Israelƒuɔ Bɔlɛ 32:4 - Katɔti Ɔku Kedee

⁴ Na Aaron lɛnɔ úti sika ugyiedi ɔmmɔ ɔ́kya ogya kemmo na ɔ́nwamana-nwu na úwilimi uwi lɛla lɛdi kemmo na ɔ́nwi-nwu ɔ́bla sika ugyiedi ɔmantɛ akɔ ubi udu. Amu na bekyuli bammɔ básu banini, “Israelƒuɔ, bɛɛnu bina katɔti ɔni natɔku-mii na bɛ́lɛ Egyipte kalɔ lɛlɔ.”

Israelƒuɔ Bɔlɛ 32:4 ပူးပေါင်းရင်းမြစ်များ

Baga 1 12:28

Na ka ɔ́wia bekyuli kasusu únu ni, ɔga ɔmmɔ úti sika ugyiedi ɔ́bla bakɔ bebi inyɔ. Na ɔ́su bekyuli bammɔ ɔnini, “Yerusalem busie teesie taatábla akpala ɔdubuduoku-mii lɛlɔ bɔvili. Ɔmmɔ ɔsu ni, O Israel, bɛɛnu bina benwoti bani nákpanku-mii bálɛku Egyipte kalɔ lɛlɔ.”

Baga 1 12:32

Na Yerobeam údie kɔbuli maanedi limeyi leevu-ɛlɔ úse úte baƒiɔ bammɔ limeyi bɔdi. Aani limeyi lɛni udu na baadi na Yuda. Na ɔ́bla akpala na lɛkpabi lɛmmɔ lɛlɔ. Lɛni na ɔ́bla na Betel mmɔ na ɔ́kyula akpala úte baƒiɔ bani na ɔ́vɔ mmɔ.

Baga 2 10:20

Ɔmmɔ kama ni, Yehu úbo ɔda ɔnini, “Bise limeyi na bula ƒui bubo bubadi limeyi na bɔkya lili kalɔ bute Baal.” Anwuɔsu bése limeyi sɔsɔ.

Baga 2 10:29

Nsu ɔ́siaku Nebat ubidi Ɔga Yerobeam likpidi kama na ɔ́kpanku Israelƒuɔ na bésie bakya baakpá ɔmantɛ akɔ ɔni bávɔ bálɛ na Betel na Dan kalɛkɛ lɛlɔ.

Ala Alɛdi 2 11:15

Yeroboam ɔlati ɔ́ƒuna nwuna bakpane bani mɔɔkpá na kadi bamba baƒiɔ bani na bése béte lɛlɔ na abi eli mmɔ lɛlɔ na Israel kalɔ lɛlɔ na ekpo ani na ɔ́tu bese ku ɔmantɛ bakɔ bebi ayu ekpidi baƒiɔ ɔ́lɛ mmɔ.

Ala Alɛdi 2 13:8

“Na mɔɔnu ka awɔ ku ƒula bekpone bayikune bani na aanu ka ebo mɛni bɛɛkali ka bɛdubɔkana na binye bɛsiaku lɛgakadikɔ kani na Unwoti úti úte Dawid ku nwuna ɔtɔ kemmo bawɔ. Lɛla lɛni kani na ebo ndi Yeroboam sika ugyiedi baƒiɔ bani na bávɔ béte-ɔ na ɔmantɛ bakɔ bebi udu kenye.

Nehemia 9:18

Ábla ala amɛni ina ka ama alati béti bana ala bávɔ ɔmantɛ akɔ bálɛ na básu banii, ‘Bina Katɔti ɔni nédie-mii na ɔ́kpanku-mii ɔlɛku Egyipte mɛni,’ iye ɔni na bétemi ɔkɔ etemila pii béwi-ɔ.

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Israelƒuɔ Bɔlɛ 20:23

Anwuɔsu bitese baƒiɔ badi bitebunku-mi, na biteti sika ɔƒualadi iye ugyiedi bitavɔ baƒiɔ badi bitese lɛlɔ.

Israelƒuɔ Bɔlɛ 20:4

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Israelƒuɔ Bɔlɛ 28:11

Na enweni Israelƒuɔ bebi anyi leevu-anyɔ asia atabi anyɔ ammɔ lɛlɔ. Bla-nya aani kalɛ na atabi banwine baanwí atabi kemmo ku ala bunweni. Na eti sika ugyiedi kɔbuli aka-nya,

Israelƒuɔ Bɔlɛ 28:9

“Ti atabi anyɔ ani náƒɔ kuye na baalɔ-nya oniks na enweni Israel bebi anyi asia-nya lɛlɔ.

Israelƒuɔ Bɔlɛ 32:1

Uwi ɔni na Israelƒuɔ bammɔ bánu ka Mose úsie ɔkya kɔbi lili na ulébo ni, bekyuli bammɔ básala lɛlɔ lisu na bésie Aaron kudɔ na bátásu-nwu banini, “Bɔɔɔgyi lɛla lɛni nálɛku Mose ɔni nákpanku-bu ɔ́lɛku Egyipte kalɔ lɛlɔ. Anwuɔsu bla unwoti ɔdi te-bu na ɔkpanku-bu.”

Israelƒuɔ Bɔlɛ 32:24

Amu na lɛ́su-ma nnii beti bana sika ugyiedi asɛɛ bébo beboku. Na ama lɛnɔ béti béte-mi na líti lɛ́kya ogya kemmo, na kɔnakunwi ni, akɔ ubi ɔmɛni nálɛ!”

Israelƒuɔ Bɔlɛ 32:3

Anwuɔsu Bekyuli bammɔ ƒui bédie bana sika ugyiedi ala ani ƒui bakya mmɔ béte Aaron.

Israelƒuɔ Bɔlɛ 32:35

Anwuɔsu Unwoti ɔ́ya na ɔlɛ úbada bekyuli bammɔ ka báya na Aaron úti bana sika ugyiedi na ɔ́vɔ ɔmantɛ akɔ úte-ma ɔsu.

Israelƒuɔ Bɔlɛ 32:5

Amu na Aaron ɔ́tu lɛkpabi na ɔmantɛ akɔ ɔni bávɔ mmɔ kudɔ. Na mmɔ na ɔ́kɔ lɛsa ɔ́su Israelƒuɔ ɔnini, “Kɔnaadi bɔdubo limeyi bɔdi buti bumwi bula Unwoti.”

Israelƒuɔ Bɔlɛ 32:7

Mmɔ na Unwoti ɔ́su Mose ɔnini, “Babla, na ayu kɔbi eteesie. Ɔsika ƒula bekyuli bani na ákpanku álɛku Egyipte kalɔ lɛlɔ bábla likpidi na béni-mi.

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Yesaia 30:22

Na uwi ɔmmɔ ni, bɛdubɔnu bina baƒiɔ bani na bɛ́vɔ, ku bani na bɛ́nwi na bɛ́kwaa-nya ku sika ugyiedi aani kebu alakpi ani muusé lɛlɔ na bibo-nya biwiakun.

Yesaia 46:6

Bekyuli badi beesié taatáƒɔ ala bakywɛne na kayu kenye, na bete-ma sika ugyiedi ku ɔƒualadi, na betu-nwu babla baƒiɔ bete-ma na bataakpa.

Esekiel 23:8

Ɔ́si ɔni kani na úse lɛla lɛmɛni kalɔ na Egyipte ni, anwu kani na ɔmu unye-nwu lɛlɔ mɛni na útada útaya tɔ kudii. Banana bátɛnku-nwu kalɛ kalɛ, nsu ɔmmɔ ƒui útedu-nwu ɔkwɛ na ɔmu unye ɔɔnu ulu teete bamamba uwi ndi uwi.

Hosea 10:5

Na liƒu bonwu lɛdubo bekyuli bani nkya Samaria ƒui buƒie na bewulo kɔnyana na baƒiɔ bani na bátu bényene Bet-Awen. Baƒiɔ bammɔ na bana bakpane baabu na baakun lɛmɛnɛ ka baanu kalɛ na uukeye ku sika ugyiedi ɔsu. Nsu kekpo kadubo-ma buƒie na beti-ma bɔtɔlɔku na unwini-ma kɔƒa na ukyuli biala uteewulo.

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Batalane Kabla 17:29

“Na ka bɔdi Katɔti bebi ɔsu ni, utalɛka bɔkali bɔnii Katɔti ɔmɛni use aani lɛla lɛni na abu bayawine néti enu bɔ́bla aani sika ugyiedi iye ɔƒualadi iye ugyii iye lɛtabi iye ala anwidi lɛnɔ kalɛ.

Batalane Kabla 7:41

Anwuɔsu bábla baƒiɔ badi aani akɔ ubi, na baakpá-nwu, na bádi limeyi ku ebiti na lɛla lɛni na bábla mɛni ɔsu.

Korintoƒuɔ 1 10:7

iye buti lɛlɔ bute lɛƒiɔkpa ala bɔbla aani bana kalɛ. Lɛni na Bunweni Kedee Ɔku ɔ́su ɔnini, “Bekyuli bammɔ bádu bebuo na báni ntɛ na badi adikpi limeyi, na bátɔ béte baƒiɔ.”

Lɛkpa Ulu 9:16

Na ka mɔɔnu ni, lɛ́nu ka bɛ́bla likpidi bɛ́ƒiɔ bina Unwoti Katɔti. Ɔsika bɛ́vɔ ɔmantɛ akɔ ɔkɔdi ɔgyani udu na bɛɛkpá-nwu aani baƒiɔ na bínwini kama bɛ́kya Katɔti ɔƒɛni kani ɔdi ɔmɛni.

Litemi Batɛne 8:24

Na ɔ́sɔ-ma ɔnini, “Mɔɔyɔ́ ka livele-mii lɛla lɛdi. Bina akɔ ɔdi biala ute-mi kɔtu lɛsikpɛɛ na ala ani bíƒie bɛ́ƒɔ bɛ́siku bina bekisine kudɔ mmɔ kemmo.” Na ɔdi Ismaelƒuɔ ɔdi ka bakya atu asikpɛɛ ani beti sika ugyiedi babla.

Litemi Batɛne 8:27

Na Gideon úti ala ammɔ na ɔ́vɔ lɛla lɛdi na úti-nwu útése Oƒra na nwuna ɔma. Na Israelƒuɔ ƒui béni bana Unwoti na beesié Oƒra mmɔ taatákpa ala ani na bavɔ mmɔ. Na ɔmɛni úbenwini kakpagyuɛ úte Gideon ku nwuna kaduli bekyuli.