Israelƒuɔ Bɔlɛ 6:6 - Katɔti Ɔku Kedee

⁶ “Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 6:6 ပူးပေါင်းရင်းမြစ်များ

Baga 1 8:42

ɔsika badubunu ƒula lɛnyi bonwu lɛmmɔ ku kalɛ na eenene ƒula kɔnu taabla ɔyikun ala. Si bekyuli bammɔ udu bébo kakpakɔ kamɛni bébevele-ɔ lɛla lɛdi ni,

Baga 2 17:36

Nsu Unwoti ɔni nákpanku-mii ɔ́lɛku Egyipte kalɔ lɛlɔ, na údie kɔnu ɔ́bla ɔyikun ala ni, bitaadi nwuna litemi lɛlɔ, na bitaakya lili kalɔ teete anwu lɛti, na bitaabla akpala teete-nwu.

Ala Alɛdi 1 17:21

Na kadi bamba bekyuli badi beeebo kalɔ kammɔ lɛlɔ aani Israel, kadi bekyuli bani na awɔ ɔlati édie álɛku bekyuli bamba kabla bɔbla kemmo ásiku Egyipte kalɔ lɛlɔ ka benwini awɔ badi. Na ɔkɛnku ƒula akɔla budie taatina ani na ábla ɔsu ni, ƒula lɛnyi lɛ́ƒɔ kuye geen na kadi ƒui bekyuli akɔ. Na ɔkɛnku ɔmmɔ lɛlɔ na ábɔku kadi bamba bekyuli ku bana baƒiɔ ƒui álɛku ƒula kadi bekyuli lɛtɔtɔ na ama beti mmɔ benwini bana keliekɔ.

Nehemia 1:10

“Anwuɔsu muuvele-ɔ ka ƒula bekyuli ku kabla bablane na badi na awɔ néti ƒula ɔyikun bonwu ékpo áƒɔ-ma.

Kɔgya 77:16

Uwi ɔni na áda álɛ ni, ntu bɔmmɔ bɔ́nwanɛ lɛlɔ ku liƒu útálɛ ligyu kemmo ƒui.

Kɔgya 81:11

“Nsu mina kadi bekyuli béni ɔmɛni na balaƒɔ-mi litemi na badi-ni lɛlɔ.

Kɔgya 81:6

“Lɛ́ya na etila átimi-mii lɛlɔ na bina enu ánwuna ásiku kabla kpakplaa kani na bítaabla kemmo.

Kɔgya 81:7

Ka biibó abi na bɛ́kpali-mi ni, línu líte-mii na lɛ́si kesii kani nábɛ-mii na liƒlukutu ku katɔ budu kemmo na líbo ḿbedie-mii. Na lɛ́kɔku-mii lɛ́nu na Meriba kesii kani na ntu bɔ́lɛ.

Israelƒuɔ Bɔlɛ 1:11

Amu na Egyipteƒuɔ báwia lɛlɔ badine béte-ma aani bekyuli beƒiedi lɛlɔ banune kalɛ. Bekyuli bamɛni bénye-ma lɛlɔ na baabla kabla kpakplaa, na bátu Pitom ku Rameses lɛma linengudi kesii kani na beesé ala teete bana Ɔga Ƒarao.

Israelƒuɔ Bɔlɛ 12:41

Na lɛkwa eti maane ku avlaatɛdi lɛlɔ pɛpɛɛpɛ ni, Unwoti ɔ́ya na Israel kaba bekyuli bammɔ ƒui bálɛ Egyipte kalɔ lɛlɔ.

Israelƒuɔ Bɔlɛ 12:51

Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 15:13

“Adubɔtɔnku ƒula bekyuli ka aayɔ́-ma uwi ndi uwi ɔsu. Ƒula bekyuli bani na ékpo áƒɔ. Na ɔkɛnku ƒula ɔyikun lɛlɔ ɔsu adubɔtɔnku-ma etéduoku ƒula kalɔ kedee kemmo.

Israelƒuɔ Bɔlɛ 16:6

Anwuɔsu Mose ku Aaron básu Israelƒuɔ bammɔ ƒui banini, “Ɔmwi useyi ɔmɛni ni, bɛdubɔti ka Unwoti náda-mii údie Egyipte kalɔ lɛlɔ.

Israelƒuɔ Bɔlɛ 18:1

Uwi ɔmmɔ ni, Yetro ɔni ndi Midianƒuɔ ɔkpane na ɔdi Mose aasi únu ala ani ƒui na Katɔti ɔ́bla úte Mose ku Israelƒuɔ, ku kalɛ na Unwoti ɔ́kpanku Israelƒuɔ ɔ́lɛku Egyipte kalɔ lɛlɔ.

Israelƒuɔ Bɔlɛ 2:11

Uwi ɔni na Mose ɔ́ɔlɛ lili ƒui kama ni, limeyi lɛdi úsie kesii kani na nwuna bekyuli bakya, na ɔ́nu kabla kpakplaa kani na baabla. Mmɔ ni, ɔ́nu ka Egyipteni ɔdi ɔkya uubó Hebrini ɔdi ɔni ndi anwu Mose lɛlɔ ukyuli.

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Israelƒuɔ Bɔlɛ 32:11

Amu na Mose úvele kɔnyana bɔnu na Unwoti Katɔti kudɔ ɔnini, “Unwoti, bi ɔsu na éti kɔnyi ákya ƒula bekyuli lɛni? Ƒula bekyuli badi, na éti ƒula ɔyikun bonwu na áda-ma édie Egyipte kalɔ lɛlɔ.

Israelƒuɔ Bɔlɛ 6:2

Amu na Katɔti ɔ́sɔ ɔ́su Mose ɔnini, “Ami ndi Unwoti.

Israelƒuɔ Bɔlɛ 6:29

ɔ́su-nwu ɔnini, “Ami ndi Unwoti, anwuɔsu su Egyipteƒuɔ Ɔga Ƒarao lɛla biala na lɛ́su-ɔ.”

Israelƒuɔ Bɔlɛ 6:8

Na ndubuti-mii lisienku kalɔ kani na lɛ́kɔliku mina kɔnu katɔ líse kenye ka meti mete Abraham ku Isak ku Yakob. Na ndubuti-ka lite-mii na biti-ka bɛbla bina kadikɔ. Ami ndi Unwoti.’ ”

Israelƒuɔ Bɔlɛ 7:4

ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Israelƒuɔ Bɔlɛ 7:5

Na mmɔ na Egyipteƒuɔ badubɔnu bati ka ami ndi Unwoti si uwi ɔni na lídie mina kɔnu lɛ́bla ɔyikun ala na bana akɔ, na lídie Israelƒuɔ lɛ́lɛku kalɔ kammɔ lɛlɔ.”

Yesaia 9:12

Na Siriaƒuɔ badubɔsi ɔƒɛ katukɔ, na Ƒilistiƒuɔ basi ɔƒɛ kanukɔ na bebebweli-ma aani eƒiebuo kalɛ. Nsu ina ɔmmɔ ƒui ni, Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yesaia 9:17

Anwuɔsu na lɛlɔ lilayɔ Unwoti Katɔti na bana bakɔdi lɛlɔ munu munu, na bekpinebi ku bekpinele basɔ baládu-nwu kaƒɔ, ɔsika bana ƒui basɔ balábla Unwoti lɛyɔla, na baabla kalala na baanyi ɔkɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yesaia 9:21

Manase ɔdubo Eƒraim badi bɔkun, na Eƒraim ɔ́kun Manase badi aani beƒiebuo kalɛ. Na bana inyɔ benwini benye Yuda lɛlɔ. Nsu ina ɔmmɔ ƒui Unwoti kɔnyi kútayɔ tɔ, mmomu ɔ́mu únene kɔnu unye ka ɔƒiɛmi-ma.

Yeremia 27:5

Na ami nédie kalɔ ku kana bekyuli ku bebuo bammɔ ƒui ɔkɛnku mina ɔyikun lɛlɔ. Na ami mɔɔtina ukyuli ɔni madi kalɔ kammɔ lɛlɔ.

Yeremia 32:21

Na ábla akɔla budie taatina amɛni éti ákya Egyipteƒuɔ liƒu geen. Na awɔ ɔlati édie ƒula kɔnu na ábla ɔyikun ala na édie ƒula kadi bekyuli Israelƒuɔ na Egyipteƒuɔ enu kemmo.

Esekiel 20:33

“Ɔni na ami ndi Unwoti Katɔti ɔni na nli ngba uwi ƒui ɔsu ni, ndubo-mii lɛlɔ bɔdi ku ɔyikun kpakplaa. Na bɛdubo mina kɔnyi ala bɔbla bɔnu.

Batalane Kabla 13:17

Katɔti ɔni na Israelƒuɔ baabu ni, ɔ́ƒuna bula bati kuuku na úte-ma kusɛ kusɛ. Na anwu ɔlati ɔ́tɔnku-ma ɔ́lɛku bekyuli kalɔ bɔkya kemmo na Egyipte ku nwuna ɔyikun.

Lɛkpa Ulu 11:2

Na binyimo kalɛ na ɔ́ni-mii kɔtu ku kalɛ na údie nwuna ɔyikun kpakplaa ɔ́tina-mii. Nsu bina bebi ama ni, Katɔti útani-ma kɔtu kɔdi.

Lɛkpa Ulu 15:15

Na binyimo ka amii lɛnɔ bɛ́ɛbla bekyuli kabla na Egyipte kalɔ lɛlɔ dii. Nsu bina Unwoti Katɔti úbada-mii údie lɛbibo lɛmmɔ kemmo na bɛ́kɛ bɔnwuna. Anwuɔsu na uubó-mii ɔda ɔmɛni.

Lɛkpa Ulu 26:8

Na ɔkɛnku nwuna ɔyikun ku ɔlɔkplu kemmo na ɔ́ƒɔ-bu ɔ́lɛku Egyipteƒuɔ enu kemmo. Na ɔ́bla akɔla budie taatina lidu lidu. Na ɔ́ya na liƒu ala lidu lidu ébo-ma lɛlɔ.

Lɛkpa Ulu 4:23

Na bɛnu kaduɛ na bitayiƒala lɛla lɛni na Katɔti únyimiku-mii mmɔ. Na bɛdi nwuna ɔda bubo lɛlɔ bɔni násu-mii ka bitavɔ iye bitanwi lɛla lɛdi bitese bitete lɛlɔ mmɔ lɛlɔ.

Lɛkpa Ulu 4:34

Na muuye-mii nnii baƒiɔ badi bésie kalɔ kadi lɛlɔ dii na bétédie bekyuli bálɛku kalɔ kammɔ lɛlɔ na béti-ma bábla nwuna bekyuli aani kalɛ na bina Unwoti Katɔti údie-mii ɔ́lɛku Egyipte kalɔ lɛlɔ? Na bina anumi lɛlɔ ni, údie nwuna ɔyikun ɔ́tina-mii na ɔ́ya na lɛlɛ lidu lidu líbo bekyuli lɛlɔ, na údie akɔla lidu lidu ku ala ani mɔɔda liƒu geen ɔ́tina.

Lɛkpa Ulu 5:15

Na ɔlɛka binyimo ka uwi ɔni návi kemmo ni, bɛdi bekyuli bani na bénye-mii lɛlɔ ka bitaabla kabla teete-ma. Na ami ɔni ndi bina Unwoti Katɔti néti mina ɔyikun bonwu ku ɔlɔkplu kpakplaa na lídie-mii lɛ́lɛku mmɔ. Ɔmɛni ɔsu na muubó-mii ɔda ka bitabla kabla kadi lɛnwunameyi lɛlɔ.

Lɛkpa Ulu 6:12

bɛnu kaduɛ kalɛ na bina kasusu kalálɛ bina Unwoti ɔni náda-mii údie Egyipte kalɔ lɛlɔ kesii kani nka bénye-mii lɛlɔ na bɛɛbla-ma kabla mmɔ.

Lɛkpa Ulu 7:19

Na bɛ́nu kalɛ na ɔkɛnku Unwoti Katɔti ɔyikun bonwu ku akɔla lidu lidu budie taatina lɛlɔ na Katɔti ɔ́da-mii údie Egyipte kalɔ lɛlɔ. Na lɛni kani na ɔdubɔbla akɔla na bina akɔ si bɛ́siaku bina bekisine bani mɔɔda-mii liƒu mmɔ.

Lɛkpa Ulu 7:8

Nsu Katɔti ɔ́ƒuna-mii, ɔsika ɔɔyɔ́-mii litemi na úse bina bati kuuku kenye úse ɔsu. Na ɔkɛnku nwuna ɔyikun bonwu kenye na úkpo ɔ́ƒɔ-mii ɔ́lɛku Egyipteƒuɔ ɔga enu kemmo kesii kani na nka únye-mii lɛlɔ na bɛ́kya bɛɛbla kabla teete-nwu.

Lɛkpa Ulu 9:29

Ɔmɛni ƒui kama ni, bekyuli bamɛni na áƒuna na éti-ma ábla ƒula badi. Na ama na édie álɛku Egyipte kalɔ lɛlɔ ɔkɛnku ƒula ɔyikun bonwu ku ɔlɔkplu ɔsu.”