Galatiƒuɔ 2:5 - Katɔti Ɔku Kedee

⁵ Nsu abu lɛnɔ bútete-ma kuƒi kɔdi munu munu kalɛ na litemi geen lɛmmɔ lɛkana-mii akɔ bɔkya ɔsu.

Galatiƒuɔ 2:5 ပူးပေါင်းရင်းမြစ်များ

Nehemia 6:4

Na Sanbalat bene béti kenye kamɛni bémene-mi kune sɔɔn. Na uwi biala ni, kenye kenwi kani na ami lídie.

Batalane Kabla 15:2

Nsu Paulo ku Barnaba ku bekyuli bamɛni báni litemi lɛmɛni bénene kaduɛ. Ɔmɛni ɔsu ni, báya na baƒɔtaadine badi básiaku-ma na bésie Yerusalem kalɛ na ama ku baƒɔtaadine bani nkya Yerusalem mmɔ batátɛmi basiku ɔlɔna bukulo kɔtɛ kɔmɛni lɛlɔ.

Galatiƒuɔ 1:6

Bina lɛlɔ lɛ́bla-mi kalɛ kadi geen, ɔsika ńtaƒɔ ńtadi nnii bɛdubɔlɛ Katɔti ɔni nálɔ-mii ɔkɛnku Kristo Yesu kaƒɔ buni kani na ɔ́bla-mii kama na bɛsiaku litemi bamba kama.

Galatiƒuɔ 2:14

Amu ka lɛ́nu lɛ́ti ka baaakɛ litemi geen lɛmmɔ ulu lɛlɔ ɔsu ni, lɛ́su Petro na bekyuli bammɔ ƒui anumi nnii, “Yudani na adi, nsu eelie aani ukyuli ɔni naaadi Yudani, na ɔɔɔdi aani kalɛ na Yudaƒuɔ beelie kalɛ. Anwuɔsu dɛ na ɔbla asa na éti ƒula ɔbladu eenye bekyuli bani naaadi Yudaƒuɔ lɛlɔ ka basia Yudaƒuɔ ɔdi bɔbla kama?

Galatiƒuɔ 4:16

Munuu línwini-mii ukisine na litemi geen lɛni na lɛ́su-mii ɔsu?

Eƒesoƒuɔ 1:13

Lɛni kani na béti amii lɛnɔ bébunku Kristo badi akɔ ɔkɛnku litemi geen lɛni na bɛ́ƒɔ bɛ́di ɔsu. Na litemi buni lɛmmɔ néti ngba bɔƒɔ búboku-mii. Na ka bɛ́ƒɔ Kristo bɛ́di ɔsu ni, Katɔti úti nwuna Kɔyu kɔni na ɔ́su úse ka wete-bu mmɔ úse-bu likpo.

Koloseƒuɔ 1:5

Uwi ɔni na básu-mii litemi geen lɛni ndi litemi buni lɛmmɔ kudeedi ni, bínu ala abuni ani nse nte-mii na katɔ. Na ka bɛsia-nya anu ɔsu ni, bina bɔƒɔtaadi ku bina bɔyɔ bunye ala ani bɛsia anu mɛni lɛlɔ.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.