Israelƒuɔ Bɔlɛ 8:10 - Katɔti Ɔku Kedee

¹⁰ Mmɔ ni, Ƒarao údie kenye ɔnini, “Bo na ebevele Unwoti ete-mi kɔnaadi.” Amu na Mose udie kenye ɔnini, “Línu. Ndubɔbla lɛla lɛni na éye-mi lite-ɔ. Na mmɔ na adubɔnu bɔti ka Katɔti ɔdi uuubo na utulo bula Unwoti Katɔti.

Israelƒuɔ Bɔlɛ 8:10 ပူးပေါင်းရင်းမြစ်များ

Samuel 2 7:22

“O Unwoti Ɔbune, ébomo geen na ɔdi uuuse aani ƒula kalɛ. Na aani kalɛ na búnu ku bula atu ni, Katɔti ɔdi uuubo ntu awɔ kani.

Ala Alɛdi 1 17:20

“Baƒiɔ badi beeese ƒula kalɛ. Unwoti, awɔ lɛti ndi Katɔti na lɛla biala na búnu bɔ́siku-ɔ lɛlɔ ƒui adi sɔsɔ.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Kɔgya 86:8

Beleti baƒiɔ badi balákɔku-ɔ, ɔsika awɔ kani mɔɔkana na aabla akɔla ala budie taatina. Ɔsika ɔdi ulákana ala enengudi ani na aabla bɔbla.

Kɔgya 9:16

Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Israelƒuɔ Bɔlɛ 8:9

Amu na Mose ɔ́su Ƒarao ɔnini, “Ndubɔyɔ ka awɔ ɔlati ete-mi uwi ɔni na aayɔ́ ka libo, na mbevele Unwoti lite-mii na ɔda bapɔtɔlɔ bammɔ udie bina bekyuli ku bina benengu kɔduli, na kebu bani kani nkya Nil Ketu kammɔ kemmo kani.”

Israelƒuɔ Bɔlɛ 9:14

si ɔɔɔdi lɛni ni, ɔƒɛni na ndubɔya na ɔgbankpi ɔmmɔ ubasiaku-mii kpakplaa ku ogya awɔ ku ƒula benengu ku kadi bekyuli ƒui, na mmɔ na adubo bɔnu bɔti ka Unwoti ɔdi uuubo aani ami kalɛ na kalɔ kamɛni ƒui lɛlɔ.

Israelƒuɔ Bɔlɛ 9:29

Amu na Mose ɔ́su Ƒarao ɔnini, “Si lɛ́nya lɛ́lɛ ɔma ubendi ɔmɛni kemmo ni, ndubɔkɔliku enu katɔ na livele Unwoti na etubankɛ ku katɔ budu bɔmmɔ ƒui kenye kawɔ, na anu ati ka Unwoti nédie kayawi na anwu mbo-ka.

Agba 27:1

Takun lɛmɛnɛ na kɔnaadi kadi kani mebo lɛlɔ, ɔsika aaagyi lɛla lɛni mebo kɔnaadi.

Yesaia 40:18

Na si use lɛni ni, ɔma na ukyuli ɔdi ɔdubuti Katɔti bɔkɔku, iye bi udu na ukyuli ɔdubɔnwi uti ɔtina kalɛ na Katɔti use?

Yesaia 40:25

Ɔma na bɛdubuti Unwoti Kedee bɔkɔku? Buse na ukyuli ɔdi use aani nwuna kalɛ?

Yesaia 46:9

Bɛbla kasusu bɛsiku ala ani nálɛ akwa pii ábavi lɛlɔ. Ami lɛti kani ndi Katɔti! Na ɔbambadi ɔdi ɔsɔ uuubo uuubunku-mi mina kalɛ.

Lɛkpa Ulu 3:24

“O Ɔyikune Ƒui Katɔti, awɔ nése kalɔ eedie ƒula ɔyikun bonwu taatina ami ƒula kabla ɔblane ku ƒula akɔla budie taatina. Na ɔyikun ɔdi uuubo na katɔ iye kalɔ na ɔkana akɔla ebendi ani na aabla mɛni bɔbla.

Lɛkpa Ulu 32:31

Bula bekisine alati bagyi ka bana baƒiɔ bese kpɛtɛ kpɛtɛ, na beeebo ɔyikun aani Israel Katɔti.

Lɛkpa Ulu 33:26

“Israelƒuɔ! Ɔti ɔdi uuutulo bula Katɔti. Na anwu muuti liƒlukutu taabla aani nwuna ɔpɔnkɔ kɛɛkɛ na ɔda ɔɔví na uubo teebebunku-mii.

Lɛkpa Ulu 4:35

Na Unwoti údie amɛni ƒui úti ɔ́tina-mii ka anwu lɛti ndi Katɔti na ɔdi biala ɔsɔ uuubo.

Lɛkpa Ulu 4:39

Anwuɔsu bɛti nwaa ka Unwoti lɛti ndi katɔ ku kalɔ Ɔti. Na ɔdi biala ɔsɔ uuubo.

Yakobo 4:14

Nsu bɛɛɛgyi kɔnaadi lɛla lɛni malɛku-mii. Bise aani uyɔ ɔni na si ɔƒɛƒɛɛ úduo-nwu akɔ pɛ na ɔɔyii taakya.