Israelƒuɔ Bɔlɛ 8:6 - Katɔti Ɔku Kedee

⁶ Anwuɔsu Aaron únene ugyii ɔmmɔ na bapɔtɔlɔ bákɔ bálɛ Egyipte kalɔ lɛlɔ ƒui.

Israelƒuɔ Bɔlɛ 8:6 ပူးပေါင်းရင်းမြစ်များ

Samuel 2 7:22

“O Unwoti Ɔbune, ébomo geen na ɔdi uuuse aani ƒula kalɛ. Na aani kalɛ na búnu ku bula atu ni, Katɔti ɔdi uuubo ntu awɔ kani.

Ala Alɛdi 2 6:14

na ɔ́kpali Katɔti ɔnini, “Unwoti Israel Katɔti, ɔyikune ƒui, ɔdi ɔsɔ uuubo na katɔ iye kalɔ lɛlɔ mɛni na use aani ƒula kalɛ! Átayiƒala lɛla lɛni na ényimi ku ƒula kadi bekyuli kudii. Na aasia ƒula litemi kama siin taadi-ni lɛlɔ teete ukyuli biala ɔni na mɔɔsia ƒula ala bɔtina kama siin taadi-ni lɛlɔ na ulalɛ-ɔ kama.

Kɔgya 105:30

Na bapɔtɔlɔ báƒɔ kalɔ kammɔ ƒui lɛlɔ. Na Egyipte ɔga kaduli muedi bapɔtɔlɔ báƒɔ-ka kemmo ku nwuna katɛnkɔ ƒui.

Kɔgya 78:45

Ɔ́ya na kubweyi kɔni muuveyi lidu pii bébekpoku-ma geen ku bapɔtɔlɔ na bébile-ma ala.

Kɔgya 86:8

Beleti baƒiɔ badi balákɔku-ɔ, ɔsika awɔ kani mɔɔkana na aabla akɔla ala budie taatina. Ɔsika ɔdi ulákana ala enengudi ani na aabla bɔbla.

Kɔgya 90:2

Asa na adubudie abi ku kayawi kammɔ ala ƒui ni, awɔ ndi Katɔti ɔni nli uwi ƒui ɔ́si kukuuku.

Israelƒuɔ Bɔlɛ 10:2

Mmɔ na ɔdubɔdia na biti bana litemi bɛtɛmi bina bebi ku bawɔ. Na bɛsu-ma kalɛ ami Unwoti lɛ́bla Egyipteƒuɔ ɔkɛnku akɔla budie taatina lidu lidu lɛmɛni lɛlɔ, na bɛti ka ami ndi Unwoti.”

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Israelƒuɔ Bɔlɛ 7:19

Amu na Unwoti ɔ́su Mose ɔnini, “Su Aaron na uti ugyii ɔdadi ɔmmɔ na unene ɔtina etukpa ku abiɔ ku lɛba lɛni ƒui nkya Egyipte kalɔ lɛlɔ. Na ntu bɔmmɔ ƒui bɔdubunwini ubugya. Na ndubɔya na ubugya ɔ́ƒɔ kesii biala. Na ntu bɔni buwi ebui ku atabi kutubui kemmo muedi bɔdubunwini ubugya.”

Israelƒuɔ Bɔlɛ 9:14

si ɔɔɔdi lɛni ni, ɔƒɛni na ndubɔya na ɔgbankpi ɔmmɔ ubasiaku-mii kpakplaa ku ogya awɔ ku ƒula benengu ku kadi bekyuli ƒui, na mmɔ na adubo bɔnu bɔti ka Unwoti ɔdi uuubo aani ami kalɛ na kalɔ kamɛni ƒui lɛlɔ.

Israelƒuɔ Bɔlɛ 9:29

Amu na Mose ɔ́su Ƒarao ɔnini, “Si lɛ́nya lɛ́lɛ ɔma ubendi ɔmɛni kemmo ni, ndubɔkɔliku enu katɔ na livele Unwoti na etubankɛ ku katɔ budu bɔmmɔ ƒui kenye kawɔ, na anu ati ka Unwoti nédie kayawi na anwu mbo-ka.

Yesaia 43:10

Mina bekyuli, amii ndi mina kabla bablane ku litemi lɛmɛni kenye bediene. Na mɔɔwia ka bɛti-mi na biti bina kayi bɛsia-mi lɛlɔ na binu kalɔ ka ami lɛti ndi Katɔti. Ami kani nákya uwi ɔni návi na ami kani ndubo bɔkya uwi ɔni lɛnɔ mebo, ɔsika ɔdi ɔsɔ uuubo mina kalɛ.

Lewiƒuɔ Ɔda Bubo 11:12

Lɛna biala na lɛkya ntu kemmo na liiibo atula ku akpa ni, lɛdi likisila lite-mii.

Lɛkpa Ulu 32:31

Bula bekisine alati bagyi ka bana baƒiɔ bese kpɛtɛ kpɛtɛ, na beeebo ɔyikun aani Israel Katɔti.

Lɛkpa Ulu 33:26

“Israelƒuɔ! Ɔti ɔdi uuutulo bula Katɔti. Na anwu muuti liƒlukutu taabla aani nwuna ɔpɔnkɔ kɛɛkɛ na ɔda ɔɔví na uubo teebebunku-mii.

Lɛkpa Ulu 4:35

Na Unwoti údie amɛni ƒui úti ɔ́tina-mii ka anwu lɛti ndi Katɔti na ɔdi biala ɔsɔ uuubo.

Budie Taatina 16:13

Amu na lɛ́nu ayu ekpidi atɛ ani nálɛ aani bapɔtɔlɔ ka bási baalɛ́ liƒu kɔlakpi kɔmmɔ kenye ku eƒiebuo udeedi ɔmmɔ kenye ku eƒiebuo unyɔdi ɔni baalɔ ɔkɔ kenye udiene kenye kemmo.