Israelƒuɔ Bɔlɛ 9:34 - Katɔti Ɔku Kedee

³⁴ Nsu ka Ƒarao ɔ́nya ɔ́nu ka lɛla biala lɛ́sɔ lɛ́bla buɛɛ ni, anwu ku nwuna benengu bammɔ básɔ báyu kayi ɔkplu.

Israelƒuɔ Bɔlɛ 9:34 ပူးပေါင်းရင်းမြစ်များ

Ala Alɛdi 2 28:22

Ala enengudi ani nálɛku Ahas mɛni ƒui kama ni, ɔ́sɔ ɔ́bla alaekpidi enengudi ani nébie etulo kudeedi ƒui ɔ́ƒiɔ Unwoti.

Ala Alɛdi 2 33:23

Manase únwini kayi úbo Unwoti kudɔ, nsu ubidi Amon anwu úni na útabla ɔmɛni mmomu ekpidi enengudi na ɔ́bla ɔ́sia kama útulo ɔti ƒui.

Ala Alɛdi 2 36:13

Amu na Sedekia ɔ́ta únye Ɔga Nebukadnesar lɛlɔ ina ka ɔ́kpali Unwoti lɛnyi na úse ɔga ɔmmɔ kenye ka ɔdubɔdi nwuna litemi lɛlɔ siin. Nsu Sedekia ɔ́bla atu ɔkplu na úni ka ɔvumana kayi na unwini ubo Unwoti Israel Katɔti kudɔ. Na ɔ́ta únye Nebukadnesar lɛlɔ.

Israelƒuɔ Bɔlɛ 4:21

Amu na Unwoti ɔ́su Mose ɔnini, “Si énwini ésie Egyipte ni, nu ka ábla akɔla budie taatina ammɔ na Ɔga Ƒarao anumi ɔkɛnku ɔyikun ɔni na líte-ɔ kenye. Nsu ndubɔya na Ɔga Ƒarao kayi kayu ɔkplu ɔni na ɔɔɔdubo bɔtuna na Israelƒuɔ batɔlɔ Egyipte kalɔ lɛlɔ.

Israelƒuɔ Bɔlɛ 7:14

Amu na Unwoti ɔ́su Mose ɔnini, “Ƒarao ubo atuɔkplu na ulenu kalɔ na bekyuli bammɔ batɔlɔ.

Israelƒuɔ Bɔlɛ 8:15

Na ka Ƒarao ɔ́nu ka bapɔtɔlɔ bammɔ ƒui békpi ni, ɔ́sɔ únwini kasusu na úni ɔnii ulenu Mose ku Aaron litemi kalɛ na Unwoti ɔ́su úse.

Israelƒuɔ Bɔlɛ 9:33

Amu ka Mose ɔ́nya ɔ́tɔlɔ Ƒarao kaduli na ɔ́lɛ ɔma ubendi ɔmmɔ kemmo kani na ɔ́talaku enu katɔ na ɔ́kpali Unwoti na úvele-nwu. Na mmɔ kani na etubankɛ atakpɛ bonwu ammɔ ƒui ku ɔƒɛƒɛɛ ku katɔ budu bɔmmɔ kenye káyɔ.

Israelƒuɔ Bɔlɛ 9:35

Na lɛni kani na ɔdanku kayi ɔkplu ɔmmɔ na ulédie Israelƒuɔ ulu na batɔlɔ kalɛ kani na Unwoti ɔ́su úse.

Etemila 8:11

Si bɔ́nu kalɛ na bekyuli bekpidi benye baabla likyulikpi ala taasia kama na balakɛ lɛtuni lɛdi ni, na ɔɔbla-bu aani abu lɛnɔ buse kalɔ buteelie ngba bɔmmɔ udu.

Samuel 1 6:6

Na bi ɔsu na bɛɛbla atuɔkplu aani kalɛ na Egyipteƒuɔ ku Ƒarao bábla? Na ɔmmɔ ɔsu na ɔ́ni-ma kɔtu kpakplaa útálɛ ka bágya Israelƒuɔ bálɛku bana ɔma na béti bana ulu?