Israelƒuɔ Bɔlɛ 6:16 - Katɔti Ɔku Kedee

¹⁶ Na bamɛni ndi Lewi bebi anyi na kalɛ na bénweni-ma anyi bése kenye. Gerson ku Kahat ku Merari. Na Lewi úlie ngba akwa eti anyɔ ku avlaatɛ maatɛ (137).

Israelƒuɔ Bɔlɛ 6:16 ပူးပေါင်းရင်းမြစ်များ

Bumomo Bɔka 3:17

Na Lewi bebi bananabi anyi ndi Gerson ku Kehat ku Merari.

Ala Kalɔ Buse 46:11

Na Lewi bebi ndi Gerson ku Kahat ku Merari.

Ala Alɛdi 1 6:16

Na Lewi bebi ndi Gerson ku Kehat ku Merari.

Ala Alɛdi 1 6:1

Lewi bebi ndi Gerson ku Kehat ku Merari.

Bumomo Bɔka 26:57

Na Lewiƒuɔ bani báka kalɛ bana kaba kese ndi bamɛni. Gerson ɔdanku Gersonƒuɔ. Kehat ɔdanku Kehatƒuɔ. Merari ɔdanku Merariƒuɔ.

Ala Alɛdi 1 23:6

Ɔmmɔ kama ni, Dawid úle Lewiƒuɔ bammɔ ɔ́kya esu atɛ kemmo na bana adua kenye. Na ama ndi Gerson ku Kohat ku Merari.

Israelƒuɔ Bɔlɛ 6:20

Amram úti ɔti ɔnwani ulekubi ɔni baalɔ Yokebed na ɔ́wɔ Aaron ku Mose úte-nwu. Na Amram úlie ngba akwa eti anyɔ ku avlaatɛ-maatɛ (137).

Israelƒuɔ Bɔlɛ 6:18

Na Kahat bebi ndi Amram ku Isehar ku Hebron ku Usiel. Na Kahat úlie ngba akwa eti anyɔ ku avlaatɛ-ɛtɛ (133).

Ala Kalɔ Buse 50:26

Yoseƒ úkpi na lɛkwa eti anyɔ ku leevudi kemmo. Na ka báklibi nwuna ukpine ɔmmɔ báwɔlɔ ku ala awɛɛdi ƒɛƒɛɛ ni, bákya-nwu adaka kemmo na Egyipte mmɔ.

Ala Kalɔ Buse 47:28

Yakob úlie Egyipte mmɔ akwa leevu-maatɛ. Anwuɔsu akwa ani na ɔ́ƒɔ ƒui ndi eti anyɔ ku aavlene-maatɛ.

Ala Kalɔ Buse 35:28

Akwa ani na Isak ɔ́ƒɔ na nwuna ngba bulie kemmo ndi eti atɛ ku avlaatɛ.

Israelƒuɔ Bɔlɛ 2:1

Uwi ɔmmɔ kemmo ni, ɔnana ɔdi ɔ́si Lewi ɔtɔ kemmo na úti uleku ɔdi ɔ́siku ɔtɔ ɔmmɔ kani kemmo.

Ala Kalɔ Buse 46:9

Na nwuna bebi ndi Hanok ku Palu ku Hesron ku Karmi.

Bumomo Bɔka 3:18

Na Gersonƒuɔ kaba ndi Libni ku Simel.

Bumomo Bɔka 3:19

Na Kehatƒuɔ adua ndi Amram ku Isehar ku Hebron ku Usiel.

Bumomo Bɔka 3:20

Na Merariƒuɔ adua ndi Mahli ku Musi. Na bamɛni ndi Lewiƒuɔ adua ammɔ na bana atɔƒi kenye.

Bumomo Bɔka 3:21

Na Gerson badi ndi Libni ku Simel adua. Na ama ndi Gerson adua ammɔ bekyuli.

Bumomo Bɔka 16:1

Kora ɔni ɔti ndi Isa ɔni ɔti ndi Kohat ɔni ɔti ndi Lewi ku Ruben kɔdua bebi bani ndi Datan ku Abiram bani ɔti ndi Eliab ku On ɔni ɔti ndi Pelet bábla atuɔkplu ala adi,

Yosua 21:4

Na ka bátu egulabi bánu ni, Kohat kaduli bekyuli bani ndi Aaron bawɔ na badi Lewiƒuɔ lɛlɔ na ɔ́sia. Na béte-ma lɛma leevu-ɛtɛ básiku Yuda ku Simeon ku Benyamin kaba kemmo.

Yosua 21:6

Na Gerson bawɔ bákɛ lɛma leevu-ɛtɛ lɛni nási Isakar ku Aser ku Naƒtali kaba ku Manase kaba kakɛ kakladi kani nkya Basan kalɔ lɛlɔ.

Ala Alɛdi 2 29:12

Amu na uwi ɔni na Hesekia ɔ́wɔlɔ-ma bɔtɛmiku ni, Lewiƒuɔ batɔnkune bani nsia bésie mmɔ bése kabla kalɔ kɔnakunwi. Na bana anyi ndubo mɛni. Amasai ubidi Mahat ku Asaria ubidi Yoel bani nási Kohat kɔdua kemmo. Na Abdi ubidi Kis ku Yehalel ubidi Asaria ama lɛnɔ bási Merari kɔdua kemmo. Na Sima ubidi Yoa ku Yoa ubidi Eden ama lɛnɔ bási Gerson kɔdua kemmo. Na Simri ku Yeuel bási Elsaƒan kɔdua. Na Sekaria ku Matania ama bási Asaƒ kɔdua. Na Yehuel ku Simei bási Heman kɔdua. Na Semaia ku Usiel bási Yedutun kɔdua.

Budie Taatina 7:7

Na mpim leevu-inyɔ bási Simeon kaba kemmo. Na mpim leevu-inyɔ bási Lewi kaba kemmo. Na mpim leevu-inyɔ bási Isakar kaba kemmo.