Galatiƒuɔ 1:8 - Katɔti Ɔku Kedee

⁸ Na mɔɔsu-mii nnii si abu iye kayaa na ɔtu ɔdi ɔ́si úbo úbasu-mii litemi lɛbambadi lɛdi na lɛɛɛdi litemi buni lɛni na bɔ́su-mii mmɔ ni, Katɔti ɔyila-nwu udu ƒui.

Galatiƒuɔ 1:8 ပူးပေါင်းရင်းမြစ်များ

Ala Kalɔ Buse 9:25

Amu na úwida Kanaan ɔnini, “Adubɔnuku-ni! Aaadubo kenyekɔ kadi bɔkɛ adubo bunwini ƒula banwani ƒui kabla ɔblane ukplodi.”

Baga 1 13:18

Amu na kenye udiene ɔni náabi lɛlɔ mmɔ údie kenye ɔnini, “Ami lɛnɔ kenye udiene na ndi aani ƒula kalɛ. Na Katɔti ɔtu ɔdi ɔ́su-mi ka Unwoti ɔnii, ‘Nwiniku-nwu boku ƒula kaduli na ubadi na ɔni lɛla lɛdi.’ ” Nsu ɔkɔ na unengu ɔmmɔ ɔɔnyi.

Nehemia 13:25

Mmɔ na lɛ́dɔnku-ma na líwida-ma, na líbo bananabi bammɔ badi na lɛ́ni-ma linwini. Na lɛ́ya na bése kenye na Unwoti lɛnyi kemmo banii, “Bɔsɔ buleti bula bebi belekubi bulete kadi bamba banana na beti-ma. Na bula bananabi lɛnɔ ni, beleti kadi bamba belekubi. Na abu lɛnɔ buleti ɔdi lɛnɔ.

Yeremia 23:16

Unwoti ɔ́su bekyuli bammɔ ɔnini, “Amii Yudaƒuɔ! Bitenu ɔkɔ kenye bediene bamɛni ɔkɔ etemila ani na baasu. Ɔsika ama alati bana kasusu kani na belie beeti etemila na adi na ɔɔɔdi ami Unwoti Ɔyikune Ƒui kudɔ na ási.

Yeremia 23:36

Use aani ka bina akɔ ɔdi biala ubo lɛla lɛni na ɔsu! Anwuɔsu si bɛsɔ bɛɛlɔ-mi lɛnyi taasu lɛla lɛdi bɛnii lɛni na ami Unwoti mɔɔsu ni, na bɛɛtu-mi etemila teenwini ɔkɔ. Na binyimo ka ami ndi bina Unwoti Katɔti Ɔyikune Ƒui.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Marko 14:71

Amu na Petro ɔ́va ɔnini, “Lɛka ka Katɔti ɔni-mi kɔtu si ɔkɔ na ndaku bɔnyi! Lɛɛɛgyi ukyuli ɔni lɛlɔ na biitemi mɛni!”

Batalane Kabla 23:14

Amu na básɔ bésie bakpane benengu ku bana batɔnkune kudɔ na bátásu-ma banini, “Búse kenye ka buladi na buláni si bútadu Paulo.

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Korintoƒuɔ 1 12:3

Na ɔdi ka bɛnu bɛti ka ukyuli biala na Katɔti Kɔyu mɔɔdi-nwu lɛlɔ ni, ulakana na wasu ɔnii, “Yesu ɔdubɔnuku-ni.” Lɛni kani na ukyuli ɔdi lɛnɔ ulakana na wasu ɔnii, “Yesu ndi Blɔti,” si ɔɔɔdi Katɔti Kɔyu mɔɔdi-nwu lɛlɔ.

Korintoƒuɔ 1 16:22

Ukyuli biala na ulayɔ Blɔti ni, ɔdubɔnuku-ni! O Blɔti, bo!

Galatiƒuɔ 1:9

Bɔ́ɔsu-mii búbavi na lɛni kani na nsɔ mɔɔsu-mii ɔƒɛni lɛnɔ ka ni, si ukyuli ɔdi ɔɔsu-mii litemi lɛdi na lɛɛɛdi litemi buni lɛni bínu na bɛ́ƒɔ-ni bɛ́di mmɔ ni, Katɔti ɔyila ukyuli ɔmmɔ udu ƒui kede kede.

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Tito 3:10

Bɔku ukyuli ɔni muuƒú bekyuli kasusu na bɔƒɔtaadi litemi lɛmmɔ lɛlɔ kunyɔ. Na ɔmmɔ kama ni, na ada atu edie-nwu lɛlɔ.

Yosua 9:23

Ɔ́si lɛla lɛni bɛ́bla mɛni ɔsu ni, Katɔti úwida-mii. Na bina kabla kani na bɛdubo butaabla ndi ka bɛdubo ekyweni butaayɔ na biteesie ketu teesienku Katɔti kakpakɔ.”

Petro 2 2:14

Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen.

Samuel 1 26:19

Buvele kemmo, nu lɛla lɛni ndubo-ɔ bɔsu. Si Unwoti náya na asiaku-mi eekpóku-mi lɛni ni, ndubuvele-nwu na lɛbla akpala lite-nwu na ɔdubunwini kasusu. Na si bekyuli muudí-ɔ taakya-mi ɔsu na asiaku-mi lɛni ni, Unwoti ɔdubuwida-ma. Ɔsika bana ablala nábɔku-mi álɛku Unwoti kalɔ kemmo na banii ntátaakpa kalɔ bamba baƒiɔ.