Israelƒuɔ Bɔlɛ 7:2 - Katɔti Ɔku Kedee

² Na ɔlɛka asu-ma lɛla biala na líbo-ɔ ɔda nnii su-ma. Na ɔlɛka ƒ'ɔnwani Aaron lɛnɔ ɔsu Ɔga Ƒarao na udie Israelƒuɔ ulu na balɛ nwuna kalɔ kemmo.

Israelƒuɔ Bɔlɛ 7:2 ပူးပေါင်းရင်းမြစ်များ

Baga 1 22:14

Nsu Mikaia údie kenye ɔnini, “Na Unwoti ɔni nli ngba lɛnyi kemmo ni, lɛla lɛni na Unwoti ɔ́su-mi kani ndubo bɔsu.”

Israelƒuɔ Bɔlɛ 4:15

Tɛmiku-nwu na asu etemila amɛni akya-nwu kenye. Ami ndubo bina inyɔ ƒui bubunku na lɛtina-mii lɛla lɛni na bɛdubɔsu.

Israelƒuɔ Bɔlɛ 4:16

Ɔdubɔtɛmiku bekyuli bammɔ ute-ɔ aani ƒula kenye udiene kalɛ na ɔbla aani si awɔ nénwini-nwu Katɔti ɔmmɔ.

Israelƒuɔ Bɔlɛ 5:1

Amu na Mose ku Aaron bésie Ƒarao kudɔ na básu-nwu banini, “Unwoti ɔni ndi Israelƒuɔ Katɔti ɔnini, ‘Te mina bekyuli kuƒi na beteesie ketele kemmo na batádi limeyi bete-mi.’ ”

Israelƒuɔ Bɔlɛ 6:29

ɔ́su-nwu ɔnini, “Ami ndi Unwoti, anwuɔsu su Egyipteƒuɔ Ɔga Ƒarao lɛla biala na lɛ́su-ɔ.”

Israelƒuɔ Bɔlɛ 7:6

Na Mose ku Aaron bábla básiaku Unwoti lɛla lɛni na úbo-ma ɔda lɛlɔ pɛpɛɛpɛ.

Yeremia 1:17

“Yeremia, klibi lɛlɔ se! Sie na atásu bekyuli bammɔ lɛla lɛni na líti mɔɔkya-a kɔnu mɛni. Taya na bana lɛlɔ lɛbla-a liƒu si ɔɔɔdi lɛni ni, ndubɔya na liƒu ala adi abla-a na lɛya na ama benye bataanu-ɔ.

Yeremia 1:7

Amu na Unwoti ɔ́su-mi ɔnini, “Tasu anini, ‘Ńtabi lɛlɔ.’ Mmomu si lɛ́tala-a nnii tásu ukyuli ɔdi lɛla lɛdi ni, sie! Na asu-nwu lɛla lɛni na líbo-ɔ ɔda mmɔ.

Esekiel 3:10

“Se atu na enu lɛla biala na ndubo-ɔ bɔsu kaduɛ na abla kasusu asiku-nya lɛlɔ.

Esekiel 3:17

“Esekiel, ɔyawine ubi, lídie-ɔ líse ka ataasia Israelƒuɔ anu. Anwuɔsu se atu na enu lɛla lɛni na mɔɔsu-ɔ na alɛ-ma kpakplaa ete-mi.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Batalane Kabla 20:27

Sɔsɔ ni, ńteti Katɔti lɛga kadikɔ ulu lɛla lɛdi ńtabla-mii.

Lɛkpa Ulu 4:2

Na biteti ɔda bubo bɔbambadi bɔdi bitebunku ɔda bubo bɔmɛni lɛlɔ. Iye bitada ɔdi bitedie lɛnɔ. Mmomu bɛdi Unwoti ɔni ndi bina Katɔti ɔda bubo bɔni líti muute-mii mɛni lɛlɔ.