Israelƒuɔ Bɔlɛ 4:18 - Katɔti Ɔku Kedee

¹⁸ Ɔmmɔ kama Mose únwini úsie ulekudi ɔti ɔni ndi Yetro kudɔ na ɔ́su-nwu ɔnini, “Te-mi kuƒi na linwini lisie mina kadi bekyuli kudɔ na Egyipte na ntánu si ɔdi ɔmu ulie ngba.” Amu na Yetro ɔ́su-nwu ɔnini, “Kusɛ kusɛ ɔsiaku-ɔ.”

Israelƒuɔ Bɔlɛ 4:18 ပူးပေါင်းရင်းမြစ်များ

Ala Kalɔ Buse 45:3

Na mmɔ ni, Yoseƒ ɔ́su nwuna banwani ɔnini, “Ami ndi Yoseƒ! Sɔsɔ na mina ɔti ɔmu uli ngba?” Nsu ka nwuna banwani bénu ɔmɛni ni, bátakana na bedie kenye kadi. Ɔsika liƒu bonwu líƒie-ma na Yoseƒ anumi mmɔ.

Baga 2 5:10

Amu na Elisa ɔ́tala nwuna kabla ɔblane ɔnii utásu-nwu ɔnini, “Teesie na atákpi ntu na Yordan Ketu kemmo maatɛ na ƒula ɔlɔna ɔdubɔsɔ unwini ubo kalɛ na úse na abla sɛɛn.”

Baga 2 5:19

Amu na Elisa ɔ́su Naaman ɔnini, “Teesie ku keyi buɛɛ.” Ɔmmɔ kama Naaman ɔ́gyu lɛgba na úsie anumi blii.

Israelƒuɔ Bɔlɛ 2:21

Mose únu kalɔ ka ɔsɔ ɔkya ɔnana ɔmɛni kudɔ, na ɔnana ɔmmɔ úti ubidi ulekubi Sipora úte-nwu ɔnii uti.

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Luka 7:50

Amu na Yesu ɔ́su uleku ɔmmɔ ɔnini, “Ƒula bɔƒɔtaadi búdie-ɔ, ɔsu teesie ku keyi buɛɛ.”

Batalane Kabla 15:36

Amu na emeyi adi kama ni, Paulo ɔ́su Barnaba ɔnini, “Ya na bɔsɔ butánu bula banwa bani nkya lɛma lɛni kemmo na bɔ́su litemi buni lɛmɛni bɔ́vi, na bɔnu kalɛ na badaku.”

Batalane Kabla 16:36

Amu na bana lɛlɔ ɔnune ɔmɛni ɔ́su Paulo ku Silas ɔnini, “Litemi batɛne banii nnyonu-mii na biteesie. Anwuɔsu biteesie ku keyi buɛɛ.”

Timoteo 1 6:1

Su baƒɔtaadine bani mɔɔbla bekyuli bamba kabla ƒui anii ɔlɛka beboku lɛlɔ kalɔ bete bana benwoti na kabla biala kemmo, kalɛ na bekyuli bamba balatɛmi kɔbɔ ala balásiku Katɔti ku bula bɔƒɔtaadi ulu ala bɔtina lɛlɔ.

Litemi Batɛne 18:6

Amu na ɔkpane ɔmmɔ údie kenye ɔnini, “Lɛla biala liiibo na lɛdubukpoku-mii. Ɔsika Unwoti ɔkya ɔɔgyumana-mii na bina ulu busie bɔmɛni kemmo.”

Samuel 1 1:17

Mmɔ ni, Eli ɔ́su-nwu ɔnini, “Teesie ku keyi buɛɛ. Na Israel Katɔti ɔdubɔbla lɛla lɛni na aawia ute-ɔ.”