Galatiƒuɔ 2:9 - Katɔti Ɔku Kedee

⁹ Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Galatiƒuɔ 2:9 ပူးပေါင်းရင်းမြစ်များ

Baga 2 10:15

Ka ɔ́tɔlɔ mmɔ úsela ni, útásiaku Rekab ubidi ɔni baalɔ-nwu banii Yehonadab. Na Yehu ɔ́kya-nwu kenye ɔnini, “Aabu ka ami ku-ɔ bɔdi benwi aani kalɛ ami mɔɔkali?” Amu na Yehonadab údie kenye ɔnini, “Ɛɛn, bɔdi benwi geen.” Amu na Yehu ɔ́su-nwu ɔnini, “Si use lɛni bɔdi na ete-mi kɔnu.” Amu na béte lɛlɔ enu. Na Yehu úbunku-nwu na ɔ́kɔ úduo nwuna ɔpɔnkɔ kɛɛkɛ kemmo.

Mateo 16:18

Anwuɔsu mɔɔsu-ɔ ka awɔ ndi Petro ɔni kalɔ ndi lɛtakpɛ. Na lɛtakpɛ lɛmɛni lɛlɔ na ndubuti mina baƒɔtaadine lɛtu linyine aani ɔtɔ kalɛ. Na kukpi ɔyikun muedi ulakana-ma lɛlɔ bɔdi.

Luka 22:8

Na Yesu ɔ́tala Petro ku Yohane ku kenye kamɛni ɔnini, “Bisie na bitáklibi Kukpi Lili Bɔvia adila bise kalɛ na bɔdi.”

Yohane 1:42

Na Andrea ɔ́tɔnku Simon úsienku Yesu kudɔ. Na ka Yesu ɔ́nu Simon ni, ɔ́su-nwu ɔnini, “Awɔ ndi Yohane ubidi Simon, nsu bekyuli badubɔlɔ-ɔ banii Keƒas,” iye Petro. Na anyi ammɔ kalɔ budie ndi lɛtakpɛ.

Batalane Kabla 12:17

Amu na ɔ́ya na bába lɛsɛ. Na ɔ́su-ma ala ani nébo ku kalɛ na Unwoti úbedie-nwu ɔ́lɛku ɔtɔ kemmo. Na ɔ́su-ma ɔnii basu Yakobo ku bakladi lɛla lɛni nálɛ. Ɔmɛni kama ni, ɔ́tɔlɔ mmɔ úsie kesii bamba.

Batalane Kabla 15:13

Uwi ɔni na ama báwɔlɔ ni, Yakobo lɛnɔ ɔ́ta únye na ɔ́su ɔnini, “Banwa, bɛkywɛ atu na binu.

Batalane Kabla 15:7

Na kasalakɔ kamɛni kalɔ ni, uwi ɔni na báatɛmi na ala pii lɛlɔ ni, Petro ɔ́ta únye na ɔ́su-ma ɔnini, “Banwa, amii alati bɛgyi ka Katɔti náƒuna-mi ɔ́siku bina akɔ ɔnii mbasu bekyuli bani naaadi Yudaƒuɔ lɛnɔ litemi buni lɛmɛni kalɛ na ama lɛnɔ baƒɔ badi.

Batalane Kabla 4:36

Amu na ɔnana ɔdi ɔ́kya ɔni baalɔ Yoseƒ na ɔ́si Lewi kaba kemmo na Kipro kalɔ lɛlɔ. Na batalane bamɛni básia-nwu lɛnyi banii Barnaba ɔni kalɔ ndi Ogya Ɔkyane.

Romaƒuɔ 1:5

Na ɔkɛnku Kristo lɛlɔ ni, Katɔti ɔ́nu-bu kɔnyana na úti-bu ɔ́bla batalane úte Kristo kalɛ na bɔya na kadi ƒui bekyuli baƒɔ badi na babla nwuna lɛyɔla.

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Romaƒuɔ 15:15

Líse kayi geen na línweni ɔku na ala adi bene lɛlɔ aani si bunyimene na nsɔ nda-mii ala ammɔ ɔkɛnku lɛƒɔndia lɛni na Katɔti úte-mi kenye.

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Korintoƒuɔ 2 11:5

Nsu lɛ́ƒɔ lɛ́di ka lɛ́ƒɔ kuye ntulo bekyuli bani na biigyingya enu taaƒɔ aani si badi batalane babuni sɔsɔ.

Korintoƒuɔ 2 12:11

Mɔɔsu ala aani ɔdɔlɔdi kalɛ, nsu amii náya na úbo úte lɛni. Ɔsika amii na ɔlɛka nka bimwi-mi. Ina lɛɛɛdi lɛla lɛdi muedi ni, ńtasɔ na ulu biala lɛlɔ ku bekyuli bani mɔɔnu lɛlɔ aani batalane babuni.

Korintoƒuɔ 2 8:4

Ama bévele-bu banii bute-ma kuƒi na bebunku bekyuli bani mɔɔbla Katɔti kabla na Yudea kalɔ lɛlɔ.

Galatiƒuɔ 1:18

Na akwa atɛ kama asa na lísie Yerusalem ńtánu Petro, na lílie-nwu kudɔ emeyi leevu-alɔ.

Galatiƒuɔ 2:1

Na akwa leevu-ene kama ni, lɛ́sɔ línwini lísie Yerusalem ku Barnaba. Na líti Tito lɛ́da.

Galatiƒuɔ 2:2

Lísie mmɔ ɔsika Katɔti nédie ɔ́tina-mi. Na lídie ala kalɔ lɛ́tina-ma ɔkɛnku litemi buni lɛni lɛ́sa na lɛ́kɔ líte bani naaadi Yudaƒuɔ mmɔ lɛlɔ. Nsu ami ku batɔnkune bani ntɔnku baƒɔtaadine akpa ammɔ lɛti nása. Ɔsika naaayɔ nnii ɔkɛnku batɔnkune bammɔ ɔsu na mina kabla kani mɔɔbla mɛni iye kani na lɛ́bla lɛ́vi kabla keeke.

Galatiƒuɔ 6:3

Na si ɔdi ɔɔnu lɛlɔ ka ɔdi lɛla lɛdi nsu ɔɔɔdi lɛla biala ni, ukyuli ɔmmɔ ɔɔtɔ́lɔ lɛlɔ.

Eƒesoƒuɔ 2:20

Amii lɛnɔ bise aani kowodu kɔni na bátu bálɛ kpakplaa kɔni na batalane ku kenye bediene bammɔ bátu. Na Kristo ɔlati ndi kowodu kalɔ lɛtabi lɛni nda kowodu kɔmmɔ.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Budie Taatina 3:12

Ndubo ukyuli ɔni madi lɛlɔ bɔbla aani lɛkpa na mina Katɔti kakpakɔ ɔni na lɛsɔ lilágyu mmɔ kudii. Ndubo mina Katɔti lɛnyi ku nwuna ɔma kedee ɔmmɔ lɛnyi bunweni bɔsia-nwu lɛlɔ. Na ɔdi Yerusalem ɔwɔdi ɔni mayu masi katɔ na Katɔti kudɔ. Na ndubo ami ɔlati lɛnyi lɛwɔdi lɛnɔ bunweni bɔsia-nwu lɛlɔ.