Galatiƒuɔ 4:6 - Katɔti Ɔku Kedee

⁶ Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Galatiƒuɔ 4:6 ပူးပေါင်းရင်းမြစ်များ

Yeremia 3:19

“Ami ɔlati násu nnini, ‘Lɛ́yɔ ka lɛbla-mii mina bebi na lite-mii kalɔ kabunidikɔ ƒui kani mɔɔdia bɔnu teetulo na kalɔ kammɔ ƒui lɛlɔ.’ Na lɛ́yɔ ka bɛnu-mi bɛti na bɛlɔ-mii bɛnii Ati, na bɛsɔ bilatɔlɔ-mi kudɔ.

Yeremia 3:4

Bɛɛlɔ-mi bina ɔti na bɛɛtina ka ɔ́si bina lɛnamu uwi ƒui na bɛɛyɔ́-mi.

Marko 14:36

Amu na ɔ́su ɔnini, “Ati, mina Ɔti! Akana na abla lɛla biala. Si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Luka 11:13

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

Luka 11:2

Amu na Yesu ɔ́su-nwu ɔnini, “Si bɛɛkpali katɔ ni, na bɛsu bɛnii, “ ‘Ati, balɔ-ɔ lɛnyi buni. Ƒula lɛga kadikɔ kebo-bu akɔ. Babla ƒula lɛƒɔyɔ na kalɔ lɛlɔ aani kalɛ na use na katɔ.

Yohane 14:16

Na ndubuvele mina Ɔti na ute-mii Ubunkune ɔbambadi ɔni ndubulie-mii kudɔ uwi ƒui.

Yohane 15:26

“Katɔti Kɔyu kɔni ndi Ubunkune ɔ́si Katɔti kudɔ ɔdubo. Na anwu muudie litemi geen lɛni ndanku Katɔti lɛlɔ taatina. Ami ndubɔtala-nwu lɛsiku Katɔti kudɔ lɛkya-mii. Na ɔdubɔsu-mii ala ɔsiku-mi lɛlɔ.

Yohane 16:7

Nsu mɔɔsu-mii geen ka ni, si lɛ́tɔlɔ-mii kudɔ ni, ɔdia-mii utulo. Ɔsika si ńtatɔlɔ ni, Ubunkune ɔmmɔ ulebo-mii kudɔ. Nsu si lɛ́tɔlɔ ni, ndubɔtala-nwu lɛkya-mii.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Yohane 7:39

Mɛni ni, Kɔyu kɔni ndubɔƒɔ bekyuli bani náƒɔ-nwu bádi lɛlɔ kemmo litemi na ɔɔsu. Ɔsika úti úbedu ɔƒɛni ni, Katɔti útatala tɔ Kɔyu kɔmmɔ ɔnii kutáƒɔ-ma lɛlɔ kemmo. Ɔsika Yesu úteduo tɔ nwuna lɛga bɔdi bukeye kemmo.

Batalane Kabla 16:7

Na ka bétédu Misia ni, báwia ka batávi Bitinia kalɔ lɛlɔ. Nsu mɛni lɛnɔ ni, Katɔti Kɔyu kútatuna ka besie mmɔ.

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Romaƒuɔ 8:9

Si Katɔti Kɔyu kɔ́ƒɔ-mii lɛlɔ kemmo ni, biiilie na bina ɔlɔna udu ɔkukudi bɔyɔ kenye, mmomu kalɛ na Katɔti Kɔyu kɔɔyɔ́. Na si Kristo Kɔyu kútaƒɔ ukyuli ɔdi lɛlɔ kemmo ni, ɔɔɔdi Kristo ɔdi.

Korintoƒuɔ 1 15:45

Ɔsika ɔkya Bunweni Kedee Ɔku kemmo ka ni, “Ukyuli udeedi ɔni ndi Adam ni, Katɔti nédie-nwu na úte-nwu ngba aani ɔyawine.” Na Adam ukplodi ɔmɛni anwu ni, ɔdi Kɔyu kɔni muute ngba geen.

Korintoƒuɔ 2 1:22

Anwu nése-bu likpo úti ɔ́tina ka anwu mbo-bu uwi ɔni na úti nwuna Kɔyu ɔ́kya-bu lɛlɔ kemmo. Na kuna lɛlɔ na búti bula kama búkpo na ala ani ƒui na ɔ́klibi úse úte-bu lɛlɔ.

Korintoƒuɔ 2 3:17

Na ɔƒɛni ni, Blɔti ɔni na bɔɔlɔ mɛni ni, anwu ndi Katɔti Kɔyu. Na kesii kani na Katɔti Kɔyu kɔkya ni, lɛla lɛdi lɛsɔ lilényimi ukyuli.

Eƒesoƒuɔ 1:13

Lɛni kani na béti amii lɛnɔ bébunku Kristo badi akɔ ɔkɛnku litemi geen lɛni na bɛ́ƒɔ bɛ́di ɔsu. Na litemi buni lɛmmɔ néti ngba bɔƒɔ búboku-mii. Na ka bɛ́ƒɔ Kristo bɛ́di ɔsu ni, Katɔti úti nwuna Kɔyu kɔni na ɔ́su úse ka wete-bu mmɔ úse-bu likpo.

Eƒesoƒuɔ 2:18

Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Ƒilipiƒuɔ 1:19

Ɔsika ngyi ka ɔkɛnku bina katɔ bɔkpali na mina lili ku Katɔti Kɔyu kebunku kani nási Yesu Kristo kudɔ ɔsu ni, ndubɔkɛ bɔnwuna.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Petro 1 1:11

Básia ulu biala lɛlɔ ka bati uwi ku ukyuli ɔni lɛlɔ na ala amɛni adubɔlɛ. Na Kristo Kɔyu náƒɔ-ma lɛlɔ kemmo na kɔ́ya na básu-bu ala bése. Kɔyu kɔmmɔ kɔ́su kúse kalɛ na Kristo ɔdubo abi bubo ku kalɛ na lɛlɔ lɛdubo-nwu bɔyɔ na ɔmmɔ kama.

Yuda 1:20

Nsu ni, mina banwa, biti lɛlɔ bɛsia Kristo kalɛ na bina bɔƒɔtaadi kedee bɔyu ɔkplu, na bitaakpali katɔ na Kɔyu kemmo na ɔkya-mii ɔyikun.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”