Israelƒuɔ Bɔlɛ 32:5 - Katɔti Ɔku Kedee

⁵ Amu na Aaron ɔ́tu lɛkpabi na ɔmantɛ akɔ ɔni bávɔ mmɔ kudɔ. Na mmɔ na ɔ́kɔ lɛsa ɔ́su Israelƒuɔ ɔnini, “Kɔnaadi bɔdubo limeyi bɔdi buti bumwi bula Unwoti.”

Israelƒuɔ Bɔlɛ 32:5 ပူးပေါင်းရင်းမြစ်များ

Baga 1 21:9

Na lɛku lɛmmɔ kemmo ni, únweni ɔnini, “Bidie limeyi bise bite kenye bunyimi, na bɛsala bekyuli bammɔ ƒui lisu. Na bɛwia keliekɔ kani náƒɔ kuye bite Nabot.

Baga 2 10:20

Ɔmmɔ kama ni, Yehu úbo ɔda ɔnini, “Bise limeyi na bula ƒui bubo bubadi limeyi na bɔkya lili kalɔ bute Baal.” Anwuɔsu bése limeyi sɔsɔ.

Baga 2 16:11

Anwuɔsu Uria lɛnɔ ɔ́tu lɛkpabi lɛmmɔ kalɛ kani na báta-ni mmɔ.

Ala Alɛdi 2 30:5

Anwuɔsu básia Israel kalɔ bekyuli bammɔ ƒui kenye ɔ́si Beerseba útédu Dan na bálɔ-ma ka bebo Yerusalem mmɔ na badi Kukpi Lili Bɔvia Limeyi bete Unwoti Israel Katɔti. Na benengu bammɔ alati baatina ka ɔ́si kuuku ƒui ni, bátasiaku bekyuli lisu lɛmɛni udu ka bebo limeyi lɛmɛni kadikɔ lɛni kudii.

Israelƒuɔ Bɔlɛ 10:9

Amu na Mose údie kenye ɔnini, “Bɔdubutiku bula banamu ku benengu ku bebi bananabi ku belekubi ku bebuo lidu lidu ƒui, ɔsika limeyi geen na bɔdubo bɔdi bute Unwoti.”

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Israelƒuɔ Bɔlɛ 17:15

Mmɔ na Mose ɔ́tu lɛkpabi na ɔ́sia-ni lɛnyi ɔnii, “Unwoti mɔɔyá na mɔɔdi lɛlɔ.”

Israelƒuɔ Bɔlɛ 32:4

Na Aaron lɛnɔ úti sika ugyiedi ɔmmɔ ɔ́kya ogya kemmo na ɔ́nwamana-nwu na úwilimi uwi lɛla lɛdi kemmo na ɔ́nwi-nwu ɔ́bla sika ugyiedi ɔmantɛ akɔ ubi udu. Amu na bekyuli bammɔ básu banini, “Israelƒuɔ, bɛɛnu bina katɔti ɔni natɔku-mii na bɛ́lɛ Egyipte kalɔ lɛlɔ.”

Israelƒuɔ Bɔlɛ 32:6

Na nwuna lɛdigye uwi ni, béti bebuo badi na béti bábla bɔkyula akpala na badi lɛnɔ bábla unwi bɔbla akpala. Mmɔ na bekyuli bamɛni bése kalɔ baadi na baaní ntɛ teekpi na baabla lɛyalɛ ala.

Hosea 8:11

“Israelƒuɔ, bɛ́tu akpabi pii bíte lɛlɔ kesii kani na bɛɛkpá bina ekpidi bɔbla akpala. Na akpabi ammɔ énwini ekpidi kablakɔ akpabi.

Hosea 8:14

Israelƒuɔ, ami nédie-mii, nsu bɛ́yiƒala-mi. Na awɔ ku Yuda ƒui bɛ́tu baga kuliekɔ bonwu bonwu ku lɛma linengudi pii lɛni mbo kɔgyumanakɔ bíte lɛlɔ. Nsu ndubo bɔya na ogya ubo ubakyula lɛma lɛmmɔ ku kɔgyumanakɔ kɔmmɔ ƒui na ubile lɛla biala.”

Lewiƒuɔ Ɔda Bubo 23:2

“Kɔ lɛsa na asu Israelƒuɔ anini, ‘Unwoti emeyi ani na údie úse ka Israelƒuɔ badubo butaasa ndi amɛni.

Lewiƒuɔ Ɔda Bubo 23:21

“ ‘Na limeyi lɛmmɔ kani lɛlɔ ni, kɔ lɛsa na bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Ɔda bubo bɔmɛni buse bute amii ku bina bawɔ na kesi kesii na bɛdubulie.

Lewiƒuɔ Ɔda Bubo 23:37

“ ‘Emeyi amɛni ndi Unwoti emeyi bɔdi ani na ɔ́lɛ ugyii úse na ɔlɛka akɔ-nya lɛsa ka adi emeyi kedee ani na ɔlɛka beboku akpala ani ƒui na badubɔkyula bete Unwoti ku ntɛ akpala ani bálɛ ugyii bése úte mina emeyi bɔdi.

Lewiƒuɔ Ɔda Bubo 23:4

“ ‘Emeyi amɛni na Unwoti údie úse ka bitaadi úte bɔsa kedee na ɔlɛka akɔ-nya lɛsa ete-ma si uwi ɔmmɔ údu.

Korintoƒuɔ 1 5:8

Anwuɔsu ni, bitaya na bɔdi bula Kukpi Lili Bɔvia Limeyi ku bodobodo ɔni kemmo na bɔnyii bɔkukudi bɔni ndi likpidi ku likyulikpi ala ani bɔɔbla akya. Mmomu bɔɔdi limeyi lɛmɛni ku bodobodo ɔni kemmo na bɔnyii buuubo na bɔɔtina ka bɔɔɔdi anumi lɛlɔ bekyuli. Mmomu bɔkɛnku litemi geen lɛmmɔ.

Samuel 1 14:35

Na usien ɔmmɔ ni, Saul ɔ́tu lɛkpabi na bábla akpala béte Unwoti na mmɔ. Na ɔmmɔ ndi kudeedi ka Saul ɔ́bla lɛni.