Israelƒuɔ Bɔlɛ 7:17 - Katɔti Ɔku Kedee

¹⁷ Anwuɔsu Unwoti ɔnini, “Ɔkɛnku ɔmɛni lɛlɔ ɔsu ni, adubo bɔnu bɔti ka Ami ndi Unwoti sɔsɔ.” Na ugyii ɔni nkya-mii kɔnu mɛni, ndubuti bɔƒiɛmi Nil Ketu ntu bɔmɛni anumi na ketu kammɔ kenwini ubugya.

Israelƒuɔ Bɔlɛ 7:17 ပူးပေါင်းရင်းမြစ်များ

Baga 1 20:28

Amu na kenye udiene ɔdi úsie Ɔga Ahab kudɔ na ɔ́su-nwu ɔnini, “Lɛni na Unwoti ɔɔsu. Siriaƒuɔ básu ka ami abi lɛlɔ Katɔti na ndi na lɛɛɛdi kalɔ ƒiaa katɔti ɔsu ni, ndubɔya na bɛdi Siriaƒuɔ lɛlɔ. Na mmɔ na awɔ ku ƒula bekyuli bɛdubɔnu bɔti ka Unwoti na ndi.”

Baga 2 19:19

Unwoti bula Katɔti ƒɔ-bu lɛku Asiriaƒuɔ ɔga ɔmɛni enu kemmo kalɛ na kayawi lɛgakɔdikɔ bekyuli ƒui banu bati ka awɔ Unwoti kani ndi Katɔti.”

Kɔgya 105:29

Ɔ́ya na ntukpa bɔni nkya mmɔ ƒui búnwini ubugya, na kɔbɛ kɔmmɔ ƒui lɛnɔ kúkpi.

Kɔgya 78:44

Ɔ́ya na bana ntukpa búnwini ubugya ɔni na ntu bɔmmɔ bɔsɔ buládia bɔni.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Kɔgya 9:16

Unwoti, bekyuli ƒui bagyi-ɔ ka aabla ala ulu geen ɔmmɔ lɛlɔ. Nsu balalane ni, bana ablala eenwíni kakpagyuɛ teedie-ma.

Israelƒuɔ Bɔlɛ 1:22

Amu na Ɔga Ƒarao úbo nwuna bekyuli ɔda ɔnini, “Si bɛ́nu ka Hebrini uleku ɔdi ɔ́wɔ ubi ɔnanabi ɔdi ɔda ni, na bibo-nwu bɛkya Nil Ketu kemmo. Nsu si ulekubi na ɔdi ni, na bɛya na ɔsɔ ɔkya ngba.”

Israelƒuɔ Bɔlɛ 10:2

Mmɔ na ɔdubɔdia na biti bana litemi bɛtɛmi bina bebi ku bawɔ. Na bɛsu-ma kalɛ ami Unwoti lɛ́bla Egyipteƒuɔ ɔkɛnku akɔla budie taatina lidu lidu lɛmɛni lɛlɔ, na bɛti ka ami ndi Unwoti.”

Israelƒuɔ Bɔlɛ 4:9

Nsu si édie akɔla akpa anyɔ amɛni na bátaƒɔ-nya bátadi iye bétenu ƒula litemi ni, na etédu ntu bɔdi asiku Nil Ketu kemmo na aƒɛ ntu bɔmmɔ ewi kalɔ kani kákwii lɛlɔ. Na ntu bɔni na édu ásiku ketu mmɔ bɔdubunwini ubugya buwi kalɔ mmɔ.”

Israelƒuɔ Bɔlɛ 5:2

Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Israelƒuɔ Bɔlɛ 6:7

Na ndubuti-mii lɛbla aani ami ɔlati mina bekyuli geen na lɛbla bina Katɔti. Na ɔmɛni ɔdubɔya na bɛnu bɛti ka ami Unwoti bina Katɔti nédie-mii lɛ́lɛku lɛbibo kalɔ na Egyipte.

Israelƒuɔ Bɔlɛ 7:20

Mose ku Aaron bábla kalɛ na Unwoti ɔ́su-ma pɛpɛɛpɛ. Mose únene nwuna ugyii ɔdadi ɔmmɔ, na úti ɔ́ƒiɛmi Nil ntu anumi na Ƒarao ku nwuna benengu anumi. Na ntu bɔmmɔ búnwini ubugya.

Israelƒuɔ Bɔlɛ 7:5

Na mmɔ na Egyipteƒuɔ badubɔnu bati ka ami ndi Unwoti si uwi ɔni na lídie mina kɔnu lɛ́bla ɔyikun ala na bana akɔ, na lídie Israelƒuɔ lɛ́lɛku kalɔ kammɔ lɛlɔ.”

Esekiel 25:17

Ndubo-ma kasi budie na mina kɔnyi kpakplaa kemmo na uwi ɔmmɔ na badubɔnu bɔti ka ami ndi Unwoti.”

Esekiel 29:9

utédu uwi ɔni na ƒula kalɔ kadubunwini kalɔ kekpludi kani nákwii na kasɔ kaladia lɛla lɛdi bɔbla. Mmɔ na adubɔti ka ami nábla ala amɛni. “ ‘Aasu taatina aani ka awɔ nábla Nil Ketu kammɔ na awɔ mɔɔdi-ka lɛlɔ.

Esekiel 30:19

Na si uwi ɔni na lɛ́wɔlɔ Egyipteƒuɔ kɔtu kɔmɛni udu bɔni bɔwɔlɔ lɛni ni, bɛdubɔnu bɔti ka ami ndi Unwoti.’ ”

Esekiel 30:8

Ndubo ogya bɔtu bɔkya bina kalɔ kemodi kammɔ ƒui na ukyuli biala ɔni menye ɔnii uukpó ute kalɔ kammɔ ɔdubo bukpi. Na bɛdubo bɔnu bɔti ka ami ndi Unwoti.

Esekiel 32:15

“ ‘Egyipte kalɔ kadubo bubie na kasɔ katɛ ukpludi ɔni na lɛla lɛdi lɛsɔ lilakya ngba na kana kemmo. Na awɔ ku ƒula bekyuli ƒui bɛdubɔnu bɛti ka ami ndi Unwoti.’

Esekiel 32:6

Na bina ubugya ɔdubo bɔgba butéyile ntukpa bɔmmɔ ƒui kemmo.

Esekiel 38:23

Ndubo ɔmɛni bɔbla liti lɛtina kayawi ƒui ka ami Unwoti nse kedee.’ ”

Esekiel 39:28

“Mina bekyuli badubɔnu bati ka ami Unwoti, bana Katɔti, nábɔku-ma lɛ́lɛku bana kalɔ lɛlɔ aani batɔntɛne kalɛ. Na ɔƒaani ndubɔsɔku-ma liboku ama alati bana kalɔ lɛlɔ.

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Daniel 5:21

Nwuna kasusu kénwini ebuo kadi, na bábɔku-nwu na ɔ́lɛ bekyuli akɔ úsie uliku alakpi akɔ bebuo na ɔ́kun livo aani ɔmantɛ bakɔ. Na alakpi akɔ mmɔ kani na ɔɔtɛ, na amii eewi-nwu. Bénye-nwu lɛlɔ na ɔ́bla ɔmɛni úti útédu uwi ɔni na ɔ́nu ɔ́ti ka Katɔti Ɔni Ntulo Ƒui mɔɔdi kayawi lɛga kɔdikɔ ƒui lɛlɔ. Na anwu kani muudie lɛlɔ badine bani na ɔ́ƒuna ka badi lɛga.

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Budie Taatina 11:6

Bebo ɔyikun ka betile ɔnantu na ɔsɔ ulana na uwi ɔni kemmo na beedie Katɔti kenye mmɔ. Na bebo ɔyikun lɛnɔ na ntukpa ƒui lɛlɔ kalɛ na baya na bunwini ubugya. Na bebo ɔyikun lɛnɔ na baya na lɛlɛ lidu lidu libo kayawi ƒui lɛlɔ uwi biala na baayɔ́.

Budie Taatina 8:8

Ɔmɛni kama ni, Katɔti ɔtu unyɔdi lɛnɔ ɔ́vwi nwuna kakpɛɛ. Amu na úbo lɛla lɛni nálɛ aani kɔbi kɔni mɔɔda ku ogya útákya ɛpu kemmo. Na ɛpu lɛkpa lɛtɛdi ƒui línwini ubugya.