Israelƒuɔ Bɔlɛ 3:22 - Katɔti Ɔku Kedee

²² Na kaduli biala uleku ku bani na beli-ma kudɔ ƒui badubuvele bana liku bekyuli na bete-ma lɛwu ku sika ugyiedi ku ɔƒualadi na beti ala ammɔ bakya bana bebi belekubi ku bananabi. Na lɛni bɛdubɔbla na biti Egyipteƒuɔ akɛla bɛtɔlɔku.”

Israelƒuɔ Bɔlɛ 3:22 ပူးပေါင်းရင်းမြစ်များ

Ala Kalɔ Buse 15:14

Nsu kalɔ kani bekyuli ndubuti ƒula bebi benwini bana kabla bablane ni, ndubo-ma kɔtu bɔni geen. Na ɔmmɔ kama ni, badubɔlɛ-ma enu kemmo na betiku akɛla pii batɔlɔku.

Ala Kalɔ Buse 24:53

Na údie adi abuni ku sika ugyiedi ku ɔƒualadi adala abambadi ani náƒɔ kuye geen úte Rebeka. Na úti ala bamba ani lɛnɔ náƒɔ kuye geen úte Rebeka ɔnwani Laban ku bana uni lɛnɔ.

Kɔgya 105:37

Na ɔ́kpanku Israelƒuɔ ɔ́lɛku kalɔ kammɔ lɛlɔ, Na béti Egyipteƒuɔ sika ugyiedi ku ɔƒualadi ƒui bátɔlɔku. Na ɔlɛne ɔdi uuubo-ma akɔ.

Israelƒuɔ Bɔlɛ 11:2

Anwuɔsu kɔ lɛsa na asu Israelƒuɔ ƒui ka bevele sika ɔƒualadi ku ugyiedi basiku bana liku bekyuli kudɔ.”

Agba 13:22

Bekyuli babuni ni, ama muusé bana bebi ku bawɔ kama. Nsu bekyuli bekpidi lɛkɛ ni, liinwíni bekyuli babuni lɛdi.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Esekiel 39:10

Ekpola amɛni na badubo butaakyula na egyii ani na ɔlɛka bada iye ekyweni ani na bawia bavi kenye. Lɛni na Israelƒuɔ badubo bekyuli bani néyu-ma na bédumi-ma bábla-ma kalala udu biala kasi budie. Ami Unwoti násu.