Israelƒuɔ Bɔlɛ 40:16 - Katɔti Ɔku Kedee

¹⁶ Na Mose ɔ́bla ɔsiaku kalɛ kani na Unwoti úbo-nwu ɔda.

Israelƒuɔ Bɔlɛ 40:16 ပူးပေါင်းရင်းမြစ်များ

Ala Kalɔ Buse 6:22

Na Noa lɛnɔ ɔ́bla kalɛ na Katɔti ɔ́su-nwu pɛpɛɛpɛ.

Israelƒuɔ Bɔlɛ 40:15

Na awɛɛ-ma nnɔmii ese-ma likpo aani kalɛ kani na áwɛɛ bana ɔti kalɛ ama lɛnɔ babla bakpane bete-mi. Na likpose nnɔmii bɔwɛɛ bɔmɛni bɔdubo bɔbla lɛla lɛni ndubo buse bute bakpane ƒui usela uwi ƒui.”

Israelƒuɔ Bɔlɛ 7:6

Na Mose ku Aaron bábla básiaku Unwoti lɛla lɛni na úbo-ma ɔda lɛlɔ pɛpɛɛpɛ.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Yeremia 13:5

Na ami lɛnɔ lísie ńtábla lɛni kani.

Lewiƒuɔ Ɔda Bubo 8:13

Nwuna kama ni, Mose ɔ́lɔ Aaron bebi bananabi bammɔ úboku lɛlɔ kudɔ na ɔ́kya-ma lɛwu lɛtɔdi akɔnkɔ bune lɛmmɔ na úti aduni ɔ́da-ma kavobi. Na úti aduni adi úbo ɔ́da-ma eli aani kalɛ kani na Unwoti úbo-nwu ɔda mmɔ.

Lewiƒuɔ Ɔda Bubo 8:21

Na ɔ́ƒɔ aƒɔla ammɔ ku agyobi ammɔ ƒui na úti koƒonu kɔmmɔ ɔ́kyula ɔ́bla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ aani kalɛ na Unwoti úbo-nwu ɔda.

Lewiƒuɔ Ɔda Bubo 8:9

Úti dukuu kabwa úbi Aaron lili, na úti sika ugyiedi likpose kalɛkɛ úbo ɔ́da kabwa kammɔ anumi kakɛ aani kalɛ na Unwoti úbo Mose ɔda.

Bumomo Bɔka 1:19

aani kalɛ na Unwoti úbo Mose ɔda. Anwuɔsu báka bekyuli bammɔ ƒui na Sinai ketele kalɔ kakwiidi kemmo.

Bumomo Bɔka 9:22

Na si liƒlukutu lɛmmɔ lɛ́ƒɔ lɛlɔ linye ɔtɔ ɔmmɔ eli emeyi anyɔ iye kɔbuli iye lɛkwa ni, Israelƒuɔ bammɔ lɛnɔ badubɔsɔ bɔkya bana keliekɔ mmɔ lɛni kani na balata. Nsu si liƒlukutu lɛmmɔ lɛ́nya lɛ́ta na ama lɛnɔ bata.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Korintoƒuɔ 1 4:2

Na lɛlakpa linwi lɛni kani na Unwoti ɔɔwia taasiku nwuna ala lɛlɔ ɔnune ɔmɛni udu kudɔ ndi ka ɔ́bla kabla kammɔ ulu lɛlɔ.

Lɛkpa Ulu 12:32

Na bɛnu ka bɛ́bla lɛla biala na líbo-mii ɔda nnii bɛbla. Na bitada ɔdi bitedie iye biteti ɔdi bitebunku.

Lɛkpa Ulu 4:1

Bɛdi ɔda bubo bɔni ƒui mɔɔtina-mii mɛni lɛlɔ kalɛ na bɛdubɔkana na bilie kalɔ kani na Katɔti ɔni ndi Bina Bati Kuuku Katɔti úti uute-mii lɛlɔ.

Hebriƒuɔ 3:2

Ɔ́bla ala ulu lɛlɔ úte ukyuli ɔni náƒuna-nwu úse aani kalɛ na Mose ɔ́bla ala ulu lɛlɔ na Katɔti kaduli.

Hebriƒuɔ 3:5

Mose ɔ́bla lɛla biala ulu lɛlɔ na Katɔti kaduli aani kabla ɔblane. Na údie ala ani na Katɔti ɔdubo ubasu ɔ́tina.