Israelƒuɔ Bɔlɛ 4:21 - Katɔti Ɔku Kedee

²¹ Amu na Unwoti ɔ́su Mose ɔnini, “Si énwini ésie Egyipte ni, nu ka ábla akɔla budie taatina ammɔ na Ɔga Ƒarao anumi ɔkɛnku ɔyikun ɔni na líte-ɔ kenye. Nsu ndubɔya na Ɔga Ƒarao kayi kayu ɔkplu ɔni na ɔɔɔdubo bɔtuna na Israelƒuɔ batɔlɔ Egyipte kalɔ lɛlɔ.

Israelƒuɔ Bɔlɛ 4:21 ပူးပေါင်းရင်းမြစ်များ

Romaƒuɔ 9:18

Anwuɔsu ni, Katɔti ɔɔnu ukyuli ɔni na ɔɔyɔ́ kɔnyana. Na uudie ɔbambadi lɛnɔ atu na ɔɔbla atuɔkplu.

Yesaia 63:17

Unwoti, bi ɔsu na áya na bɔɔyii ƒula ulu, na áya na bula kɔyi kɔ́bla na bubo atu ɔkplu na bulabu-ɔ? Sɔ nwini bo na abu ƒula kabla bablane ɔsu, abu bani ndi ƒula bekyuli bani na áƒuna ése éte lɛlɔ.

Yosua 11:20

Na Unwoti ɔ́ya na lɛma lɛmmɔ kɔyi kɔ́yu ɔkplu kalɛ na Israelƒuɔ bakɛ kuƒi na bekpoku-ma na bayila-ma udu kede kede ɔni na kɔnyana bɔnu bɔdi buuubo. Na ɔmɛni ndi ɔda ɔni na Unwoti úbo Mose ka ɔbla.

Yohane 12:40

“Ami Katɔti lɛ́bala-ma anumi kalɛ na balanu lɛla lɛdi balati. Na lɛ́ya na bádɔlɔ kalɛ na belénu ala kalɔ. Ɔmmɔ ɔsu belénwini belebo-mii kudɔ kalɛ na lɛbwi-ma.”

Israelƒuɔ Bɔlɛ 14:8

Na Unwoti ɔ́ya na Ƒarao kayi káyu ɔkplu na báta banii batábi basiaku Israelƒuɔ bani náta báyu ulu bésela ku kayi buse.

Israelƒuɔ Bɔlɛ 9:35

Na lɛni kani na ɔdanku kayi ɔkplu ɔmmɔ na ulédie Israelƒuɔ ulu na batɔlɔ kalɛ kani na Unwoti ɔ́su úse.

Israelƒuɔ Bɔlɛ 9:12

Nsu Unwoti ɔ́ya na Ƒarao ɔ́yu kayi ɔkplu na útenu Mose ku Aaron litemi kalɛ kani na Unwoti ɔ́su Mose úse.

Israelƒuɔ Bɔlɛ 7:13

Nsu ɔmɛni kama ƒui Ƒarao kɔtu kɔ́mu kɔ́yu ɔkplu na ulenu Mose ku Aaron litemi aani kalɛ kani na Unwoti ɔ́su Mose ku Aaron úse.

Israelƒuɔ Bɔlɛ 3:20

Anwuɔsu ndubudie mina kɔnu lɛtina Egyipteƒuɔ na lɛni-ma kɔtu na akɔla lidu lidu budie bɔtina kemmo. Na ɔmmɔ kama ɔdubɔtuna na bɛtɔlɔ.

Israelƒuɔ Bɔlɛ 10:20

Nsu Unwoti ɔ́ya na Ƒarao kayi kásɔ káyu ɔkplu na útete kuƒi na ɔya na Israelƒuɔ batɔlɔ.

Israelƒuɔ Bɔlɛ 7:3

Nsu ndubɔya na Ƒarao kayi kayu ɔkplu, na ina bi akɔla ala budie taatina ku ala ebendi na lídie lɛ́tina-nwu kɔlɛ kɔlɛ na Egyipte kalɔ lɛlɔ ni,

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Petro 1 2:8

Na Bunweni Kedee Ɔku likpo bamba lɛɛsu lɛnini, “Ɔdi lɛtabi lɛni ndubɔya na bekyuli betulo, na ani kani ndubɔya na begyiile bebuli.” Bétulo, ɔsika bátadi litemi lɛmmɔ lɛlɔ. Na lɛni na Katɔti ɔ́su úse ka walɛku-ma.

Korintoƒuɔ 2 2:16

Bekyuli bani naaadubo bɔkɛ ngba bɔƒɔ ni, ɔnyi ɔmɛni ɔɔtina ka badubɔyii ku udu. Na bekyuli bani ndubɔkɛ ngba bɔƒɔ ama ni, ɔnyi ɔmɛni ɔɔtina ka badubɔkɛ ngba ƒui. Na ɔma geen ndubɔkana na ɔbla kabla kamɛni si ɔɔɔdi kuƒi na béte-ɔ?

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Kɔgya 105:25

Ɔ́ya Egyipteƒuɔ beekisi nwuna kadi bekyuli. Na bákya kɔkwɛ kukpidi bana lɛlɔ.

Baga 1 22:22

“Amu na Unwoti úye-nwu ɔnini, ‘Ulu ɔmani lɛlɔ?’ “Mmɔ na kɔyu kɔmmɔ kɔnini, ‘Ndubusie na liti ɔkɔ etemila lɛkya kenye bediene bammɔ ƒui kenye.’ “Amu na Unwoti ɔ́su-nwu ɔnini, ‘Adubɔkana-nwu bɔtɔlɔ sɔsɔ, anwuɔsu teesie na atábla lɛni.’

Lɛkpa Ulu 2:36

Na ɔdanku ɔ́si Aroer ɔni ntɛ Arnon Kɔwɛ kenye ku lɛma lɛni nkya mmɔ ƒui úti útédu Gilead. Ɔma biala uuubo ɔni bútadi-ma lɛlɔ. Bula Unwoti Katɔti úti lɛma lɛmmɔ ƒui ɔ́kya-bu enu kemmo.

Ala Kalɔ Buse 6:3

Amu na Unwoti ɔ́su ɔnini, “Mina kɔyu kɔɔɔdubo ukyuli kemmo bɔkya uwi ƒui. Anwuɔsu ukyuli ɔdubo bukpi. Na nwuna ngba emeyi adubɔbla akwa eti anyɔ ku aavlanyɔ kani.”

Israelƒuɔ Bɔlɛ 8:32

Nsu ɔmɛni kama Ƒarao kayi kásɔ kábayu ɔkplu kébu na úbulo Israelƒuɔ ulu budie.

Israelƒuɔ Bɔlɛ 10:1

Amu na Unwoti ɔ́su Mose ɔnini, “Teesie na atánu Ƒarao, ɔsika lɛ́ya na anwu ku nwuna benengu báyu kayi ɔkplu kalɛ na ɔdia-mi na lidie akɔla ala budie taatina lidu lidu lɛmɛni lɛtina na bana akɔ.

Israelƒuɔ Bɔlɛ 10:27

Nsu ɔmɛni kama Unwoti ɔ́ya na Ƒarao kayi kásɔ káyu ɔkplu na útete kuƒi na Israelƒuɔ batɔlɔ.

Israelƒuɔ Bɔlɛ 11:9

Nsu Unwoti ɔ́su Mose úse ɔnini, “Ƒarao ɔdubo buni na ulénu ƒula litemi na ɔmmɔ ndubo bɔya na mina akɔla budie taatina akɔ katɔ ebu na Egyipte.”

Israelƒuɔ Bɔlɛ 11:10

Na Mose ku Aaron bábla akɔla budie taatina lidu lidu amɛni na Ƒarao anumi, nsu Unwoti ɔ́ya na Ƒarao kayi kayu ɔkplu na útete kuƒi na Israelƒuɔ batɔlɔ.

Kɔgya 78:43

Na bétenyimo akɔla ala budie taatina ani na ɔ́bla na Saan kalɛkɛ lɛlɔ na Egyipte kalɔ kemmo.

Israelƒuɔ Bɔlɛ 3:19

Nsu ngyi ka Egyipteƒuɔ ɔga ɔɔɔdubo bɔtuna, si ɔyikun ubendi ɔdi útebedi-nwu asa na unu kalɔ.

Israelƒuɔ Bɔlɛ 8:11

Na ɔmmɔ kama bapɔtɔlɔ bammɔ ƒui badubɔtɔlɔ mmɔ, nsu Nil Ketu kemmo badi kani ndubɔsɔ bakya. Na ƒula benengu ku ƒula bekyuli bakɛ bɔnwuna.”

Israelƒuɔ Bɔlɛ 8:15

Na ka Ƒarao ɔ́nu ka bapɔtɔlɔ bammɔ ƒui békpi ni, ɔ́sɔ únwini kasusu na úni ɔnii ulenu Mose ku Aaron litemi kalɛ na Unwoti ɔ́su úse.

Israelƒuɔ Bɔlɛ 14:17

Na ndubɔya na Egyipteƒuɔ bammɔ kayi kayu ɔkplu na basia-ma kama lɛni kani. Na ɔkɛnku Ƒarao ku nwuna bekpone bammɔ ku bapɔnkɔ kɛɛkɛ ku bapɔnkɔ beliene bammɔ ƒui lɛlɔ ɔsu na mina lɛnyi likeye.