Galatiƒuɔ 3:1 - Katɔti Ɔku Kedee

¹ Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.

Galatiƒuɔ 3:1 ပူးပေါင်းရင်းမြစ်များ

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Mateo 7:26

Nsu ukyuli ɔni muunú mina etemila na uládi-nya lɛlɔ ni, ɔdi ɔdɔlɔdi. Use aani ukyuli ɔni nátu nwuna ɔtɔ na kɔnwinimi lɛlɔ.

Luka 24:25

Amu na Yesu ɔ́su-ma ɔnini, “Bɛ́dɔlɔ! Na bina bɔƒɔtaadi na ala ani na Katɔti kenye bediene básu-mii lɛlɔ bɔba!

Batalane Kabla 16:6

Na nwuna kama ni, bávi bésie Ƒrigia ku Galatia, ɔsika Katɔti Kɔyu kútete-ma kuƒi ka basu litemi buni na Asia kalɔ lɛlɔ.

Batalane Kabla 6:7

Amu na bekyuli pii báƒɔ Katɔti litemi buni. Na baƒɔtaadine lɛnɔ bémomo na Yerusalem bébu. Na Yudaƒuɔ bakpane pii badi lɛnɔ bénwini basiaku bɔƒɔtaadi bɔmmɔ kama.

Romaƒuɔ 10:16

Nsu ni, ɔɔɔdi Yudaƒuɔ ƒui náƒɔ litemi buni lɛmmɔ. Ɔsika Yesaia ɔ́su ɔnini, “Blɔti, ɔma náƒɔ bula litemi ɔ́di?”

Romaƒuɔ 2:8

Nsu bekyuli bani mɔɔwia ama lɛti lɛkɛ na beení litemi geen lɛmmɔ na basiaku alaekpidi bɔbla kama ni, Katɔti ɔdubo kɔnyi bɔkɛ na bana lɛlɔ na ɔni-ma kɔtu geen.

Romaƒuɔ 6:17

Nsu bɔɔgyá Katɔti enu, ɔsika uwi ɔdi kemmo ni, bɛdi kabla bablane bite likpidi. Nsu ɔƒɛni ni, bíti bina kayi ƒui bɛɛdi litemi geen lɛni lɛ́tina-mii mmɔ lɛlɔ.

Korintoƒuɔ 1 11:26

Ɔmɛni ɔɔtina ka uwi biala na bɛɛdi iye bɛɛní na ɔɔƒɛɛ ɔmɛni kemmo ni, biibó Blɔti kukpi kudu wetédu uwi ɔni na wasɔ webo.

Korintoƒuɔ 1 2:2

Na uwi ɔni na ḿbakya-mii kudɔ ni, lɛ́tɛmiku-mii na Yesu Kristo ɔmmɔ lɛti pɛ lɛlɔ. Na ɔni ntulo ƒui ndi nwuna kukpi na ugyii lɛlɔ.

Korintoƒuɔ 2 10:5

Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.

Korintoƒuɔ 2 11:3

Nsu mɔɔyia ka ukisine ɔmmɔ ɔdububile-mii kasusu na bɛsɔ bilése sɛɛn na bɛsiaku Kristo lɛti kama. Lɛni na kɔlakpi kɔmmɔ kúti nwuna kɔkwɛ kukpidi kúbile Eva kasusu na ɔ́ya na ɔ́bla likpidi.

Galatiƒuɔ 1:2

Ami ɔmmɔ nénweni ɔku ɔmɛni na ami ku mina banwa bani nkya mɛni buugyele amii Katɔti baƒɔtaadine bani ƒui nkya Galatia.

Galatiƒuɔ 1:6

Bina lɛlɔ lɛ́bla-mi kalɛ kadi geen, ɔsika ńtaƒɔ ńtadi nnii bɛdubɔlɛ Katɔti ɔni nálɔ-mii ɔkɛnku Kristo Yesu kaƒɔ buni kani na ɔ́bla-mii kama na bɛsiaku litemi bamba kama.

Galatiƒuɔ 2:14

Amu ka lɛ́nu lɛ́ti ka baaakɛ litemi geen lɛmmɔ ulu lɛlɔ ɔsu ni, lɛ́su Petro na bekyuli bammɔ ƒui anumi nnii, “Yudani na adi, nsu eelie aani ukyuli ɔni naaadi Yudani, na ɔɔɔdi aani kalɛ na Yudaƒuɔ beelie kalɛ. Anwuɔsu dɛ na ɔbla asa na éti ƒula ɔbladu eenye bekyuli bani naaadi Yudaƒuɔ lɛlɔ ka basia Yudaƒuɔ ɔdi bɔbla kama?

Galatiƒuɔ 3:3

Bi ɔsu na bɛɛbla ala susuusu lɛni? Ka bíse bina ngba bɔmɛni bulie kalɔ ku Katɔti Kɔyu ɔyikun ni, bɛɛyɔ́ ka bɛwɔlɔ ku bayawine ɔyikun?

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Galatiƒuɔ 5:11

Banwa, na mina kakɛ ni, si bɔsu na mmu mɔɔsu bekyuli ka ɔlɛka bekulo ago ni, na nka bi ɔsu na bekyuli beekpóku-mi? Na ɔɔtina ka nka Kristo kukpi na ugyii lɛlɔ lɛsa lɛni mɔɔkɔ́ ni, ɔsɔ ulékpoku Yudaƒuɔ.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Eƒesoƒuɔ 5:15

Anwuɔsu bɛnu lɛlɔ kemmo kaduɛ na bɛti kalɛ na biti bilie ngba. Bitelie aani bekyuli bani nátada anu. Mmomu bilie ngba aani bekyuli bani náda anu.

Lɛkpa Ulu 32:6

Ulu ɔni lɛlɔ na bɛdubɔsia bise bina Unwoti kɔdɛ na ɔdi mmɔ? Amii bekyuli badɔlɔdi biiibo kasusu kadi. Unwoti ndi bina Ɔti ku bina Udiene. Na anwu nábla-mii na ɔ́vɔ-mii.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Hebriƒuɔ 11:8

Ɔkɛnku bɔƒɔtaadi lɛlɔ ɔsu na Abraham únu Katɔti litemi uwi ɔni na Katɔti ɔ́lɔ-nwu ka uteesie kalɔ kani lɛlɔ na Katɔti ɔ́su ka ɔdubuti ute-nwu lɛlɔ. Únu kalɔ na úsie ina ka ɔɔɔgyi likpo lɛni na úsela.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 4:17

Litemi bɔtɛ limeyi lɛmmɔ líide, na Katɔti ɔdubɔka nwuna bekyuli litemi bɔtɛku. Na si abu nwuna bekyuli lɛlɔ na wese kalɔ lɛni ni, dɛ na ɔdubɔwɔlɔku bekyuli bani na bétemonku nwuna litemi buni lɛmmɔ bɔƒɔ bɔdi.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Budie Taatina 18:3

Ɔsika Kayawi bekyuli ƒui báni ɔma ɔmmɔ alaekpidi bɔbla békpi aani ntɛ. Na ɔ́tɔlɔ-ma aani kalɛ na ɔyalɛ ɔɔtɔ́lɔ bekyuli taatákya likpidi kemmo. Kalɔ lɛlɔ baga ƒui beesié ɔma ɔmmɔ teebo aani kalɛ na banana beesié ɔyalɛ kudɔ. Na kalɔ ƒui beyedine benengudi bénwini balakɛne ɔkɛnku bana liyedi na ɔma ɔmmɔ ɔni néyi ku akɛla ani ndanku adikpi bɔdi.”

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.

Samuel 1 13:13

Amu na Samuel ɔ́su Saul ɔnini, “Adɔlɔla geen na adi na ábla mɛni. Bi ɔsu na átadi Unwoti etemila lɛlɔ. Si banii bɔdi na ádi nwuna etemila lɛlɔ ni, nka Unwoti ɔdubɔya na awɔ ku ƒula kaba kemmo bebi bɛdi lɛga na Israelƒuɔ lɛlɔ uwi ƒui.