Israelƒuɔ Bɔlɛ 5:3 - Katɔti Ɔku Kedee

³ Amu na Mose ku Aaron bédie kenye banini, “Hebriƒuɔ Katɔti nédie lɛlɔ ɔ́tina-bu. Na ɔƒaani ni, te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti. Na si bútabla akpala ammɔ ni, ɔdubɔya na ɔlɛ ubo-bu lɛlɔ na bukpi iye ɔdubɔya na kekpo kadi kebo-bu lɛlɔ na badu-bu kede kede.”

Israelƒuɔ Bɔlɛ 5:3 ပူးပေါင်းရင်းမြစ်များ

Baga 2 17:25

Na uwi ɔni na bekyuli bammɔ báka mmɔ butélie ni, na bekyuli bammɔ balákya lili kalɔ teete Unwoti. Ɔmmɔ ɔsu Unwoti ɔ́ya na bagyata bábadu badi.

Ala Alɛdi 2 30:8

Na bitabla atuɔkplu aani bina bati kuuku bammɔ. Bɛlɛ ugyii geen ɔƒɛni ka bɛdubɔdi Unwoti bula Katɔti litemi lɛlɔ! Bibo Yerusalem na bibadi limeyi na bɛkpa-nwu na nwuna kakpakɔ kani ndubɔdi nwuna kadi uwi ƒui na ɔdubɔda kɔnyi buti bɔkya-bu ɔya.

Esra 7:23

Na bɛsia anu kaduɛ na bite lɛla biala na Unwoti ɔni nkya Katɔ ɔ́su úse ka beti babla nwuna kakpakɔ lɛlɔ kabla siin lɛni kani, kalɛ na ulákɛ kɔnyi ulakya-mi iye ukyuli ɔni melie-mi kenye.

Israelƒuɔ Bɔlɛ 3:18

“Si ásu-ma etemila amɛni ni, mina bekyuli badubo ƒula litemi buti. Na ɔmmɔ kama ni, na eti Israelƒuɔ benengu bammɔ ada na bisie Egyipteƒuɔ ɔga kudɔ na bɛsu-nwu bɛnini, ‘Unwoti ɔni ndi Hebriƒuɔ Katɔti údie lɛlɔ ɔ́tina-bu. Anwuɔsu te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti.’

Israelƒuɔ Bɔlɛ 7:16

Na si úbo ni, na asu-nwu anini, ‘Unwoti ɔni Ndi Hebriƒuɔ Katɔti ɔ́tala-mi ɔ́kya-a ɔnii, “Ya mina bekyuli beteesie ketele kemmo na batákpa-mi na mmɔ.” Nsu úti úbedu ɔƒɛni ni, elenu kalɔ.

Israelƒuɔ Bɔlɛ 8:1

Amu na Unwoti ɔ́su Mose ɔnini, “Teesie na atásu Ƒarao anini, ‘Ami Unwoti nnii ya na mina bekyuli batɔlɔ kalɛ na batákpa-mi.

Israelƒuɔ Bɔlɛ 8:20

Amu na Unwoti ɔ́su Mose ɔnini, “Ta kɔnaadi ɔtanta tutuutu na atáni ede Ƒarao si úsela ketu. Na asu-nwu anii, ‘Unwoti ɔnii die mina bekyuli ulu na besie batákpa-mi.

Israelƒuɔ Bɔlɛ 8:27

Anwuɔsu ɔlɛka buti emeyi atɛ busie butéduo ketele kemmo na butábla akpala ammɔ na mmɔ aani kalɛ na bula Unwoti Katɔti úbo-bu ɔda.”

Esekiel 6:11

Amu na Unwoti Katɔti ɔ́sɔ ɔ́su ɔnini, “Esekiel, gya enukpɛ na etu ɔgba kalɔ momoomo ku lɛƒɛda! Wulo kɔnyana geen, ɔsika Israelƒuɔ bábla ala ani muusé lɛlɔ na ɔlɛka bekpi na bana bekisine bekpone lɛkɔkɔ iye kɔka ku ɔlɛ ɔdu-ma.

Lewiƒuɔ Ɔda Bubo 26:25

Na lɛya na bina bekisine beduo-mii lɛlɔ ku kuwii na bedie-mii kasi ka bítadi bunyimi bɔmmɔ lɛlɔ ɔsu. Na si uwi ɔni na bísie bitáwia kabɛkɔ na bina lɛma linengudi kemmo ni, ndubudie lɛlɛ likpidi lɛkya-mii na lɛya na biduo bina bekisine enu kemmo.

Lɛkpa Ulu 28:21

Na ɔdubuti lɛlɛ lidu lidu uboku-mii lɛlɔ uti utédu ka ɔdi biala ɔsɔ uuuli ngba na kalɔ kani lɛlɔ na bísela bitélie mmɔ lɛlɔ.