Galatiƒuɔ 3:8 - Katɔti Ɔku Kedee

⁸ Na Bunweni Kedee Ɔku kemmo básu bése ka ni, Katɔti ɔdubɔklibi anwu ku bani naaadi Yudaƒuɔ ƒui ntɛ ɔkɛnku bana bɔƒɔtaadi na Kristo lɛlɔ ɔsu. Anwuɔsu Katɔti ɔ́su litemi buni lɛmɛni úte Abraham kukuuku ɔnini, “Ndubute kadi ƒui bekyuli kusɛ kusɛ ɔkɛnku awɔ lɛlɔ.”

Galatiƒuɔ 3:8 ပူးပေါင်းရင်းမြစ်များ

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Ala Kalɔ Buse 18:18

Abraham ɔdubo bɔwɔ na nwuna kadi bekyuli baƒɔ lɛnyi na bakɛ ɔyikun. Na ɔkɛnku Abraham ɔmɛni lɛlɔ ɔsu na ndubute kayawi kadi ƒui bekyuli kusɛ kusɛ.

Ala Kalɔ Buse 22:18

Na ɔkɛ ƒula kaba kemmo ni, ndubute kayawi ƒui bekyuli kusɛ kusɛ. Ɔsika énu-mi litemi na ádi-ni lɛlɔ.”

Ala Kalɔ Buse 26:4

Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ.

Ala Kalɔ Buse 28:14

Na ƒula kaba kemmo bebi bamɛni badubo bumomo aani kɔnwinimi. Na bɛdubo bugyingya busie ɔƒɛ katukɔ ku kanukɔ. Na bisie katɔ ku kada kakɛ lɛnɔ. Na ɔkɛnku awɔ ku ƒula kaba kemmo bebi lɛlɔ na ndubute kayawi kadi bekyuli ƒui kusɛ kusɛ.

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Kɔgya 72:7

Ya na ala bɔbla siin bɔƒɔ kalɔ kammɔ ƒui lɛlɔ na nwuna lɛga bɔdi butu uwi. Na atu bɔyɔ ku keyi buɛɛ kaƒɔ-bu akɔ wetédu ka kɔbuli kɔ́da bɔtu teewi-bu lɛlɔ kɔ́ya.

Yesaia 6:13

Na ina bekyuli bammɔ lɛkpa leevudi kani nébu ni, ama lɛnɔ ndubɔyila-ma udu. Nsu kalɛ na egyukwii eebú teenye si báda egyii báwɔlɔ ni, lɛni na mina badi bani na lɛ́ƒuna badi badubo bubu bulie kama.”

Yesaia 65:9

Ndubo Yakob kaba kemmo bawɔ bɔƒuna ku Yuda lɛnɔ. Na ama na ndubɔya na beti mina abi ammɔ ƒui benwini bana ɔdi. Na mina bekyuli baƒunadi bamɛni na ndubɔya na beti bana kalɔ kammɔ na belie-ka lɛlɔ.

Yeremia 4:2

Na bise kenye biala na mina lɛnyi kemmo! Na bɛdi lɛla lɛni kenye na bíse lɛnɔ lɛlɔ! Na kadi bekyuli ƒui badubo-mii buteemwi na lite-mii kusɛ kusɛ.

Yohane 19:37

Na bénweni lɛla bamba lɛnɔ banini, “Bekyuli badubɔnu anwu ɔni na bátu-nwu lɛtula ɔƒɛnyi mmɔ.”

Yohane 7:38

Lɛni na Bunweni Kedee Ɔku ɔ́su ɔ́siku ukyuli ɔni mɔɔƒɔ́-mi taadi lɛlɔ ɔnini, ‘Abiɔ ani naaakwii na aayá na ukyuli uulie ngba ntu bɔdubo butaagba taasiku-nwu kayi kemmo.’ ”

Yohane 7:42

Ɔɔɔdi bɔsu na Bunweni Kedee Ɔku ɔ́su ka Ukyuli Ɔƒunadi ɔmmɔ wasi Ɔga Dawid kaba kemmo na Betlehem ɔma kesii kani na Dawid ɔ́si yoo?”

Romaƒuɔ 9:17

Na Bunweni Kedee Ɔku kemmo ni, Katɔti ɔ́su Ɔga Ƒarao ɔnini, “Kasusu kamɛni geen ɔsu na líse-ɔ lɛga kalɛ na lidie mina ɔyikun lɛtina bekyuli ɔkɛnku ƒula lɛlɔ, na bebo-mi lɛnyi kudu bete kayawi bekyuli ƒui.”

Romaƒuɔ 9:30

Ɔmɛni ɔsu ni, bi na ɔdi ka bɔsu? Bekyuli bani naaadi Yudaƒuɔ na bátasiaku lɛlɔ bɔbla siin kama ni, bénwini bekyuli bani nse siin ɔƒɛni na Katɔti anumi ka báƒɔ-nwu bádi ɔsu.

Galatiƒuɔ 3:16

Linyese lɛni na Katɔti ɔ́su úse mmɔ lise lite Abraham ku ubidi. Na Bunweni Kedee Ɔku ɔmmɔ kemmo ni, Katɔti útasu ɔnii, “Abraham ku nwuna bebi.” Si ɔ́su ɔnii, “ku nwuna bebi” ni, na ɔɔtina ka bebi bammɔ bemomo. Mmomu bɔsu na ɔ́su ɔnii ku ubidi. Na ɔmɛni ɔɔtina ka ukyuli unwi pɛ. Na ukyuli ɔmmɔ ndi Kristo.

Galatiƒuɔ 3:22

Nsu Bunweni Kedee Ɔku ɔmmɔ ɔ́su ka kayawi kemodi kénwini kabla ɔblane kéte likpidi. Na kenye kani na Katɔti ɔ́su úse ka wete bekyuli ɔkɛnku bɔƒɔtaadi na Yesu Kristo lɛlɔ kadububo kete bani náƒɔ-nwu bádi.

Galatiƒuɔ 4:30

Nsu bi na bénweni bákya Bunweni Kedee Ɔku kemmo? Bénweni banii, “Bɔku uleku ɔni mɔɔbla kaduli kabla mmɔ ku ubidi na batɔlɔ kaduli mmɔ, ɔsika uleku ɔni mɔɔbla kaduli kabla ubi ku kɔduni ubi balakana bana ɔti ala bule bɔdi.”

Hebriƒuɔ 4:2

Ɔsika básu abu lɛnɔ litemi buni lɛmmɔ aani kalɛ kani na básu ama lɛnɔ. Nsu litemi lɛni bénu kátalɛ kɔsia kɔdi kétete-ma. Ɔsika ama bani nénu kenye kammɔ ni, bátaƒɔ-ka bátadi.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”