Israelƒuɔ Bɔlɛ 4:1 - Katɔti Ɔku Kedee

¹ Amu na Mose úye Unwoti ɔnini, “Na si Israelƒuɔ bátaƒɔ-mi bátadi iye bétenu mina litemi na básu banii, ‘Unwoti útedie lɛlɔ biala útatina-a’ ni, dɛ na mabla?”

Israelƒuɔ Bɔlɛ 4:1 ပူးပေါင်းရင်းမြစ်များ

Baga 1 13:3

Limeyi lɛmmɔ kani ni, Katɔti kenye udiene ɔmmɔ ɔ́bla likposela lɛdi na ɔ́su ɔnini, “Ɔmɛni ndi Unwoti likposela ka lɛkpabi lɛmɛni lɛdubo bɔbwɛ na lile lɛlɔ kemmo inyɔ. Na ntɔ bɔni na buwi-nwu kemmo ni, buwilimi buwi kalɔ.”

Israelƒuɔ Bɔlɛ 2:14

Amu na ɔnana ɔmmɔ údie kenye ɔnini, “Ɔma nédi-ɔ bula lɛlɔ ɔdine ku bula litemi ɔtɛne? Munuu aayɔ́ ka adu-mi aani kalɛ na ádu Egyipteni ɔmmɔ yoo?” Mmɔ na Mose ɔ́yia na ɔ́su lɛlɔ ɔnini, “Likpidi lɛni na lɛ́bla mɛni ni, bekyuli bánu-ni báti.”

Israelƒuɔ Bɔlɛ 3:15

Na Katɔti ɔ́sɔ ɔsu Mose ɔnini, “Su Israelƒuɔ anini, ‘Bina bati kuuku Abraham Katɔti ku Isak Katɔti ku Yakob Katɔti nátála-mi ɔ́kya-mii.’ Na lɛnyi lɛmɛni na mɔɔdi úsela uwi ƒui na ani na bina bawɔ bawɔ badubuti beteenyimo-mi ɔ́si kaba úsie kaba.”

Israelƒuɔ Bɔlɛ 3:16

Ɔ́sɔ ɔ́su-nwu ɔnii, “Sie na atálɔ Israel atɔƒi benengu ƒui asala na asu-ma anii, ‘Unwoti ɔni ndi bina bati kuuku Abraham ku Isak ku Yakob Katɔti nédie lɛlɔ ɔ́tina-mi ɔnini, lɛ́nu kalɛ na Egyipteƒuɔ baabla-mii kalala.

Israelƒuɔ Bɔlɛ 3:18

“Si ásu-ma etemila amɛni ni, mina bekyuli badubo ƒula litemi buti. Na ɔmmɔ kama ni, na eti Israelƒuɔ benengu bammɔ ada na bisie Egyipteƒuɔ ɔga kudɔ na bɛsu-nwu bɛnini, ‘Unwoti ɔni ndi Hebriƒuɔ Katɔti údie lɛlɔ ɔ́tina-bu. Anwuɔsu te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti.’

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Israelƒuɔ Bɔlɛ 4:30

Na Aaron ɔ́su batɔnkune bammɔ lɛla biala na Unwoti ɔ́su Mose. Na Mose lɛnɔ ɔ́bla akɔla budie taatina lidu lidu na batɔnkune bammɔ anumi.

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Israelƒuɔ Bɔlɛ 6:12

Nsu Mose ɔ́su Unwoti ɔnii, “Ka lísie Israelƒuɔ kudɔ na bátakpete-mi ni, Ƒarao ndubo ami ɔni mɔɔwalɛ mɛni bɔkpete?”

Israelƒuɔ Bɔlɛ 6:30

Nsu Mose udie kenye ɔ́su Unwoti ɔnini, “Kalɛ na mɔɔtɛmi taawalɛ mɛni ni, dɛ na Ƒarao ɔdubo-mi kalɔ bunu?”

Yeremia 1:6

Mmɔ na lídie kenye nnini, “Unwoti Ɔyikune Ƒui, lɛɛɛgyi bɔtɛmi na ńtabi lɛlɔ lɛnɔ.”

Esekiel 3:14

Ɔmmɔ kama Kɔyu kɔmmɔ kúti-mi kɔ́tɔlɔku. Na Unwoti ɔyikun ɔ́ƒɔ-mi lɛlɔ kemmo ƒui na líti kɔnyi na livo lɛnɔ liiƒí-mi geen.

Batalane Kabla 7:25

Mose ɔ́kali ka nwuna banwani badubɔkali banii Katɔti nátala-nwu ɔni ubebunku-ma, nsu bátakali lɛni.

Litemi Batɛne 6:17

Amu na Gideon údie kenye ɔnini, “Unwoti, si sɔsɔ na mina lɛlɔ lɛ́ƒɔ-ɔ anu bɔdi ni, ya na lɛnu ƒula akɔla budie taatina adi na lɛti ka awɔ geen mɔɔtɛmiku-mi.