Israelƒuɔ Bɔlɛ 3:8 - Katɔti Ɔku Kedee

⁸ Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Israelƒuɔ Bɔlɛ 3:8 ပူးပေါင်းရင်းမြစ်များ

Ala Kalɔ Buse 11:5

Amu na Unwoti ɔ́yu úbo kalɔ na úbanu ɔma ku ɔtɔ ɔni na bekyuli bammɔ badaku bɔtu mmɔ.

Ala Kalɔ Buse 11:7

Anwuɔsu bɛya na bɔyu busie-ma kudɔ. Na butéƒu bana lɛdi lɛni na baatɛmi kalɛ na ɔdi ɔsɔ ulenu ɔkpanadi butemi kalɔ.”

Ala Kalɔ Buse 15:13

Amu na Unwoti ɔ́ya na Abram ɔ́ti ɔnini, “Ɔbla-a nwaa ka ƒula bawɔ ni, badubo baƒɔ bunwini na kadi bamba kalɔ lɛlɔ. Na badubo bunwini bekyuli bammɔ kabla bablane. Na badubo-ma kalala bɔbla na bebo abi akwa eti maane (400) sɔɔn.

Ala Kalɔ Buse 15:14

Nsu kalɔ kani bekyuli ndubuti ƒula bebi benwini bana kabla bablane ni, ndubo-ma kɔtu bɔni geen. Na ɔmmɔ kama ni, badubɔlɛ-ma enu kemmo na betiku akɛla pii batɔlɔku.

Ala Kalɔ Buse 18:21

Anwuɔsu ndubɔyu lisie ntánu si sɔsɔ na baabla ala ani na muunú mmɔ. Na si uuuse lɛni ni, na lɛti.”

Ala Kalɔ Buse 43:11

Mmɔ na bana ɔti Israel údie kenye ɔnini, “Si lɛni kani na ɔdi ka bɔbla na kavumana biala kasɔ kelebo ni, amu mɔɔyɔ́ ka bɛbla lɛla lɛdi. Bɛƒuna ala abuni ani na abu lɛnɔ bɔɔkana bɔbla na bula kalɔ lɛlɔ mɛni. Na biti bitéte unengu ɔmmɔ aani bula etela ani na abu lɛnɔ bɔda buute-nwu. Bɛwia ala aani uwɔ ku ala awɛɛdi ƒɛƒɛɛ ku kutu akyala ku egyiibi lidu lidu.

Ala Kalɔ Buse 46:4

Ndubuliku-ɔ ɔni na ésela Egyipte mɛni. Na ndubutiku-ɔ na asɔ enwini ebo ɔni na kavumana kadi kelebo-nwu kemmo. Na Yoseƒ enu kemmo na adubo bɔyula.”

Ala Kalɔ Buse 50:24

Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”

Ala Alɛdi 1 1:15

ku Hiwiƒuɔ ku Arkiƒuɔ ku Siniƒuɔ

Nehemia 9:8

Awɔ nánu ka nwuna kayi kése siin. Ɔmmɔ ɔsu ényimiku-nwu na éti Kanaanƒuɔ ku Hetiƒuɔ ku Girgasiƒuɔ kalɔ éte nwuna kaba bekyuli. Na ádi ƒula linyese lɛlɔ, ɔsika ese siin.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Kɔgya 12:6

Unwoti litemi lise sɛɛn aani sika ɔƒualadi ɔni bákya ogya kemmo báƒɔ-nwu maatɛ na uukeye geen.

Kɔgya 34:8

Bɛni bide Unwoti na bɛnu kalɛ na ɔdia. Ukyuli ɔni néti Unwoti ɔ́bla nwuna katamikukɔ ni, lɛlɔ lɛdubo-nwu bɔyɔ.

Kɔgya 91:15

Na si lɛla lɛdi liikpóku-nwu na ɔ́kpali-mi ni, ndubunu na lidie-nwu na lɛya na ɔƒɔ lɛnyi.

Israelƒuɔ Bɔlɛ 12:41

Na lɛkwa eti maane ku avlaatɛdi lɛlɔ pɛpɛɛpɛ ni, Unwoti ɔ́ya na Israel kaba bekyuli bammɔ ƒui bálɛ Egyipte kalɔ lɛlɔ.

Israelƒuɔ Bɔlɛ 12:51

Na limeyi lɛmmɔ Unwoti ɔ́da Israelƒuɔ ƒui údie Egyipte na bana adua adua kenye.

Israelƒuɔ Bɔlɛ 13:5

Na si Unwoti úti-mii úduoku Kanaanƒuɔ ku Hetiƒuɔ ku Amoriƒuɔ ku Hewiƒuɔ ku Yebusiƒuɔ kalɔ kamɛni kemmo ni, na bɛsia anu na bitaadi limeyi lɛmɛni na kɔbuli kɔmɛni kemmo. Kalɔ kamɛni na úse kenye úse úte bina bati kuuku ka kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na aka na ɔdubuti ute-mii na kenwini bina kadikɔ.

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 34:11

Di ɔda ɔni muubó-ɔ ɔmwi mɛni lɛlɔ. Na ndubo Amoriƒuɔ ku Kanaanƒuɔ ku Hitiƒuɔ ku Perisiƒuɔ ku Hewiƒuɔ ku Yebusiƒuɔ bɔbɔku na ƒula anumi.

Israelƒuɔ Bɔlɛ 5:23

Ɔ́si uwi ɔni na lísie Ƒarao kudɔ ńtátɛmiku-nwu na ƒula lɛnyi kemmo ni, lɛbibo kani na uuti taasia bekyuli bamɛni lɛlɔ na étedie-ma ɔdi lɛlɔ.”

Yesaia 36:17

uti utédu ka bula ɔga ɔmmɔ ɔ́wia-mii kɔkyakɔ kɔni nse aani amii alati kɔdi. Na kesii kani bɛdubɔkɛ edula ku ntɛ bɔbuni na bɛkɛ adila ku adingyii abuni ku nnɔ egyii ku uwɔ.’

Yesaia 64:1

O Unwoti, bɔɔyɔ́ ka aya na kayaa kabwɛ kemmo na ayu ebo kalɔ. Na abi ƒui ataakunku na ƒula anumi!

Yeremia 11:5

Ami lɛ́di mina lɛsuse lɛlɔ, anwuɔsu na líti kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na bilie-ka lɛlɔ mɛni líte-ma.” Amu na lídie kenye nnini, “Sɔsɔ na ɔdi Unwoti.”

Yeremia 2:7

Lɛ́kpanku-mii líboku kalɔ kani na ala abuni áƒɔ-ka pii mɛni lɛlɔ, kesii kani na egyiibi abuni ku ala abuni akya na bɛkɛ bɛdi, nsu bɛ́bla na kalɔ kammɔ keesé lɛlɔ na bina ekpidi bɔbla ɔsu.

Yeremia 32:22

Na éti kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mɛni éte bula bati kuuku aani kalɛ kani na ése-ma kenye ése.

Esekiel 20:6

Na líse kenye ka ndubudie-ma lɛlɛku Egyipte kalɔ lɛlɔ na lɛtɔnku-ma lisienku ɔmii ɔni na lɛ́ɛƒuna líse lɛlɔ. Na kalɔ kammɔ kadi kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii teetulo kɔlɔ kɔkladi ƒui.

Lewiƒuɔ Ɔda Bubo 20:24

Nsu lɛ́su-mii nnini, “Bɛdubuti bekyuli bammɔ kalɔ, na ami ndubo-ka buti bute-mii na kenwini bina kadikɔ. Kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii.” Ami ndi Unwoti bina Katɔti ɔni nédie-mii úse sɛsɛɛ úte lɛlɔ ɔ́siku kadi bamba bekyuli kudɔ.

Amos 2:10

“Lɛ́ƒɔ-mii lɛ́siku Egyipte kalɔ lɛlɔ, na akwa aavlene sɔɔn na lɛ́da-mii na lɛ́nu-mii lɛlɔ na ketele kalɔ kakwiidi kammɔ kemmo. Na líti Amoriƒuɔ kalɔ líte-mii.

Bumomo Bɔka 13:18

Na bɛnu kalɛ kalɔ kammɔ kese ku bekyuli bammɔ si badi bekyuli bani mbo ɔlɔkplu iye beeebo ɔlɔkplu, ku si bemomo iye beeemomo.

Bumomo Bɔka 13:19

Na bɛnu bɛnii bi kalɔ udu lɛlɔ belie? Na bɛnu si kalɔ kammɔ kadia iye kaaadia? Na bɛnu bɛnii bi lɛma udu kemmo na bélie? Bátu awoduku bámana-ni munuu bátatu?

Bumomo Bɔka 13:27

Amu na básu Mose banini, “Kalɔ kani lɛlɔ na átala-bu mmɔ ni, sɔsɔ búsie bútéduo-ka kemmo na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na aanu kana egyiibi ammɔ adi muedi.

Yohane 3:13

Ukyuli ɔdi útesie katɔ utatáwia ala amɛni udu ntu ami Ukyuli Ɔyawine Ubi kani. Na ami kani nási katɔ líbo kayawi kamɛni lɛlɔ.

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Lɛkpa Ulu 1:25

Na béti edula ani nkya mmɔ adi bábatina-bu, na básu-bu ka bula Unwoti Katɔti kalɔ kani na úti úte-bu mmɔ ni, kaadia edula geen.

Lɛkpa Ulu 1:7

Anwuɔsu bɛta mɛni na biteesie Amoriƒuɔ abi lɛlɔ kɔlɔ kɔni nkya amadɔ mmɔ ƒui ku Yordan Ketu kɔwɛ kemmo ku abi lɛlɔ ku ɔkwalɛ ɔmmɔ kemmo ku kada kakɛ ku Mediterenia kalɔ ƒia lɛlɔ. Na bisie Kanaanƒuɔ kalɔ ku nwuna kama kakɛ útédu Lebanon abi lɛlɔ útédu Euƒrate Ketu bonwu kɔtu.

Lɛkpa Ulu 27:3

Na binweni etemila ani ƒui na nwuna ɔda bubo bɔmmɔ bɔdanku bɛsia-nya lɛlɔ nwaa si uwi ɔni na bɛ́via na bɛdubo buduo kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii, na bina bati kuuku Katɔti úse kenye ka weti wete-mii kemmo.

Lɛkpa Ulu 28:11

Unwoti ɔdubɔya na bɛwɔ bebi pii na bɛkɛ ɔmantɛ bakɔ ku edula pii na kalɔ kani na úti uute-mii mɛni lɛlɔ. Na aka na ɔ́su úse ka weti wete bina bati kuuku.

Lɛkpa Ulu 6:3

Israelƒuɔ, binu! Bɛnu kaduɛ na bɛdi ɔda bubo bɔmmɔ lɛlɔ. Na ɔmɛni ndubɔya na lɛla biala lisieku-mii kaduɛ. Na bɛdubo bumomo bubu na kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii na bísela bitélie mmɔ lɛlɔ aani kalɛ na Unwoti ɔni ndi Bula Bati Kuuku Katɔti ɔ́su úse.

Lɛkpa Ulu 7:1

Amii Israelƒuɔ, si uwi ɔni na bina Unwoti Katɔti ɔ́kpanku-mii úboku kalɔ kani na bɛdubuti binwini bina ɔdi kemmo ni, ɔdubɔbɔku Hitiƒuɔ ku Girgasiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ lɛnɔ ute-mii. Kadi maatɛ bamɛni bekyuli bemomo betulo-mii na bebo ɔkplu lɛnɔ betulo-mii.

Yosua 5:6

Na akwa aavlene na Israelƒuɔ beti bésie bana ulu. Na uwi ɔmmɔ kemmo ni, banana bani ƒui nédu kekpo busie ƒui békpi ka bátádi Unwoti litemi lɛlɔ ɔsu, ɔsika Unwoti úse kenye ka balanu kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ. Na aka na ɔ́su bana bati kuuku use ka wete-ma.

Yosua 9:1

Ka Israelƒuɔ békpo badi bekyuli pii lɛlɔ ɔsu ni, bana lɛnyi lísie ɔgyu. Na baga bani nlie Yordan ɔƒɛ kanukɔ abi lɛlɔ ku bani nlie abi kaƒɔna ku bani nlie kalɔ ƒiaa na Mediterenia kɔtu úti útédu Lebanon Kɔbi lɛnɔ bénu-ma kɔku. Na baga bamɛni ndi Hitiƒuɔ ku Amoriƒuɔ ku Kanaanƒuɔ ku Perisiƒuɔ ku Hiwiƒuɔ ku Yebusiƒuɔ.

Yosua 9:7

Amu na Israelƒuɔ béye-ma banini, “Bi ɔsu na bɛɛyɔ́ ka bɔbla unwi? Ɔƒaalɛ bina keliekɔ kátagyunku-bu.”