒɔ-ma lɛlɔ kemmo ɔsu ni, lilélie-ma kemmo teetu uwi ɔdi. Anwuɔsu si lɛbibo iye bukpoku bɔdi búbo-ma lɛlɔ na litemi lɛmmɔ ɔsu ni, enu aaƒɛ-ma kɔnakunwi.

Batalane Kabla 6:7

Amu na bekyuli pii báƒɔ Katɔti litemi buni. Na baƒɔtaadine lɛnɔ bémomo na Yerusalem bébu. Na Yudaƒuɔ bakpane pii badi lɛnɔ bénwini basiaku bɔƒɔtaadi bɔmmɔ kama.

Romaƒuɔ 10:16

Nsu ni, ɔɔɔdi Yudaƒuɔ ƒui náƒɔ litemi buni lɛmmɔ. Ɔsika Yesaia ɔ́su ɔnini, “Blɔti, ɔma náƒɔ bula litemi ɔ́di?”

Romaƒuɔ 15:18

Lɛɛɛdubo bɔyii bɔsu lɛla lɛdi na lɛla bamba lɛdi lɛlɔ ntu lɛla lɛni na Kristo ɔ́bla ɔkɛnku-mi lɛlɔ kani. Ɔ́ya na lɛ́kpanku bekyuli bani naaadi Yudaƒuɔ, kalɛ bebo na badi Katɔti litemi lɛlɔ ɔkɛnku lɛla lɛni na lɛ́su-ma na lɛ́bla lɛnɔ ɔsu.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Romaƒuɔ 2:8

Nsu bekyuli bani mɔɔwia ama lɛti lɛkɛ na beení litemi geen lɛmmɔ na basiaku alaekpidi bɔbla kama ni, Katɔti ɔdubo kɔnyi bɔkɛ na bana lɛlɔ na ɔni-ma kɔtu geen.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Korintoƒuɔ 1 9:24

Bɛgyi nwaa ka bekyuli pii muusié usi kekelikɔ. Nsu ukyuli unwi pɛ mɔɔdi lɛlɔ taaƒɔ lɛyuƒɔla. Anwuɔsu bikeli usi ɔmmɔ kalɛ na bɛdi lɛlɔ na bɛkɛ lɛyuƒɔla.

Korintoƒuɔ 2 10:5

Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.

Galatiƒuɔ 2:2

Lísie mmɔ ɔsika Katɔti nédie ɔ́tina-mi. Na lídie ala kalɔ lɛ́tina-ma ɔkɛnku litemi buni lɛni lɛ́sa na lɛ́kɔ líte bani naaadi Yudaƒuɔ mmɔ lɛlɔ. Nsu ami ku batɔnkune bani ntɔnku baƒɔtaadine akpa ammɔ lɛti nása. Ɔsika naaayɔ nnii ɔkɛnku batɔnkune bammɔ ɔsu na mina kabla kani mɔɔbla mɛni iye kani na lɛ́bla lɛ́vi kabla keeke.

Galatiƒuɔ 3:1

Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.

Galatiƒuɔ 5:10

Lɛ́ƒɔ lɛ́di na Blɔti lɛnyi kemmo ka bɛsɔ bileti kasusu kabambadi. Na ukyuli ɔni muuƒú-mii kasusu mmɔ ni, ɔdubɔkɛ nwuna kɔtu bɔni kalɛ na ɔ́manku-nwu si ina bi ukyuli na ɔdi.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Hebriƒuɔ 11:8

Ɔkɛnku bɔƒɔtaadi lɛlɔ ɔsu na Abraham únu Katɔti litemi uwi ɔni na Katɔti ɔ́lɔ-nwu ka uteesie kalɔ kani lɛlɔ na Katɔti ɔ́su ka ɔdubuti ute-nwu lɛlɔ. Únu kalɔ na úsie ina ka ɔɔɔgyi likpo lɛni na úsela.

Hebriƒuɔ 12:1

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.