Israelƒuɔ Bɔlɛ 9:4 - Katɔti Ɔku Kedee

⁴ Nsu Israelƒuɔ bebuo ama ni, ami Unwoti ndubɔya na bana akɔ ɔdi ulekpi, na kavumana kakya Egyipteƒuɔ ku Israelƒuɔ ntɛ.’ ”

Israelƒuɔ Bɔlɛ 9:4 ပူးပေါင်းရင်းမြစ်များ

Israelƒuɔ Bɔlɛ 10:23

Emeyi atɛ sɔɔn ukyuli ɔdi ulákana na ɔnu ɔkpanadi iye ɔkana na ɔlɛ kesii kani na ɔkya muedi. Nsu Israelƒuɔ keliekɔ aka keekeye uwi biala.

Israelƒuɔ Bɔlɛ 12:13

Na uwi ɔni mɔɔní Egyipteƒuɔ kɔtu ni, ubugya ɔni bɛ́kuna bíwi bina kɔyakun ndubɔbla bina likposela ka amii nlie mmɔ. Na si lɛ́nu ubugya ɔmmɔ ni, ndububo lɛvi-mii lɛlɔ, na naaabla-mii lɛla lɛdi.

Israelƒuɔ Bɔlɛ 8:19

Mmɔ na Ƒarao bevone bammɔ báni béde Ƒarao na básu-nwu banini, “Lɛla lɛni mɔɔlɛ́ mɛni lɛ́si Katɔti kudɔ.” Nsu Ƒarao ɔ́mu ɔ́yu kayi ɔkplu na útenu-ma litemi kalɛ kani na Unwoti ɔ́su úse.

Israelƒuɔ Bɔlɛ 8:22

“ ‘Nsu limeyi lɛmmɔ lɛlɔ ni, Gosen kalɛkɛ kesii kani na mina bekyuli belie aka ni, alɔlɔ biala ɔɔɔdubo mmɔ bɔkya. Ndubɔbla ɔmɛni na Ƒarao ɔnu ɔti ka ami ɔni ndi Unwoti nkya kalɔ kamɛni kemmo.

Israelƒuɔ Bɔlɛ 9:26

Na Gosen kalɔ lɛlɔ kesii kani na Israelƒuɔ belie aka etubankɛ ammɔ átana.

Israelƒuɔ Bɔlɛ 9:5

Amu na Unwoti úse limeyi ɔnii, “Kɔnaadi ami Unwoti ndubo ɔmɛni bɔbla na kalɔ kamɛni kemmo.”

Israelƒuɔ Bɔlɛ 9:6

Na sɔsɔ ni, ka kadi kégye ni, Unwoti ɔ́ya na bebuo bammɔ ƒui békpi. Nsu Israelƒuɔ ebuo biala útekpi kalɛ kani na ɔ́su úse.

Amos 4:7

“Lɛ́ya na ɔnantu lɛnɔ ɔ́da bɔna ɔ́ya uwi ɔni kemmo na nka bina edula aawia ɔnantu geen, na bɔna kani na lɛ́ya na ɔɔna egyu egyu, na lɛma lɛmmɔ kemmo na ekpo akladi ákwii.

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”