Israelƒuɔ Bɔlɛ 40:2 - Katɔti Ɔku Kedee

² “Lɛ Adi Kevo kani ndi Kevo Kasakɔ kammɔ na kɔbuli kudeedi kuna limeyi lideedi lɛlɔ.

Israelƒuɔ Bɔlɛ 40:2 ပူးပေါင်းရင်းမြစ်များ

Ala Alɛdi 1 17:5

Ńtelie ɔtɔ ɔni na bayawine béti bana enu bátu kudii, mmomu Adi Kevo kani na baalɛ taagyu ɔ́si likpo linwi úsie kesii bamba kemmo na lílie ɔ́si uwi ɔni na lídie mina kadi bekyuli Israelƒuɔ lɛ́lɛku Egyipte kalɔ lɛlɔ úti úbedu ɔmwi.

Ala Alɛdi 2 29:3

Na nwuna lɛga bɔdi lɛkwa lideedi lɛmmɔ kɔbuli kudeedi kɔni baalɔ bani Abib iye Nisan kemmo ni, Hesekia ɔ́ya na bálɛmi Katɔti kakpakɔ kammɔ kɔyakun na bɔsɔku-ku báklibi.

Israelƒuɔ Bɔlɛ 13:4

Ɔmwi, na Abib kɔbuli kɔmɛni kemmo ni, bɛdubɔlɛ Egyipte kalɔ lɛlɔ.

Israelƒuɔ Bɔlɛ 19:1

Kɔbuli kɔtɛdi lɛlɔ na Israelƒuɔ bésie bétédu Sinai ketele kemmo na limeyi lɛmmɔ lɛlɔ pɛpɛɛpɛ ka báta Egyipte kalɔ lɛlɔ.

Israelƒuɔ Bɔlɛ 26:1

“Biti aduni abuni kpɛtɛ kpɛtɛ ani náƒɔ kuye geen na bámii-nya ku kɔbuli buluu ku kugyiedi kɔni náƒɔ kuye na ukyuli ɔni ngyi budi geen údi Kerub bebweyi ɔ́kya-nya kemmo na biti bɛbla Adi Kevo kammɔ.

Israelƒuɔ Bɔlɛ 26:30

“Lɛ kevo kammɔ kalɛ kani na bédie bátina-a na kɔbi lɛlɔ pɛpɛɛpɛ.

Israelƒuɔ Bɔlɛ 26:7

“Ti bese linwini bla aduni leevu-unwi na eti ebi kevo kammɔ eli.

Israelƒuɔ Bɔlɛ 27:21

Na beti asogya ɔmmɔ balɛ Adi Kevo kemmo kesii kani na mɔɔsiáku-mii mmɔ ku aduni ani nƒa mmɔ anumi asa na adubuduo adaka ɔmmɔ kudɔ. Na Aaron ku nwuna bebi banu ka lɛsogya lɛmmɔ ƒui lɛɛda na Unwoti anumi mmɔ ɔ́si useyi uwi útálɛ kadi bugye. Ɔmɛni ɔdi bunyimi bɔni na Israelƒuɔ ɔdi ka bese likpo na bataadi-mu lɛlɔ uwi ndi uwi.”

Israelƒuɔ Bɔlɛ 30:36

Na awɔ ala ammɔ adi abla ɔlaaƒɔ na akuna ɔlaaƒɔ ɔmmɔ ewi Unwoti unyimi adaka ɔmmɔ anumi, kesii kani munye taatɛmiku-mii. Oloƒui ɔmɛni ɔbla lɛla lɛni nse kedee utulo ƒui ute-mii.

Israelƒuɔ Bɔlɛ 35:11

Na batu Kevo Kasakɔ ku kɔdi ku abalala na bawia kugyikɛ ku abuala ku ligyii akpa nina aka.

Israelƒuɔ Bɔlɛ 36:18

Na béti abuala egyiedi bánwamana bábla ala abalala liti báda libila lɛdiku lɛmmɔ básala.

Israelƒuɔ Bɔlɛ 40:1

Amu na Unwoti ɔ́su Mose ɔnini,

Israelƒuɔ Bɔlɛ 40:6

“Na eti lɛkpabi lɛni lɛlɔ badubo butaakyula akpala alɛ Unwoti Adi Kevo kani ndi Kevo Kasakɔ ɔmmɔ kayakun.

Esekiel 40:1

Akwa aavlanyɔ kama ɔni na béƒie Ɔga Yekonia ku abu bakladi bésienku Babilon kalɔ lɛlɔ aani batɔntɛne kalɛ ni, Unwoti ɔyikun ɔ́ƒɔ-mi lɛlɔ kemmo ƒui na kɔbuli kudeedi limeyi leevudi lɛlɔ. Na ɔdi akwa leevu-ene ɔni na béƒie Yerusalem báƒɔ. Unwoti údie kɔyu kemmo ala adi ɔ́tina-mi na uwi ɔni na ɔ́ya na béti-mi bésienku kɔbi kangyaa kɔdi lili na Yerusalem. Na ka línwini lɛ́nu kada kakɛ ni, lɛ́nu aani si ɔma ɔdi nwi na lɛtɔ lɛ́ƒɔ-nwu kemmo tɛɛ.

Esekiel 45:18

Unwoti ɔnini, “Na kɔbuli kudeedi kɔni baalɔ Abib iye Nisan na Hebri lɛdi kemmo limeyi lideedi lɛlɔ ni, ɔlɛka beti ɔmantɛ akɔ ɔkɔdi ɔni na útasɔ kesii kadi badu babla akpala na babla kakpakɔ kammɔ sɛɛn.

Bumomo Bɔka 1:1

Na lɛkwa linyɔdi kɔbuli kunyɔdi limeyi lideedi lɛlɔ ka Israelƒuɔ bálɛ Egyipte kalɔ lɛlɔ ni, Unwoti ɔ́tɛmi úte Mose, na Unwoti Adi Kevo kemmo na Sinai ketele kalɔ kakwiidi kemmo mmɔ. Mmɔ na ɔ́su-nwu ɔnini,

Bumomo Bɔka 7:1

Uwi ɔni na Mose ɔ́wɔlɔ Unwoti kakpakɔ ɔtɔ ɔmmɔ bɔlɛ ni, ɔ́kpali katɔ na úti lɛla biala ɔ́kya Unwoti enu kemmo. Na ɔsɔ ɔ́kpali katɔ na úti lɛkpabi ku akyami ani nse mmɔ ƒui ɔ́kya Unwoti enu kemmo.

Bumomo Bɔka 9:1

Unwoti ɔ́tɛmiku Mose na Sinai ketele kalɔ kakwiidi kemmo na lɛkwa linyɔdi kɔbuli kudeedi kemmo ka bálɛ Egyipte kalɔ lɛlɔ. Mmɔ na ɔ́su-nwu ɔnini,

Bumomo Bɔka 9:15

Na limeyi lɛni na bálɛ Unwoti Adi Kevo kammɔ ni, liƒlukutu líbebi ɔtɔ ɔmmɔ ƒui lɛlɔ. Na liƒlukutu lɛmmɔ lɛ́ƒɔ ɔtɔ ɔmmɔ ɔ́si useyi uwi útédu kadi bugye ɔtanta na use aani si ogya mɔɔda.