Israelƒuɔ Bɔlɛ 3:2 - Katɔti Ɔku Kedee

² Mmɔ na Unwoti ɔtu ɔdi ɔ́da ɔ́lɛ-nwu lɛlɔ aani ogya ɔni mɔɔda na kugyii lɛƒoƒo lɛdi lɛlɔ. Na Mose ɔ́nu ka lɛƒoƒo lɛmmɔ lɛɛda, nsu lɛla biala lilakywi.

Israelƒuɔ Bɔlɛ 3:2 ပူးပေါင်းရင်းမြစ်များ

Ala Kalɔ Buse 21:17

Katɔti únu ka ubi ɔmmɔ uuwulo. Amu na Katɔti ɔtu ɔdi ɔ́kpali úmene ɔ́si Katɔ na ɔ́su Hagar ɔnini, “Hagar, bi nébo? Tayia! Katɔti únu ka ɔnamu ɔmmɔ uuwulo na kesii kani na ɔtɛ.

Ala Kalɔ Buse 22:11

Kɔnakunwi ni, Katɔti ɔtu ɔdi ɔ́kpali ɔ́siku Katɔ ɔnini, “Abraham! Abraham!” Amu na Abraham údie kenye ɔnini, “Aanu-mi mɛni.”

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Kɔgya 66:12

Áya na bekisine bákɔ bánya-bu lili na use aani ntukpa bɔni néyi kemmo ku ogya kemmo na bɔkɛ. Nsu kawɔlɔkɔ ni, bɔ́da bɔ́lɛ kalɔ kani lɛlɔ na ala abuni pii akya.

Israelƒuɔ Bɔlɛ 19:18

Na sɔsɔ ni, uyɔ úyi Sinai kɔbi kɔmmɔ lɛlɔ ƒui. Ɔsika Unwoti ɔ́yu úbo kɔbi kɔmmɔ lɛlɔ ku ogya. Na uyɔ ɔmmɔ ɔɔkɔ́ katɔ aani si lɛgyavonku bonwu lɛdi na bákya ogya bálɛ, na kɔbi kɔmmɔ kɔɔkunku na lɛlɔ lɛɛtɔ́-ma kpakpaakpa na bɔyia ɔsu.

Israelƒuɔ Bɔlɛ 23:20

“Bɛnu! Ndubo bɔtala mina ɔtu na ɔgyu ɔtɔ-mii, na anwu ndubo-mii bɔgyumana na ulu lɛlɔ, na uti-mii utéduoku kesii kani lɛ́klibi líse-mii.

Israelƒuɔ Bɔlɛ 24:17

Na Israelƒuɔ bani nnye kalɔ baanu teemene ni, Unwoti bukeye bɔmmɔ buse-ma aani ogya bonwu ɔni mɔɔkyula ala na kɔbi kɔmmɔ eli.

Israelƒuɔ Bɔlɛ 3:16

Ɔ́sɔ ɔ́su-nwu ɔnii, “Sie na atálɔ Israel atɔƒi benengu ƒui asala na asu-ma anii, ‘Unwoti ɔni ndi bina bati kuuku Abraham ku Isak ku Yakob Katɔti nédie lɛlɔ ɔ́tina-mi ɔnini, lɛ́nu kalɛ na Egyipteƒuɔ baabla-mii kalala.

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Daniel 3:27

na ɔga bakutine bammɔ ku aban bagadine benengu ku ɔga kasusu bakyane bammɔ ƒui bábasa lisu na bana kudɔ mmɔ. Na bánu ka nkyuli ɛtɛ bammɔ kesii kadi kátakywi iye ogya útekeyi bana lili linwini na belénwenyi uyɔ lɛnɔ.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Marko 12:26

Nsu na bekpine bɔsɔ taata litemi lɛlɔ ni, Mose únweni lɛla lɛdi na Bunweni Kedee Ɔku kemmo ɔ́siku kugyii blii kɔni mɔɔkywí lɛlɔ. Munuu bilenyimo? Mmɔ na únweni ka Katɔti ɔ́su-nwu ɔnini, ‘Ami ndi Abraham Katɔti ku Isak Katɔti ku Yakob lɛnɔ Katɔti.’

Luka 20:37

Ɔmmɔ kalɔ geen na Mose údie na Bunweni Kedee Ɔku kemmo ka bekpine basɔ baata teelie ngba. Ɔsika uwi ɔni na unye kugyii kɔni mɔɔda anumi ni, ɔ́lɔ Katɔti aani Abraham Katɔti ku Isak Katɔti ku Yakobo lɛnɔ Katɔti.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Lɛkpa Ulu 33:16

Unwoti ɔni butemi na bínu na kalɔ kakwiidi kani mɔɔkywí kemmo ɔya na kusɛ kusɛ ɔsiaku-mii, na bina kɔlɔ kulie lɛmwi kaduɛ. Ɔya na kusɛ kusɛ ɔni muute-mii mɛni ubo-nwu kemmo ute Yoseƒ Kaba. Ɔsika Yoseƒ ɔmɛni ndi nwuna banwani ƒui ɔtɔnkune.

Lɛkpa Ulu 4:20

Nsu amii amu ni, Katɔti nékpo údie-mii ɔ́lɛku lɛbibo lɛni mɔɔda aani ogya gaganga kemmo na Egyipte kalɔ ka bɛbla nwuna bekyuli bani na bɛdi ɔmwi mɛni.

Tesalonikaƒuɔ 2 1:7

Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemmo ku ogya.

Litemi Batɛne 13:13

Na ɔtu ɔmmɔ údie kenye ɔnini, “Ƒ'ulekudi ɔdi ka ɔbla ɔsia lɛla biala na lɛ́su-nwu lɛlɔ.