Galatiƒuɔ 4:1 - Katɔti Ɔku Kedee

¹ Lɛla lɛni na mɔɔsu ndi ka uwi ɔni na ɔnamu ɔni mɔɔdi ɔti ala ɔmu use blii suɛ ni, ɔnamu ɔmmɔ use aani ukyuli ɔni mɔɔbla ukyuli ɔdi kabla. Ina ka anwu mbo lɛla biala.

Galatiƒuɔ 4:1 ပူးပေါင်းရင်းမြစ်များ

Baga 2 11:12

Ɔmmɔ kama Yehoiada ɔ́kpanku Yoas ɔ́lɛku keyi. Na úti ɔga kabua úbi-nwu na úti bunyimi kakunkɛ ɔ́kya-nwu enu kemmo. Na béwi Yoas nnɔmii lili na bébo-nwu kudu ka anwu ndi ɔga. Na bekyuli bammɔ bágya anukpɛ na báva momoomo básu banini, “Ɔga uli ngba gyɔlɔɔ!”

Baga 2 12:2

Na Yoas ɔ́bla lɛla lɛni na lɛ́yɔ Unwoti kaƒɔ akwa ani ƒui na ɔkpane Yehoiada útaalɛ-nwu mmɔ kemmo.

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Galatiƒuɔ 4:2

Uwi ɔni na ɔmu ɔdi ɔnamu mɛni ni, ubo bekyuli bani mɔɔnu anwu ku nwuna ala lɛlɔ úti útédu uwi ɔni na ɔti úse úse.

Galatiƒuɔ 4:23

Na ubi ɔni na uleku ɔni mɔɔbla-nwu kaduli kabla ɔ́wɔ ni, báwɔ-nwu na uwi ɔni kemmo na ɔnana ku uleku beelie taawɔ kalɛ kani. Nsu ubi unyɔdi ɔni na kɔduni ɔ́wɔ anwu ni, litela na lɛdi lite-ma na Katɔti lɛsuse kenye na uwi ɔni na ɔnana ku uleku basɔ balásia kɔwɔ anu.

Galatiƒuɔ 4:29

Na uwi ɔmmɔ kemmo ni, ubi ɔni na uleku ɔni mɔɔbla kaduli kabla mmɔ ɔ́wɔ ni, úkpoku ubi ɔni na ɔkɛnku Katɔti Kɔyu ɔyikun lɛlɔ na kɔduni ɔ́wɔ-nwu. Na lɛni kani na ɔɔlɛ́ ɔmwi.

Yohane 1 5:10

Anwuɔsu ukyuli ɔni náƒɔ Katɔti Ubidi ɔmmɔ ɔ́di ni, ɔgyi geen na nwuna kayi kemmo ka kenye budie bɔmmɔ bɔdi litemi geen. Nsu ukyuli ɔni nátaƒɔ Katɔti útadi ni, ɔɔnu Katɔti aani ɔkɔ ɔnyine, ɔsika útaƒɔ ala ani na Katɔti ɔ́su ɔ́siku Ubidi ɔmmɔ lɛlɔ útadi.