Israelƒuɔ Bɔlɛ 5:22 - Katɔti Ɔku Kedee

²² Amu na Mose únwini úsie útákpali Unwoti na úye-nwu ɔnini, “O Unwoti, bi ɔsu na éti lɛbibo éboku ƒula bekyuli lɛlɔ lɛni? Ɔmɛni ɔsu na átala-mi?

Israelƒuɔ Bɔlɛ 5:22 ပူးပေါင်းရင်းမြစ်များ

Baga 1 19:10

Amu na Elia údie kenye ɔnini, “Lɛ́sia anu kpakplaa na lɛ́kpa Unwoti Ɔyikune Ƒui uwi biala. Na Israelƒuɔ béni ƒula bunyimi na bábwɛ ƒula akpabi. Na bádu ƒula kenye bediene ƒui ku lɛkɛɛ, na ami lɛti nébu. Na ɔƒaani benye baawia kuƒi ka badu ami lɛnɔ.”

Baga 1 19:4

na anwu lɛti ɔ́sɔ úsie limeyi linwi ulu na ɔkɛ ketele kalɔ kakwiidi kemmo. Na ka úbedu kugyii kɔdi kalɔ ni, ɔ́yu úlie kalɔ mmɔ na ɔ́kpali Katɔti úvele ka ɔya na ukpi. Na ɔ́su ɔnini, “Lɛ́ɛnɔku-ni. Ƒɔ-mi ngba, ɔsika lɛɛɛdia liiitulo mina bati kuuku.”

Kɔgya 73:25

Liiibo ukyuli bamba ɔdi na katɔ liiitulo awɔ. Na lɛla lɛdi lɛnɔ liiibo kalɔ kamɛni lɛlɔ na mɔɔwia teetulo awɔ.

Israelƒuɔ Bɔlɛ 17:4

Ɔmɛni ɔsu Mose ɔ́kpali Unwoti momoomo na ɔ́su-nwu ɔnini, “Bi na ndubo bekyuli bamɛni bɔbla ɔƒɛni? Benye kagyumana ka bebo-mi atabi badu.”

Yeremia 12:1

Unwoti, uwi biala na lɛ́su-ɔ ala ani muukpóku-mi ni, eenú na aabla lɛla biala na ulu siin lɛlɔ. Nsu ɔƒaani ni, mbo ala adi na liye-ɔ ɔ́siku kalɛ na aatɛ etemila lɛlɔ. Bi ɔsu na mɔɔnu aani ka ngba buse buɛɛ bute alaekpidi bablane? Na bi ɔsu na bana ala ƒui aatɛ teete-ma?

Yeremia 20:7

Unwoti átɔlɔ-mi na ábu-mi kɔdɔlɔ. Na ebo ɔyikun etulo-mi ɔsu ádi-mi lɛlɔ. Na bekyuli benye beedumi-mi uwi ndi uwi na baapii-mi.

Yeremia 4:10

Mmɔ na lɛ́su nnini, “Awɔ ndi Unwoti Katɔti. Na bi ɔsu na ése ukyuli biala lisusu, na ɔni ntulo ƒui ndi ƒula kadi bekyuli Israelƒuɔ lɛnɔ lɛni? Bi ɔsu na ése-bu kenye ka bɔdubɔkɛ keyi buɛɛ na uwi ɔni na kewii nsia-bu ɔkwɛ na badubo-bu bukulo?”

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Bumomo Bɔka 11:11

Mmɔ na Mose ɔ́kpali Unwoti ɔnini, “Bi ɔsu na éti etila amɛni udu ásia-mi ƒula kabla ɔblane lɛlɔ lɛni? Bi na lɛ́bla-a na útayɔ-ɔ kaƒɔ ɔsu na eti bekyuli bamɛni ƒui etila asia-mi lɛlɔ?

Yosua 7:7

Amu na Yosua ɔ́kpali Katɔti na ɔ́su ɔnini, “O Unwoti Katɔti Ɔni Ntulo Ƒui, báyila-bu udu! Na bi ɔsu na átaya na bɔsɔ bɔkya Yordan Ketu ɔvi ɔni nye mmomu?

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.