Israelƒuɔ Bɔlɛ 7:4 - Katɔti Ɔku Kedee

⁴ ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Israelƒuɔ Bɔlɛ 7:4 ပူးပေါင်းရင်းမြစ်များ

Israelƒuɔ Bɔlɛ 10:1

Amu na Unwoti ɔ́su Mose ɔnini, “Teesie na atánu Ƒarao, ɔsika lɛ́ya na anwu ku nwuna benengu báyu kayi ɔkplu kalɛ na ɔdia-mi na lidie akɔla ala budie taatina lidu lidu lɛmɛni lɛtina na bana akɔ.

Israelƒuɔ Bɔlɛ 11:9

Nsu Unwoti ɔ́su Mose úse ɔnini, “Ƒarao ɔdubo buni na ulénu ƒula litemi na ɔmmɔ ndubo bɔya na mina akɔla budie taatina akɔ katɔ ebu na Egyipte.”

Israelƒuɔ Bɔlɛ 12:51

Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 18:8

Na Mose ɔ́su nwuna aasi ala ani ƒui na Unwoti ɔ́bla Ƒarao ku Egyipteƒuɔ na Israelƒuɔ ɔsu. Na ɔ́sɔ ɔ́su-nwu abi ani bébo na ulu lɛlɔ ku kalɛ na Unwoti ɔ́da-ma údie.

Israelƒuɔ Bɔlɛ 3:19

Nsu ngyi ka Egyipteƒuɔ ɔga ɔɔɔdubo bɔtuna, si ɔyikun ubendi ɔdi útebedi-nwu asa na unu kalɔ.

Israelƒuɔ Bɔlɛ 3:20

Anwuɔsu ndubudie mina kɔnu lɛtina Egyipteƒuɔ na lɛni-ma kɔtu na akɔla lidu lidu budie bɔtina kemmo. Na ɔmmɔ kama ɔdubɔtuna na bɛtɔlɔ.

Israelƒuɔ Bɔlɛ 6:1

Amu na Unwoti ɔ́su Mose ɔnini, “Ɔƒɛni na adubo bɔnu lɛla lɛni na ndubo Ƒarao bɔbla. Ɔkɛnku mina ɔyikun kabla lɛlɔ ɔsu ni, ɔdubo Israelƒuɔ ulu budie. Na bɔbɔku na ɔdubo-ma bɔbɔku bɔlɛku nwuna kalɔ lɛlɔ.”

Israelƒuɔ Bɔlɛ 6:26

Na Aaron ku Mose ndi bekyuli bani na Unwoti ɔ́su ɔnini, “Bisie na bitédie Israelƒuɔ bɛlɛku Egyipte kalɔ lɛlɔ na adua ammɔ kenye.”

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 7:13

Nsu ɔmɛni kama ƒui Ƒarao kɔtu kɔ́mu kɔ́yu ɔkplu na ulenu Mose ku Aaron litemi aani kalɛ kani na Unwoti ɔ́su Mose ku Aaron úse.

Israelƒuɔ Bɔlɛ 7:16

Na si úbo ni, na asu-nwu anini, ‘Unwoti ɔni Ndi Hebriƒuɔ Katɔti ɔ́tala-mi ɔ́kya-a ɔnii, “Ya mina bekyuli beteesie ketele kemmo na batákpa-mi na mmɔ.” Nsu úti úbedu ɔƒɛni ni, elenu kalɔ.

Israelƒuɔ Bɔlɛ 8:15

Na ka Ƒarao ɔ́nu ka bapɔtɔlɔ bammɔ ƒui békpi ni, ɔ́sɔ únwini kasusu na úni ɔnii ulenu Mose ku Aaron litemi kalɛ na Unwoti ɔ́su úse.

Israelƒuɔ Bɔlɛ 8:19

Mmɔ na Ƒarao bevone bammɔ báni béde Ƒarao na básu-nwu banini, “Lɛla lɛni mɔɔlɛ́ mɛni lɛ́si Katɔti kudɔ.” Nsu Ƒarao ɔ́mu ɔ́yu kayi ɔkplu na útenu-ma litemi kalɛ kani na Unwoti ɔ́su úse.

Israelƒuɔ Bɔlɛ 9:12

Nsu Unwoti ɔ́ya na Ƒarao ɔ́yu kayi ɔkplu na útenu Mose ku Aaron litemi kalɛ kani na Unwoti ɔ́su Mose úse.

Israelƒuɔ Bɔlɛ 9:3

ndubɔya na ɔlɛ ukpidi ɔdi uduo bina bebuo akɔ na ɔdu bina baƒlumu ku ɔmantɛ bakɔ ku bapɔnkɔ ku baƒonu ku bese ƒui.

Agba 19:29

Bekyuli bani muudumi bekyuli taama ni, Unwoti ɔdubo-ma kɔtu bɔni. Na badɔlɔdi kama kadubo kugyiimi butaaƒɔ.

Yesaia 26:9

Mɔɔwia-a kpakplaa usien umodi, na ɔtanta ni, ƒula kɔka kɔɔda mina kɔyu. Ɔsika si átɛku bayawine litemi ni, kayawi bekyuli baatɛya kalɛ na babla ƒula lɛyɔla.

Kɔnyana Buwulo 3:3

Na limeyi ndi limeyi ni, ami lɛti kani na unye ɔɔní kɔtu taasia kama.

Esekiel 14:21

“Ami ndi Unwoti Katɔti na muusé kenye ka ndubo Yerusalem kɔtɔ bɔni geen. Ndubo bɔya na kekpo ku kɔka ku lɛlɛ likpidi ku beƒiebuo bebo babadu bekyuli ku bebuo bammɔ ƒui.

Esekiel 25:11

Ndubɔya na bani Moabƒuɔ kɔtu geen na bekyuli bani nkya mmɔ bati ka ami ndi Unwoti.”

Esekiel 30:14

Na Patros ɔma unengudi ɔmmɔ ɔdubo bubie na ɔsɔ uwi ukpludi. Na badubo Soan ɔma ɔmmɔ ƒui bɔkyula buwi kalɔ. Na bina ɔma unengudi Tebes lɛnɔ badubo-nwu bɔbwɛ!

Esekiel 30:19

Na si uwi ɔni na lɛ́wɔlɔ Egyipteƒuɔ kɔtu kɔmɛni udu bɔni bɔwɔlɔ lɛni ni, bɛdubɔnu bɔti ka ami ndi Unwoti.’ ”

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Budie Taatina 16:7

Amu na línu lɛdi lɛni nási Katɔti lɛbi lɛmmɔ kudɔ ka lɛ́su lɛnini, “Blɔti ɔni mbo ɔyikun ƒui, ƒula litemi bɔtɛ buse siin, na ƒula etemila adi litemi geen.”

Budie Taatina 19:2

Ɔsika nwuna litemi bɔtɛ buse siin. Na nwuna etemila adi litemi geen. Ɔma ɔni nébile kayawi ku nwuna alaekpidi bɔbla aani ɔyalɛ ni, Katɔti nátɛku-nwu litemi. Na Katɔti kabla bablane bani ubugya na béwi kalɔ ni, údie ɔma ɔmɛni bekyuli kasi na ubugya ɔmmɔ ɔsu.”

Litemi Batɛne 2:15

Na uwi biala na Israelƒuɔ báta ka betékpo ni, Unwoti uunye taasiaku-ma aani kalɛ kani na ɔ́su ka wabla-ma. Ɔmɛni ɔsu bákya lɛbibo kemmo geen.