Galatiƒuɔ 5:1 - Katɔti Ɔku Kedee

¹ Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.

Galatiƒuɔ 5:1 ပူးပေါင်းရင်းမြစ်များ

Kɔgya 51:12

Mmomu na asɔku mina ngba bɔƒɔ lɛlɔyɔ lɛni na éte-mi mmɔ akya-mi lɛlɔ kemmo. Na aya na lɛkana bunye kpakplaa na ntaadi ƒula litemi lɛlɔ.

Agba 23:23

Ƒɔ litemi geen bɛla se lɛlɔ, na teti-ni teye. Na ada anu na aya batumini-ɔ kalɛ na anu ala ati kaduɛ.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Mateo 23:4

Kalɛ na beedie ɔda bubo bɔmmɔ kalɔ ni, ubo bekyuli ɔkplu geen ka badi-mu lɛlɔ aani kalɛ na baatɛ etila ku unu taasia bekyuli lili. Na balayɔ ka bakyaku-ma kɔnu na akɔsi-ma bude.

Luka 5:38

Nsu beeti ntɛ bɔwɔdi teewi ɔku koƒo kɔwɔdi kemmo.

Batalane Kabla 15:10

Na ɔƒaani ni, bi ɔsu na bɛɛkɔ́ku Blɔti lɛni? Abu ku bula bati kuuku bútakana etila amɛni udu buti! Bi ɔsu na biiti-nya taasia baƒɔtaadine bamɛni lɛlɔ?

Romaƒuɔ 6:14

Ɔsika likpidi liiibo ɔyikun na bina lɛlɔ ka biiibo ɔda bubo kalɔ ɔsu. Mmomu bɛkya Katɔti lɛƒɔndia kalɔ.

Romaƒuɔ 6:18

Na bɛ́lɛ likpidi enu kemmo, na bínwini kabla bablane bíte ala siin bɔbla.

Romaƒuɔ 7:3

Anwuɔsu si uleku ɔmɛni úsie útélieku ɔnana ɔbambadi uwi ɔni na ɔgyani ɔmu ulie ngba ni, bekyuli badubɔlɔ-nwu banii ɔsɔnɔdine. Nsu si ɔgyani ɔmɛni úkpi ni, ɔ́lɛ ɔda bubo bɔmmɔ kalɔ. Na ubo kuƒi ka ulie kɔgya kɔbambadi ɔni na ɔɔɔdi ɔsɔnɔdine.

Romaƒuɔ 7:6

Nsu ɔƒɛni ni, ka búkpi na bɔ́lɛ ala ani nényimi-bu mmɔ kalɔ ɔsu ni, ɔda bubo bɔmmɔ bɔsɔ buládi-bu lɛlɔ. Ɔmmɔ ɔsu bɔsɔ bulábla lɛla lɛdi na ulu ɔkukudi lɛlɔ. Mmomu ulu ɔwɔdi ɔni nkɛnku Katɔti Kɔyu lɛlɔ na bɔɔbla kabla.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Korintoƒuɔ 1 7:22

Si aabla ukyuli bamba kabla asa na Blɔti ɔ́lɔ-ɔ ni, énwini ukyuli ɔni na ebo bɔnwuna na Blɔti kudɔ. Na lɛni kani na si aabla awɔ ɔlati kabla asa na Blɔti ɔ́lɔ-ɔ ni, énwini ukyuli ɔni mɔɔbla Blɔti kabla.

Korintoƒuɔ 2 11:20

Na bɛɛtunaku-ma si ɔdi úti-mii ɔ́bla nwuna kabla ɔblane iye ɔ́kɛ-mii lɛlɔ kɔsia kɔdi iye ɔ́kywɛ-mii kakpagyuɛ kadi iye baanu-mii kalɔ kalɔ iye ɔ́ƒiɛmi-mii ɔtugya muedi.

Korintoƒuɔ 2 3:17

Na ɔƒɛni ni, Blɔti ɔni na bɔɔlɔ mɛni ni, anwu ndi Katɔti Kɔyu. Na kesii kani na Katɔti Kɔyu kɔkya ni, lɛla lɛdi lɛsɔ lilényimi ukyuli.

Galatiƒuɔ 2:4

Nsu ɔkɔ banyine bani néti lɛlɔ bénwini banwa badi béyu béduo-bu akɔ, na bábɛ baatú-bu kalɛ na bati bɔnwuna bɔni na bubo na Kristo Yesu kemmo na baya na bɔsɔ bunwini kabla bablane bute Yudaƒuɔ ɔdi ala bɔbla.

Galatiƒuɔ 3:25

Na ɔƒɛni ɔni na bɔƒɔtaadi bɔmmɔ búubo ni, ɔɔɔdi ɔda bubo bɔmmɔ nsɔ mɔɔnu-bu lɛlɔ.

Galatiƒuɔ 4:26

Nsu Yerusalem ɔni nkya katɔ ni, lɛla lɛdi lɛɛɛda-nwu, na anwu ndi kɔduni ɔni ndi bula uni.

Galatiƒuɔ 4:31

Ɔmɛni ɔsu ni, mina banwa, abu bɔɔɔdi kaduli kabla ɔblane bebi, mmomu kɔduni bebi na bɔdi.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Galatiƒuɔ 5:13

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Eƒesoƒuɔ 6:14

Anwuɔsu binye kagyumana na biti Katɔti litemi geen binwini aani kabuli bɛda kavobi, na biti lɛlɔ bɔbla siin binwini aani lɛgyumanala bɛbala kayi.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Tesalonikaƒuɔ 1 3:8

Ɔƒɛni na bula ngba bulie bɔ́sɔ bɔ́bla ɔwɔdi, ɔsika búnu kalɛ na binye kpakplaa na Blɔti bɔƒɔtaadi lɛlɔ.

Tesalonikaƒuɔ 2 2:15

Ɔmɛni ɔsu ni, banwa, binye kpakplaa na biƒie etemila ani na bɔ́tina-mii na bula lɛku bunweni ku bɔtɛmi kemmo bɛda.

Hebriƒuɔ 10:23

Na bɛya na bunye bɔƒɔtaadi bɔni kenye na buudie lɛlɔ kpakplaa. Ɔsika ukyuli ɔni nése-bu kenye kammɔ ni, ɔɔbla ala ulu lɛlɔ.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.

Petro 1 2:16

Bilie aani bekyuli bani naaakya bekyuli bamba kalɔ. Nsu bitabla likpidi ka bilie bite lɛlɔ ɔsu. Mmomu bilie ngba aani Katɔti kabla bablane.

Petro 2 2:19

Ɔkɔ ala batinane bamɛni beesé kenye ka badubɔbla bana kama basiakune na bakɛ bɔnwuna uwi ɔni na ama alati bénwini kabla bablane béte ekpidi ani ndubo-ma bɔkyula. Ɔsika ukyuli ɔdi kabla ɔblane ute lɛla lɛni nádi-nwu lɛlɔ.

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.

Budie Taatina 2:25

Nsu biƒie bɔƒɔtaadi bɔni na bibo bɛda kpakplaa úti útédu uwi ɔni na mebo.

Budie Taatina 3:3

Ɔmɛni ɔsu ni, binyimo lɛla lɛni na bátina-mii na bínu lɛnɔ, na bɛda-ni kaduɛ na bina ekpidi eduo-mii na binwini kama bɛkya-nya. Nsu si bítagyinya ni, ndubo-mii kudɔ aani uyune kalɛ na biláti uwi ɔni kemmo na meti mada malɛ-mii lɛlɔ.