Amu na Ƒarao akɔla ala bediene lɛnɔ bábla lɛni kani ɔkɛnku bana lɛkwɛ likpidi akɔla ala budie taatina lɛlɔ. Na Ƒarao úsie anumi ɔɔyu kayi ɔkplu teebu aani kalɛ na Unwoti ɔ́su na ulenu-ma litemi.
O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.
Ɔ́bla-mii aani bɛdubo lɛga lɛmmɔ bɔdi buteesie uwi ƒui. Na bɛ́sɔ bítabu ala ani na bɛɛbla lɛlɔ bítanu, na ubo-mii kasusu kemmo ka lɛla lɛdi lɛdubo amii lɛnɔ bɔbla.
Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”
Na ukyuli ɔmmɔ ɔ́su ɔnini, “Esekiel, ɔyawine ubi, sia anu kaduɛ na anu ala ani na ndubo-ɔ bɔtina mɛni, ɔsika anya ɔsu na béti-ɔ béboku mɛni. Se atu kaduɛ, ɔsika ala ani ƒui na ánu ni, adubo-nya bɔsɔku bɔsu Israelƒuɔ.”
“Nwini na anu ala ani mɔɔlɛ́ na kadi bekyuli ƒui akɔ na ɔdubɔbla-a kalɛ kadi! Ɔsika ndubo lɛla lɛdi bɔbla na bina uwi lɛni na si ina bínu ka baasu-ni muedi ni, biláƒɔ biladi.
Si bɛ́vumana na bɛɛsia anu teete-mi ɔbu ɔni námanku-mi ni, ɔdia-mii utulo. Si ɔɔɔdi lɛni ni, ina kusɛ kusɛ ɔdi bina ɔdi ni, ndubɔya na unwini ewida. Na geen ni, líise kalɔ ndaku ɔmɛni bɔbla, ɔsika bíteti bina bakpane kabla bítakya kayi kalɛ na bɛbla bina kabla ulu lɛlɔ.