Israelƒuɔ Bɔlɛ 9:16 - Katɔti Ɔku Kedee

¹⁶ Nsu kasusu kamɛni geen ɔsu na líse-ɔ lɛga kalɛ na lɛtina-a mina ɔyikun na bebo-mi lɛnyi kudu bete kayawi bekyuli ƒui.

Israelƒuɔ Bɔlɛ 9:16 ပူးပေါင်းရင်းမြစ်များ

Samuel 2 7:23

Na bekyuli badi lɛnɔ beeese aani ƒula kadi bekyuli Israelƒuɔ kalɛ na kalɔ kamɛni lɛlɔ. Ama kani na awɔ Katɔti étédie álɛku Egyipteƒuɔ lɛlɔ bɔdi kalɔ éte lɛlɔ na bénwini ƒula kadi bekyuli. Na ƒula lɛnyi lɛ́ƒɔ kuye na ábla ala enengudi éte-bu ku akɔla ala budie taatina ani mɔɔda bekyuli liƒu. Na ábɔku kadi bamba bekyuli ku bana baƒiɔ álɛku bana kuliekɔ na bana kalɔ kénwini abu Israelƒuɔ bati kadi.

Baga 2 19:35

Na usien ɔmmɔ ni, Unwoti ɔtu ɔdi úsie Asiriaƒuɔ bekpone kakyakɔ, na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kégye ni, bánu ka bekpine bewi mmɔ bamana.

Ala Alɛdi 1 16:24

Bɛkɔ lɛsa bite bekyuli kalɛ na uukeye na kadi ƒui akɔ. Na bɛsu akɔla ala budie taatina ani na ɔ́bla na bekyuli ƒui akɔ.

Nehemia 9:10

Na ábla akɔla lidu lidu asiaku Ƒarao ku nwuna kabla bablane ku nwuna bekyuli bani ƒui nli-nwu kalɔ kemmo. Ɔsika ánu áti tati tati ɔni na Hetiƒuɔ béti bábla ƒula bekyuli kalala. Na awɔ nábla lɛnyi éte ƒula lɛlɔ. Na lɛnyi lɛmmɔ lise líbedu ɔmwi kadi.

Kɔgya 106:8

Nsu na ƒula lɛnyi ɔsu ni, áƒɔ-ma ngba kalɛ na bekyuli banu ƒula ɔyikun bati.

Kɔgya 64:9

Na liƒu lɛdubɔda bekyuli ƒui na basu lɛla lɛni na Unwoti ɔ́bla. Na ɔmmɔ ɔdubɔlɛmi-ma kasusu na bati lɛlɔ bɔda.

Kɔgya 76:10

Geen geen ni, kɔnyi kati kati kɔni na bekyuli bákɛ kɔdubunwini enugya ku bumwi ute-ɔ. Na si éti kɔnyi muedi ákya-ma ni, badubumwi-ɔ.

Israelƒuɔ Bɔlɛ 14:17

Na ndubɔya na Egyipteƒuɔ bammɔ kayi kayu ɔkplu na basia-ma kama lɛni kani. Na ɔkɛnku Ƒarao ku nwuna bekpone bammɔ ku bapɔnkɔ kɛɛkɛ ku bapɔnkɔ beliene bammɔ ƒui lɛlɔ ɔsu na mina lɛnyi likeye.

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 9:15

“ ‘Ɔsika úti úbalɛ ɔƒaani ni, lɛkana na nka lidie kɔnu na lɛya na ɔgbankpi ubo bina ƒui bammɔ lɛlɔ na lɛyila-mii udu lidie kalɔ kammɔ lɛlɔ ƒui.

Israelƒuɔ Bɔlɛ 9:17

Nsu ámu énye áda mina bekyuli na anii elete-ma kuƒi na batɔlɔ.

Agba 16:4

Unwoti nábla lɛla biala ɔkɛnku nwuna kasusu kani kenye na ɔɔwia lɛla lɛmmɔ. Na bekyuli bekpidi muedi benye bete ka bani-ma kɔtu.

Yeremia 32:20

“Áƒɔ lɛnyi na akɔla budie taatina ani na ábla na Egyipte ɔsu. Amu enye aabla akɔla budie taatina ammɔ na Israelƒuɔ akɔ ku kayawi ekpo ƒui lɛnɔ.

Esekiel 39:21

Unwoti ɔnini, “Si lɛ́ni kalɔ lɛlɔ kadi bekyuli kɔtu ni, badubɔnu kalɛ na muukeye.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Malakai 1:14

Biisé-mi kenye ka bɛdububoku-mi bebuo bani námanku, nsu bɛɛvumana teeti bebuo bekpidi mmomu teeboku-mi si uwi údu. Na ndubo ɔgbankpi buti buboku-mii lɛlɔ na ɔmɛni ɔsu, ɔsika ami ndi Ɔga Unengudi Unwoti Ɔyikune Ƒui ɔni na kadi bekyuli ƒui baayia na kesi kesii.”

Bumomo Bɔka 14:21

Nsu mɔɔsu geen ka ni, ami Unwoti ɔni nli ngba na mina bukeye bɔ́ƒɔ kayawi ƒui mɛni ni,

Romaƒuɔ 9:17

Na Bunweni Kedee Ɔku kemmo ni, Katɔti ɔ́su Ɔga Ƒarao ɔnini, “Kasusu kamɛni geen ɔsu na líse-ɔ lɛga kalɛ na lidie mina ɔyikun lɛtina bekyuli ɔkɛnku ƒula lɛlɔ, na bebo-mi lɛnyi kudu bete kayawi bekyuli ƒui.”

Romaƒuɔ 9:22

Na lɛni kani na Katɔti lɛnɔ ɔ́bla. Ɔɔyɔ́ ka udie nwuna kɔnyi keyi na banu nwuna ɔyikun bati. Nsu ɔ́kɛ kayi geen úte bani mɔɔkya-nwu kɔnyi ina ka ɔ́ɔlɛ-ma ugyii úse ka ɔyila-ma udu.

Yosua 4:24

Ɔ́bla ɔmɛni úti ɔ́tina kayawi bekyuli ƒui na banu bati ka ubo ɔyikun geen. Na ɔmɛni ɔdubɔya na bayia Unwoti bana Katɔti uwi biala.”

Petro 1 2:19

Si ukyuli ɔdi use kayi na úbo abi ani na utalɛka ubo na bekyuli lɛkɔkɔ ka ɔɔyɔ́ Katɔti ɔsu ni, Katɔti ɔdubumwi-nwu.

Petro 1 2:8

Na Bunweni Kedee Ɔku likpo bamba lɛɛsu lɛnini, “Ɔdi lɛtabi lɛni ndubɔya na bekyuli betulo, na ani kani ndubɔya na begyiile bebuli.” Bétulo, ɔsika bátadi litemi lɛmmɔ lɛlɔ. Na lɛni na Katɔti ɔ́su úse ka walɛku-ma.

Yuda 1:4

Bekyuli bekpidi bani naaayia Katɔti bábɛ béduo-mii akɔ. Na Katɔti ɔ́lɛ ugyii úse ɔ́si kukuuku ƒui ka ɔdubɔdu-ma kɔtɔ na ɔyila-ma udu. Badi bekyuli bekpidi bani nákɛ kasiakɔ na bánu kalɛ na Katɔti ubo lɛƒɔndia úte-bu, na bátu ala bénwini kalɛ na bakɛ kuƒi bataabla bana lɛyalɛ ku likyulikpi ala na béni bula ɔga unengudi ƒui ɔni kani ndi Blɔti Yesu Kristo.

Samuel 1 4:8

Ɔlɛka bɔnu lɛlɔ kemmo kaduɛ. Ɔma ndubo-bu budie na baƒiɔ bamɛni enu kemmo? Bɔgyi ka baƒiɔ bekpone na badi. Na ama nékpoku Egyipteƒuɔ na kalɔ kakwiidi kemmo ku lɛlɛ lidu lidu.