Ƒilemon 1:7 - Katɔti Ɔku Kedee

⁷ Ɔnwa, lɛlɔ lɛ́yɔ-mi geen na ákya-mi ogya na ƒula bekyuli bɔyɔ ɔsu. Ɔsika ánu Katɔti bekyuli lɛlɔ.

Ƒilemon 1:7 ပူးပေါင်းရင်းမြစ်များ

Korintoƒuɔ 1 16:18

Báya na lɛ́sɔ lɛ́kɛ ɔkplu aani kalɛ kani na bákya-mii ɔkplu. Na bekyuli bamɛni udu bámanku ka babu-ma geen.

Korintoƒuɔ 2 7:13

Ɔmɛni ƒui ɔsu kaƒɔ kaayɔ́-bu. Na lɛla lɛni náya na ebiti ásɔ aada-bu geen teetulo ndi lɛla lɛni náyɔ Tito kaƒɔ. Ɔsika bɛ́ya na nwuna kasusu kábla-nwu buɛɛ.

Korintoƒuɔ 2 7:4

Mina anu asia-mii lɛlɔ geen! Na mɔɔtina lɛlɔ na amii ɔsu. Na kaƒɔ kaayɔ́-mi ɔsika ina ka buubó abi ni, ebiti áƒɔ-mi kayi kemmo ƒui na amii ɔsu.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Tesalonikaƒuɔ 1 2:19

Mɔɔwia geen ka mbanu-mii, ɔsika amii ndi bula lɛnumi. Na bɛɛda-bu kubiti, ɔsika amii ku baƒɔtaadine bakladi ndi bula kɔsia kɔni ɔsu na bɔdubuƒu uwi ɔni na Blɔti Yesu wasɔ webo.

Tesalonikaƒuɔ 1 3:9

Bulakana Katɔti enu bɔgya na bina lili na wedu ebiti ani na úte-bu na amii ɔsu.

Timoteo 2 1:16

Muuvele Katɔti nnii ɔnu Onesiƒoro ku nwuna kaduli bekyuli kɔnyana, ɔsika kɔƒa kútekpo-nwu na mina lɛlɔ aani ɔtɔntɛne kalɛ. Mmomu ɔ́kya-mi lɛlɔ na úbunku-mi kaduɛ.

Ƒilemon 1:20

Anwuɔsu ɔnwa, mɔɔwia ka ete-mi kebunku kamɛni na Blɔti ɔsu. Bla ɔmɛni kalɛ na kubiti kɔda-mi na mina kayi kemmo.

Yohane 2 1:4

Kubiti kɔ́da-mi geen ka lɛ́nu ka ƒula bebi badi bamu basiaku litemi geen lɛmmɔ kama aani kalɛ kani na Katɔti úbo-bu ɔda.