Israelƒuɔ Bɔlɛ 6:4 - Katɔti Ɔku Kedee

⁴ Na bunyimi bɔni na línyimiku-ma ka meti Kanaan kalɔ kesii kani na bélie dii aani baƒɔ mete-ma ni, lɛ́lɛ-mu ugyii.

Israelƒuɔ Bɔlɛ 6:4 ပူးပေါင်းရင်းမြစ်များ

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 15:13

Amu na Unwoti ɔ́ya na Abram ɔ́ti ɔnini, “Ɔbla-a nwaa ka ƒula bawɔ ni, badubo baƒɔ bunwini na kadi bamba kalɔ lɛlɔ. Na badubo bunwini bekyuli bammɔ kabla bablane. Na badubo-ma kalala bɔbla na bebo abi akwa eti maane (400) sɔɔn.

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Ala Kalɔ Buse 17:13

Bina kɔduli bebi badi o-o buye na biye-ma ku egulabi o-o ni, ɔlɛka bekulo-ma ago. Mina lɛla lɛni na línyimi ka bɛbla bina ɔlɔna ni, ɔdi bunyimi bɔni ndubɔkya uwi ƒui.

Ala Kalɔ Buse 17:4

“Ami ni, lɛla lɛni na muunyimiku-ɔ ndi ka awɔ ndubɔbla kadi bekyuli pii ɔti.

Ala Kalɔ Buse 23:4

“Kadi bamba ukyuli na ndi. Na ndi ɔƒɔ na bina akɔ. Mɔɔyɔ́ ka bibo kabuli kalɔ kadi bite-mi na liye na bina kudɔ mɛni, na liti linwini bekyuli kavakɔ kalɛ na lɛkana na lɛva mina uleku.”

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Ala Kalɔ Buse 26:4

Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ.

Ala Kalɔ Buse 28:13

Na ubili kɔnyakɔ kɔmmɔ katɔ ƒui ni, ɔ́nu ka Unwoti Katɔti unye. Na ɔ́su-nwu ɔnini, “Ami ndi Unwoti, ƒula ɔti Abraham ku Isak Katɔti. Na ndubuti kalɔ kani lɛlɔ na atɛ mɛni lite awɔ ku ƒula kaba kemmo bebi.

Ala Kalɔ Buse 28:4

Na Unwoti Katɔti uti kusɛ kusɛ ɔni na úte Abraham ute awɔ ku ƒula kaba kemmo bebi. Na ɔya na kalɔ kani kemmo na eli ɔmwi mɛni aani ɔƒɔ kalɛ kenwini amii kadi. Kalɔ kamɛni na Katɔti úti úte Abraham.”

Ala Kalɔ Buse 6:18

Nsu ndubuti bunyimi bɔdi lɛkya ami ku awɔ ntɛ. Na eteesie etéduo ɔkɔlɔ ɔmmɔ kemmo ku ƒula bebi ku ƒ'ulekudi ku ƒula bebi bele.

Samuel 2 23:5

“Na geen ni, lɛni na nda lɛlɔ na mina kaduli líte Katɔti. Ɔsika úti bunyimi bɔni ndanku uwi ƒui úte-mi, ɔni na nwuna kenye kelékulo iye wavumana lɛnɔ. Na ɔdubɔƒɔ ute-mi uwi ƒui, na ɔbla ala ani na muuvele-nwu ute-mi.

Kɔgya 105:11

Ɔ́su ɔnini, “Amii na ndubuti Kanaan kalɔ ƒui lite na kana ƒui kenwini bina kadikɔ.”

Kɔgya 105:12

Na uwi ɔmmɔ kemmo ni, beeemomo. Na lɛnɔ ni, baƒɔ na badi na kalɔ kammɔ kemmo.

Israelƒuɔ Bɔlɛ 13:4

Ɔmwi, na Abib kɔbuli kɔmɛni kemmo ni, bɛdubɔlɛ Egyipte kalɔ lɛlɔ.

Israelƒuɔ Bɔlɛ 13:5

Na si Unwoti úti-mii úduoku Kanaanƒuɔ ku Hetiƒuɔ ku Amoriƒuɔ ku Hewiƒuɔ ku Yebusiƒuɔ kalɔ kamɛni kemmo ni, na bɛsia anu na bitaadi limeyi lɛmɛni na kɔbuli kɔmɛni kemmo. Kalɔ kamɛni na úse kenye úse úte bina bati kuuku ka kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na aka na ɔdubuti ute-mii na kenwini bina kadikɔ.

Israelƒuɔ Bɔlɛ 6:8

Na ndubuti-mii lisienku kalɔ kani na lɛ́kɔliku mina kɔnu katɔ líse kenye ka meti mete Abraham ku Isak ku Yakob. Na ndubuti-ka lite-mii na biti-ka bɛbla bina kadikɔ. Ami ndi Unwoti.’ ”

Yesaia 55:3

“Bise atu kaduɛ na bibo-mi kudɔ, na bɛkɛ ngba bilie. Na kenye kani na lɛ́su Dawid líse ni, ndubuse amii lɛnɔ kenye kammɔ, na lɛyɔ-mii uwi ƒui na bɛnu kalɛ na mɔɔdi mina litemi lɛlɔ uwi ndi uwi.

Bumomo Bɔka 10:29

Amu na Mose ɔ́su ulekudi ɔti Hobab ɔni ndi Midiani ɔni baalɔ Reuel ubidi ɔnini, “Uwi údu ka buteesie kalɔ kani na Unwoti ɔ́su úse ɔnini, ‘Ndubuti-ka lite-mii,’ mmɔ lɛlɔ. Bo na abasiaku-bu, na bɔdubɔda-a kaduɛ, ɔsika Unwoti úse ala abuni kenye úte Israelƒuɔ.”

Batalane Kabla 7:5

Katɔti útete Abraham kadikɔ kadi mmɔ, ina kalɔ blii suɛ muedi. Nsu ni, ɔ́su-nwu úse ka kalɔ kammɔ kadubɔbla anwu ku nwuna kaba kemmo bebi kadi ina ka útawɔ tɔ ubi ɔdi úti úbedu ku uwi ɔmmɔ kemmo!