Israelƒuɔ Bɔlɛ 36:2 - Katɔti Ɔku Kedee

² Amu na Mose ɔ́lɔ Besaleel ku Oholiab ku ukyuli biala na Unwoti úte-nwu lɛlati lɛmmɔ ku bani na ɔ́si-ma kayi ka bebebunku kabla kammɔ ka bebo.

Israelƒuɔ Bɔlɛ 36:2 ပူးပေါင်းရင်းမြစ်များ

Ala Alɛdi 1 28:21

Bakpane ku Lewiƒuɔ bammɔ ƒui béete-ma bana kabla na kabla bablane bani na bagyi bana kabla lɛlɔ ala kaduɛ mmɔ ƒui benye kagyumana bete bana kabla na bekyuli bammɔ ku bana batɔnkune ƒui badubɔbla lɛla biala na básu-ma.”

Ala Alɛdi 1 29:5

Na badubuti ɔdi babla ala ani na badubuti bataabla lɛkpa lɛmmɔ lɛlɔ ala lɛnɔ. Na muuye-mi si ukyuli bamba ɔdi lɛnɔ ɔkya bina akɔ na anwu lɛnɔ ɔdubudie nwuna ala adi use sɛsɛɛ ute Unwoti na beti bebunku kakpakɔ kamɛni bɔtu?”

Israelƒuɔ Bɔlɛ 25:2

“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ.

Israelƒuɔ Bɔlɛ 25:40

Sia anumi na anu ka bábla-nwu na udu ɔni na ánu na kɔbi lili mɛni kani lɛlɔ pɛpɛɛpɛ.

Israelƒuɔ Bɔlɛ 28:3

Su lɛwu bakane babuni bani na líte-ma lɛnunda ka bakana awu ɔmmɔ udu bɔka kani na baka awu ɔmmɔ bete Aaron kalɛ na bedie-nwu bese sɛsɛɛ bete ka ɔbla ɔkpane kabla ute-mi.

Israelƒuɔ Bɔlɛ 31:6

Na lɛ́ƒuna Oholiab ɔni nási Dan kaba kemmo lɛnɔ ka uteete-nwu kebunku. Na líti lɛnunda ku lɛlati lɛ́kya bekyuli bamba bani ndubɔbla lɛla biala aani kalɛ na líbo-ɔ ɔda.

Israelƒuɔ Bɔlɛ 35:10

Amu na Mose ɔ́su bekyuli bani ƒui nda kɔnu kemmo kabla ka bebo na babla kabla kani Katɔti úbo-ma ɔda.

Israelƒuɔ Bɔlɛ 35:2

Ɔnii bibo emeyi aku ka biti bɛbla bina kabla. Nsu limeyi maatɛdi lɛlɔ ni, bɛbla-ni kedee bite Unwoti na ɔdi utabla kabla kadi. Na si ukyuli ɔdi ɔ́bla kabla kadi lɛnwunameyi lɛlɔ ni, ɔlɛka badu-nwu.

Israelƒuɔ Bɔlɛ 36:1

“Anwuɔsu Besaleel ku Oholiab ku bani ƒui na Unwoti úte-ma kɔnu kemmo kabla lɛnunda ka bakana Katɔti Kevo kammɔ bɔtu ni, ɔlɛka babla kabla kammɔ aani kalɛ kani na Unwoti úbo-ma ɔda.”

Israelƒuɔ Bɔlɛ 36:3

Na Mose úti ala ani ƒui na Israelƒuɔ béte ka béti bátu Kevo Kasakɔ kammɔ úte-ma. Na Israelƒuɔ beesiénku etela ani beti batu ɔtɔ ɔmmɔ ɔtanta ndi ɔtanta ku kayi ƒaa.

Batalane Kabla 14:23

Amu na Paulo ku Barnaba lɛnɔ bédie batɔnkune béte baƒɔtaadine akpa akpa ƒui, na bákpali katɔ na bélie kɔka na béti-ma bákya Blɔti ɔni na báƒɔ bádi lɛkɔkɔ.

Koloseƒuɔ 4:17

Na bɛsu Arkipo ka ɔkya ɔkplu na ɔwɔlɔ Blɔti kabla kani na úti ɔ́kya-nwu enu kemmo mmɔ.

Hebriƒuɔ 5:4

Ukyuli ɔdi ulakana ɔkpane unengudi kenyekɔ kamɛni bɔƒuna bute lɛlɔ. Mmomu ɔdi ka Katɔti náƒuna-nwu aani kalɛ na ɔ́ƒuna Aaron.