Israelƒuɔ Bɔlɛ 8:4 - Katɔti Ɔku Kedee

⁴ Na badubɔƒulu belie-ɔ lɛlɔ ku ƒula benengu ku ƒula bekyuli ƒui lɛlɔ.’ ”

Israelƒuɔ Bɔlɛ 8:4 ပူးပေါင်းရင်းမြစ်များ

Baga 1 13:6

Amu na Ɔga Yerobeam ɔ́su kenye udiene ɔmmɔ ɔnini, “Vele ƒula Unwoti Katɔti na akpali-nwu na ɔsɔku mina kɔnu ɔklibi aani kalɛ kuse kudeedi.” Ɔmmɔ ɔsu, kenye udiene ɔmmɔ úvele Unwoti na ɔ́ya na ɔga ɔmmɔ kɔnu kɔ́bla aani kalɛ kuse kudeedi.

Kɔgya 107:40

Nsu Unwoti uuti kɔnyi taakya-ma na lɛla lɛni baabla ɔsu. Na ɔɔbɔku-ma taatákya kalɔ kakwiidi kemmo na bakɛ baaví ɔni na baaagyi kesii kani bésela.

Israelƒuɔ Bɔlɛ 10:17

Na muuvele-mii nnii biti likpidi lɛmmɔ bɛkyiɛ-mi. Na bivele bina Unwoti Katɔti kɔkladi kɔmɛni bite-mi. Na ɔda ɔgbankpi ubendi ɔmɛni udie-mi lɛlɔ.”

Israelƒuɔ Bɔlɛ 8:24

Na Unwoti ɔ́bla lɛni sɔsɔ na balɔlɔ yuu badi báyu na bétéduo Ƒarao kaduli ku nwuna benengu kɔduli. Na balɔlɔ bamɛni báƒɔ Egyipte kalɔ lɛlɔ ƒui kede kede na lɛla biala líbie na kalɔ kammɔ lɛlɔ.

Israelƒuɔ Bɔlɛ 8:3

Na ndubɔya na Nil Ketu keyi ku bapɔtɔlɔ. Na bapɔtɔlɔ bammɔ badubo ƒula kaduli kemmo buduo. Na beduo ƒula katɛnkɔ ku atɛla lɛlɔ. Na beduo ƒula benengu kɔduli ku Egyipteni biala kaduli. Na badubuduo bina bodobodo ayu ku bodobodo ɔlaaƒɔ kɔnwukɔ ƒui.

Israelƒuɔ Bɔlɛ 8:5

Amu na Unwoti ɔ́su Mose ɔnini, “Su Aaron na unene nwuna ugyii ɔdadi ɔmmɔ ɔtina etukpa ku abiɔ, na ɔya na bapɔtɔlɔ balɛ basiku-nya kemmo na bebeyi Egyipte kalɔ lɛlɔ ƒui.”

Israelƒuɔ Bɔlɛ 9:28

Anwuɔsu kpali Unwoti na evele-nwu ete-bu, ɔsika etubankɛ ku katɔ budu ɔgbankpi ɔmɛni údu-bu ɔkwɛ. Ndubudie-mii ulu ɔƒɛni amu, ɔsika ɔ́sɔ útalɛka bɛsɔ bɛkya mɛni lɛnɔ.”

Yesaia 19:11

Kɔdɔlɔ kútulo amii Soan ɔma kasusu betine, na amii bani ndi Ƒarao kelisa benengu kasusu kasɔ kalalɛ bekyuli kɔsia kɔdi. Dɛ na ɔdi ɔdubɔkana na ɔsu Ƒarao ɔnii, “Ami ndi banundane bammɔ akɔ unwi na kuuku baga bammɔ kudɔ na lɛ́tɛya ala?”

Yesaia 19:22

Unwoti ɔdubo Egyipteƒuɔ bubo bɔkya ɔlɛ, nsu anwu kani ndubo-ma lɛlɛ lɛmmɔ bunyimi na ɔbwi-ma. Ɔsika ɔdububo-ma kalɛ na benwini bebo-nwu kudɔ, na si békpi-nwu kɔtɔ ni, na unu-ma buvele na ɔbla lɛla lɛni na bévele-nwu ute-ma na ɔbwi-ma.

Yesaia 23:9

Unwoti Katɔti Ɔyikune Ƒui nábla lɛla lɛmɛni udu, kalɛ na ala ani lɛlɔ lɛmɛne bekyuli baakun ka eekeye ayii udu. Na bani na báƒɔ lɛnyi na kalɔ lɛnɔ mɛni uboku-ma kalɔ.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Bumomo Bɔka 21:7

Mmɔ na bekyuli bammɔ bákpɛ bede Mose na básu-nwu banini, “Bɔ́bla likpidi na awɔ ku Unwoti anumi, ɔsika bútemi buwi-mii. Anwuɔsu buuvele na akpali Unwoti na ɔda balakpi bamɛni udie-bu akɔ.” Ɔmmɔ ɔsu Mose ɔ́kpali Unwoti na úvele ute bekyuli bammɔ.