Israelƒuɔ Bɔlɛ 32:1 - Katɔti Ɔku Kedee

¹ Uwi ɔni na Israelƒuɔ bammɔ bánu ka Mose úsie ɔkya kɔbi lili na ulébo ni, bekyuli bammɔ básala lɛlɔ lisu na bésie Aaron kudɔ na bátásu-nwu banini, “Bɔɔɔgyi lɛla lɛni nálɛku Mose ɔni nákpanku-bu ɔ́lɛku Egyipte kalɔ lɛlɔ. Anwuɔsu bla unwoti ɔdi te-bu na ɔkpanku-bu.”

Israelƒuɔ Bɔlɛ 32:1 ပူးပေါင်းရင်းမြစ်များ

Ala Kalɔ Buse 19:14

Ka básu-nwu lɛni ni, Lot ɔ́ta ɔ́lɛ na útásu nwuna bebi bagya bani néebo bébevele-nwu ka beti nwuna bebi. Na ɔ́su-ma ɔnini, “Ɔbabla-mii na bɛvi bɛlɛ ɔma ɔmɛni kemmo pla. Ɔsika Katɔti ɔdubo ɔma ɔmɛni bɔkyula.” Nsu nwuna bebi bagya bamɛni béti lɛla lɛmɛni bákya bɔƒia.

Ala Kalɔ Buse 21:26

Nsu Abimelek ɔ́su ɔnini, “Lɛɛɛgyi ukyuli ɔni nábla lɛla lɛmɛni udu. Na awɔ lɛnɔ átasu-mi ɔmɛni kudii. Na ńtenu lɛla lɛmɛni lɛnɔ kudii si ɔɔɔdi ɔmwi.”

Ala Kalɔ Buse 39:8

Nsu Yoseƒ úbulo na ɔ́su-nwu ɔnini, “Ɔni na mina ɔtɔlati úti-mi únyene nwuna ala ƒui kenye ni, údie lɛla biala atu. Na ukyuli ɔdi lɛnɔ uuutulo-mi na kaduli kamɛni, ɔsika mina enu kemmo na lɛla biala lɛkya. Mina ɔtɔlati útebu lɛla lɛdi útese ɔni na úteti-ni útakya-mi enu kemmo ntu awɔ kani. Ɔsika awɔ ndi-nwu ulekudi. Na bi ɔsu na ndubɔkana na lɛbla kɔƒa lɛla lɛmɛni udu na lɛbla likpidi lɛƒiɔ Unwoti Katɔti?”

Ala Kalɔ Buse 44:15

Amu na Yoseƒ úye-ma ɔnini, “Bi ɔdi na bɛ́bla mɛni? Bɛɛɛgyi bɛnii ukyuli aani ami bene udu ni, mɔɔkana na mɔɔnu ala na bɔbɛ kemmo?”

Ala Kalɔ Buse 44:4

Yoseƒ banwani bamɛni bétesie tɔ ɔgyu ɔdi na ɔma unengudi ɔmmɔ kudɔ asa na ɔ́tala nwuna kaduli lɛlɔ ɔnune ɔnii ɔsia-ma kama. Úbo-nwu ɔda ɔnini, “Sie na atábala banana bammɔ kɔnakunwi. Na si átásiaku-ma ni, na eye-ma anini, ‘Bi ɔsu na bíti likpidi bɛ́ƒɔ lɛbuni lɛni na mina ɔtɔlati ɔ́bla-mii kayu?

Kɔgya 106:19

Na béti sika ugyiedi ɔdi bábla ɔmantɛ akɔ ubi ɔdi udu na Sinai kɔbi kaƒɔna na baakpá-nwu.

Israelƒuɔ Bɔlɛ 13:21

Si bakɛ ɔƒiiwi ni, Unwoti ɔɔtɔ-ma anumi aani liƒlukutu lɛkpa bonwu lɛdi. Lɛni kani na ɔɔtɔ-ma anumi usien lɛnɔ aani lɛgyavonku bonwu na uute-ma bukeye kalɛ na bakana na besie usien ku ɔƒɛ.

Israelƒuɔ Bɔlɛ 14:11

Amu na béye Mose banini, “Bɔkɛ na bɔɔɔdubo bɔkɛ kesii kani na bava-bu na Egyipte ɔsu na ákpanku-bu éboku ketele kemmo mɛni anii bubekpi?

Israelƒuɔ Bɔlɛ 16:3

“Si nka bɔdu mmomu na Unwoti ɔ́du-bu na Egyipte nka ɔdia-bu utulo ɔni na búbo bɔkya mɛni. Ɔsika na mmɔ ni, nka bɔɔnwá adila ani bɔɔyɔ́ na bɔɔdi kaduɛ. Nsu bíti-bu bíboku ketele kamɛni kemmo ka bise-bu kɔka bɛdu.”

Israelƒuɔ Bɔlɛ 20:23

Anwuɔsu bitese baƒiɔ badi bitebunku-mi, na biteti sika ɔƒualadi iye ugyiedi bitavɔ baƒiɔ badi bitese lɛlɔ.

Israelƒuɔ Bɔlɛ 24:12

Amu na Unwoti ɔ́su Mose ɔnini, “Kɔ bo, na ebelie-mi kudɔ na kɔbi lili mɛni, na ndubo atabi ani lɛlɔ na línweni ɔda bubo bɔmmɔ lɛ́sia buti bute-ɔ ka eti atina-ma.”

Israelƒuɔ Bɔlɛ 24:18

Na Mose úduo liƒlukutu lɛmmɔ kemmo ka ɔ́kɔ úsela kɔbi kɔmmɔ lili. Na ɔ́kya kɔbi kɔmmɔ lɛlɔ emeyi aavlene usien ku ɔƒɛ.

Israelƒuɔ Bɔlɛ 32:11

Amu na Mose úvele kɔnyana bɔnu na Unwoti Katɔti kudɔ ɔnini, “Unwoti, bi ɔsu na éti kɔnyi ákya ƒula bekyuli lɛni? Ƒula bekyuli badi, na éti ƒula ɔyikun bonwu na áda-ma édie Egyipte kalɔ lɛlɔ.

Israelƒuɔ Bɔlɛ 32:22

Amu na Aaron údie kenye ɔnini, “Teti kɔnyi takya-mi, ɔsika agyi kalɛ na likpidi bɔbla bɔɔyu bekyuli bamɛni emini.

Israelƒuɔ Bɔlɛ 32:23

Ama násu-mi banini, ‘Bɔɔɔgyi lɛla lɛni nálɛku Mose ɔni nákpanku-bu ɔ́lɛku Egyipte kalɔ lɛlɔ.’

Israelƒuɔ Bɔlɛ 32:7

Mmɔ na Unwoti ɔ́su Mose ɔnini, “Babla, na ayu kɔbi eteesie. Ɔsika ƒula bekyuli bani na ákpanku álɛku Egyipte kalɔ lɛlɔ bábla likpidi na béni-mi.

Israelƒuɔ Bɔlɛ 33:3

Kalɔ kani lɛlɔ bísela mmɔ egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Nsu ami Unwoti lɛɛɛdubo-mii bɔkpanku. Ɔsika bɛdi bekyuli bani atu mbo ɔkplu geen, na ɔƒɛni kalɛ ndubɔyila-mii udu na ulu lɛlɔ.”

Esekiel 20:8

Nsu ɔmmɔ ƒui kama ni, bámu báta bénye-mi lɛlɔ. Na béni banii baaadubo-mi litemi bunu na kadi bamba ala anwidi ku avɔdi baƒiɔ bɔkpa bɔmmɔ lɛlɔ kani na benye. “Ɔmmɔ ɔsu na lɛ́kɛku-ma kɔnyi geen na lɛ́lɛ ugyii ka nka mɔɔní-ma kɔtu na Egyipte kalɔ lɛlɔ mmɔ.

Hosea 12:13

“Lɛ́tala mina Kenye Udiene Mose nnii ɔtɔnku Israelƒuɔ ɔsiku Egyipte na ɔda-ma kɔkɔɔkɔ na lɛla lɛdi litabla-ma.

Mika 6:4

Lɛ́ƒɔ-mii lɛ́siku Egyipteƒuɔ enu kemmo kesii kani na nka bɛkya bɛɛbla-ma kabla. Na lɛ́tala Mose ku Aaron ku Miriam nnii batɔnku-mii.

Bumomo Bɔka 14:22

bekyuli bani nánu mina bukeye na bánu mina akɔla búdie taatina lidu lidu lɛni lɛ́bla na Egyipte kalɔ lɛlɔ ku ketele kalɔ kakwiidi kemmo, nsu báta benye mina litemi lɛlɔ na bákɔku-mi bánu leevu sɔɔn ni,

Mateo 24:43

Si kaduli ɔlati ɔgyi uwi ɔni na uyune ɔdububo ni, nka ɔdubulie kagyumana. Na uláya na uyune ɔmmɔ wabwɛ weduo-nwu ɔtɔ kemmo.

Mateo 24:48

Nsu si ɔdi kabla ɔblane ukpidi ni, ɔdubɔsu na nwuna kayi kemmo ɔnini, ‘Mina unwoti ɔdubutu uwi geen!’

Batalane Kabla 17:29

“Na ka bɔdi Katɔti bebi ɔsu ni, utalɛka bɔkali bɔnii Katɔti ɔmɛni use aani lɛla lɛni na abu bayawine néti enu bɔ́bla aani sika ugyiedi iye ɔƒualadi iye ugyii iye lɛtabi iye ala anwidi lɛnɔ kalɛ.

Batalane Kabla 19:26

Na biinú na bɛɛnu kede kede kalɛ na Paulo ɔkya uuwi bula kabla kamɛni anumi kalɔ, na uunwíni bekyuli pii kasusu ɔnii baƒiɔ ala ani na bɔɔbla ƒui aaadi ala ani na bakya lili kalɔ bete! Ɔmɛni ɔsu na bula liyedi líbo kalɔ! Na ɔɔɔdi Eƒeso mɛni lɛti na ɔmɛni ɔdaku bɔlɛ. Mmomu ɔkya na Asia kalɔ kamɛni lɛlɔ ƒui!

Batalane Kabla 7:40

Amu na bana ƒui básu Mose ɔnwani Aaron banini, ‘Bla baƒiɔ bani matɔnku-bu te-bu, ɔsika bɔɔɔgyi lɛla lɛni nálɛku Mose ɔni nákpanku-bu ɔ́siku Egyipte.’

Lɛkpa Ulu 31:8

Na Unwoti ɔlati ɔdubɔtɔnku-ɔ. Na ulálɛ-ɔ kama iye ɔnyonu-ɔ. Anwuɔsu taya na enu áƒɛ-ɔ iye liƒu lɛda-a.”

Lɛkpa Ulu 9:1

Bise atu na binu! Ɔmwi limeyi lɛmɛni lɛlɔ ni, bɛdubo Yordan Ketu bɔvia na bisie bitáƒɔ kalɔ kani na kana bekyuli bemomo na bebo ɔyikun betulo-mii binwini bina kadikɔ. Na bana lɛma linengudi líbomo kaduɛ na lɛma lɛmmɔ awodu ákuku ésie kayaa geen.

Lɛkpa Ulu 9:9

Lɛ́kɔ lísie kɔbi kɔmmɔ lili nnii ntáƒɔ kenye kani na únyimiku-mii na únweni ɔ́sia atabi bɛbɛ anyɔ ammɔ lɛlɔ. Lílie kɔbi kɔmmɔ lili emeyi aavlene usien ku ɔƒɛ ɔni na ńtadi na ńtani.

Yosua 7:13

Ɔmmɔ kama Unwoti ɔ́su Yosua ɔnini, “Ta na asu bekyuli bammɔ ka babla lɛlɔ sɛɛn bese kaduɛ na bɔsa kɔnaadi. Ɔsika ami Unwoti Israel Katɔti mɔɔsu-ma nnii, ‘Ala ani na líbo-mii ɔda nnii biti-nya bɛkpa bite-mi ni, bíti adi bɛkya lɛlɔ. Na mɔɔsu-mii ka bilakana bina bekisine anumi bunye bɔsiaku úti útédu ka bídie ala ammɔ bíboku.

Petro 2 3:4

Na badubuye-mii banii, “Wɛ na ukyuli ɔni ndubo mmɔ ɔkya? Ɔsika ɔ́si uwi ɔni na bula bati békpi ni, lɛla lɛdi biala lɛmu lise aani uwi ɔni na bédie kayawi kalɛ!”