Israelƒuɔ Bɔlɛ 3:18 - Katɔti Ɔku Kedee

¹⁸ “Si ásu-ma etemila amɛni ni, mina bekyuli badubo ƒula litemi buti. Na ɔmmɔ kama ni, na eti Israelƒuɔ benengu bammɔ ada na bisie Egyipteƒuɔ ɔga kudɔ na bɛsu-nwu bɛnini, ‘Unwoti ɔni ndi Hebriƒuɔ Katɔti údie lɛlɔ ɔ́tina-bu. Anwuɔsu te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti.’

Israelƒuɔ Bɔlɛ 3:18 ပူးပေါင်းရင်းမြစ်များ

Ala Kalɔ Buse 12:1

Na uwi ɔmmɔ kemmo ni, Unwoti ɔ́su Abram ɔnini, “Tɔlɔ ƒula kalɔ lɛlɔ, ku ƒula bekyuli kudɔ ku ƒ'ɔti kaduli na eteesie kalɔ kani na matina-a lɛlɔ.”

Ala Kalɔ Buse 14:13

Na ukyuli ɔni kani nákana bukeli ni, anwu nébo ubedie litemi lɛmɛni kalɔ úte Abram, Hebrini ɔmmɔ. Na uwi ɔmmɔ kemmo ni, Abram kakyakɔ kedenku Mamre egyii enengudi ammɔ. Na Mamre ɔmɛni ɔdi Amorini ɔni ndi Eskol ku Aner ɔnwani. Na bekyuli bamɛni ƒui ni, ama ku Abram básala lɛlɔ na badi benwi.

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Kalɔ Buse 48:3

Amu na Yakob ɔ́su Yoseƒ ɔnini, “Unwoti Katɔti údie lɛlɔ ɔ́tina-mi na kesii kani baalɔ Lus na Kanaan kalɔ lɛlɔ. Na mmɔ ni, úte-mi kusɛ kusɛ.

Ala Alɛdi 2 30:12

Na Katɔti ɔlati ɔ́ya na lɛlɔ kemmo kaatɔ́ ɔdi biala na Yuda ƒui ka babla lɛla lɛni na Hesekia ku nwuna benengu básu mmɔ.

Kɔgya 110:3

Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Israelƒuɔ Bɔlɛ 17:5

Amu na Unwoti ɔ́su Mose ɔnini, “Tiku Israel batɔnkune bammɔ badi da na bisie lɛtɔtɔ blii. Na si bísela ni, na eti ƒula ugyii ɔdadi ɔni na éti áƒiɛmi Nil ntu anumi mmɔ ada.

Israelƒuɔ Bɔlɛ 19:1

Kɔbuli kɔtɛdi lɛlɔ na Israelƒuɔ bésie bétédu Sinai ketele kemmo na limeyi lɛmmɔ lɛlɔ pɛpɛɛpɛ ka báta Egyipte kalɔ lɛlɔ.

Israelƒuɔ Bɔlɛ 25:22

Na libila lɛmmɔ katɔ mmɔ kesii kani na bebweyi inyɔ bammɔ balɛ ntɛ ni, mmɔ na ndubo-ɔ butaasiaku na litemi lite-ɔ na asu Israelƒuɔ ɔda ɔni mebo-ma.

Israelƒuɔ Bɔlɛ 3:12

Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”

Israelƒuɔ Bɔlɛ 3:16

Ɔ́sɔ ɔ́su-nwu ɔnii, “Sie na atálɔ Israel atɔƒi benengu ƒui asala na asu-ma anii, ‘Unwoti ɔni ndi bina bati kuuku Abraham ku Isak ku Yakob Katɔti nédie lɛlɔ ɔ́tina-mi ɔnini, lɛ́nu kalɛ na Egyipteƒuɔ baabla-mii kalala.

Israelƒuɔ Bɔlɛ 30:36

Na awɔ ala ammɔ adi abla ɔlaaƒɔ na akuna ɔlaaƒɔ ɔmmɔ ewi Unwoti unyimi adaka ɔmmɔ anumi, kesii kani munye taatɛmiku-mii. Oloƒui ɔmɛni ɔbla lɛla lɛni nse kedee utulo ƒui ute-mii.

Israelƒuɔ Bɔlɛ 30:6

Ti lɛkpabi lɛmmɔ lɛ kakpakɔ bule kɔdi kɔni néle kevo kammɔ kemmo mmɔ anumi kakɛ mɛni. Na Bunyimi Adaka ɔmmɔ ɔlɛ kakpakɔ bule kɔdi lɛmmɔ kama ku nwuna likpidi kɔtu bɔni budie libila kesii kani na ndubo-mii butaasiaku mmɔ.

Israelƒuɔ Bɔlɛ 4:1

Amu na Mose úye Unwoti ɔnini, “Na si Israelƒuɔ bátaƒɔ-mi bátadi iye bétenu mina litemi na básu banii, ‘Unwoti útedie lɛlɔ biala útatina-a’ ni, dɛ na mabla?”

Israelƒuɔ Bɔlɛ 4:23

na lɛ́su-ɔ nnini, “Ya na mina ubi ɔtɔlɔ, kalɛ na usie utábla-mi kabla na ɔkya-mi lili kalɔ.” Nsu éni na étedie-nwu ulu na ɔtɔlɔ, anwuɔsu ndubo ƒula ubi ɔnanabi udeedi bɔdu.’ ”

Israelƒuɔ Bɔlɛ 4:24

Amu ka bakɛ ulu na bétédu keduokɔ kadi ni, Unwoti útásiaku Mose ubidi na ɔ́yɔ ka nka ɔdu-nwu.

Israelƒuɔ Bɔlɛ 4:31

Na ka bánu akɔla ala budie taatina ammɔ ni, báƒɔ bádi. Na ka bénu ka Unwoti úbo-ma lɛlɔ kasusu na ɔ́nu kalɛ na bakya beebó abi ni, bana ƒui béboku lɛlɔ kalɔ béte-nwu na bémwi-nwu.

Israelƒuɔ Bɔlɛ 5:1

Amu na Mose ku Aaron bésie Ƒarao kudɔ na básu-nwu banini, “Unwoti ɔni ndi Israelƒuɔ Katɔti ɔnini, ‘Te mina bekyuli kuƒi na beteesie ketele kemmo na batádi limeyi bete-mi.’ ”

Israelƒuɔ Bɔlɛ 5:3

Amu na Mose ku Aaron bédie kenye banini, “Hebriƒuɔ Katɔti nédie lɛlɔ ɔ́tina-bu. Na ɔƒaani ni, te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti. Na si bútabla akpala ammɔ ni, ɔdubɔya na ɔlɛ ubo-bu lɛlɔ na bukpi iye ɔdubɔya na kekpo kadi kebo-bu lɛlɔ na badu-bu kede kede.”

Israelƒuɔ Bɔlɛ 7:16

Na si úbo ni, na asu-nwu anini, ‘Unwoti ɔni Ndi Hebriƒuɔ Katɔti ɔ́tala-mi ɔ́kya-a ɔnii, “Ya mina bekyuli beteesie ketele kemmo na batákpa-mi na mmɔ.” Nsu úti úbedu ɔƒɛni ni, elenu kalɔ.

Israelƒuɔ Bɔlɛ 8:1

Amu na Unwoti ɔ́su Mose ɔnini, “Teesie na atásu Ƒarao anini, ‘Ami Unwoti nnii ya na mina bekyuli batɔlɔ kalɛ na batákpa-mi.

Israelƒuɔ Bɔlɛ 8:20

Amu na Unwoti ɔ́su Mose ɔnini, “Ta kɔnaadi ɔtanta tutuutu na atáni ede Ƒarao si úsela ketu. Na asu-nwu anii, ‘Unwoti ɔnii die mina bekyuli ulu na besie batákpa-mi.

Israelƒuɔ Bɔlɛ 8:23

Ndubɔya na kavumana kakya mina bekyuli ku Ƒarao bekyuli ntɛ. Na ndubɔya na akɔla ala budie taatina amɛni alɛ kɔnaadi.’ ”

Israelƒuɔ Bɔlɛ 9:1

Amu na Unwoti ɔ́su Mose ɔnini, “Sie na atásu Ƒarao anini, ‘Lɛni na Unwoti ɔni ndi Hebriƒuɔ Katɔti ɔɔsu, “Te kuƒi na mina bekyuli batɔlɔ na besie batákpa-mi.”

Israelƒuɔ Bɔlɛ 9:13

Amu na Unwoti ɔ́su Mose ɔnini, “Kɔnaadi lɛdigye ni, sie na atásiaku Ƒarao na asu-nwu anini, ‘Unwoti ɔni ndi Hebriƒuɔ Katɔti ɔnii, Die mina kadi bekyuli ulu na batɔlɔ na besie batákpa-mi,

Yesaia 64:5

Bekyuli bani ƒui na béti bana kayi ƒaa baabla lɛbuni na beenyimo taasia ƒula lilu lɛlɔ ni, aayu teebo teebebunku-ma. Nsu uwi ɔni na búsie anumi na bɔɔbla alaekpidi na bɔɔta teenye ƒula lilu lɛlɔ ni, éti kɔnyi ákya-bu. Na dɛ na bɔdubɔsɔ bɔbla na bɔkɛ bɔƒɔ?

Yeremia 2:2

nsie Yerusalem na ntákɔ lɛsa nte ukyuli biala na mmɔ ka anwu Unwoti násu ɔnini, “Uwi ɔni na adi uleku ɔni na líti ɔwɔdi ni, áyɔ-mi na ásiaku-mi kama siin, na bɔkɛ kalɔ kakwiidi kani naaadia edula mmɔ kemmo ɔni na átalɛ-mi kama.

Yeremia 2:6

Bátakana na beye banii, ‘Nte Unwoti ɔni nákpanku-bu ɔ́lɛku Egyipte kalɔ lɛlɔ, na ɔ́tɔnku-bu ɔ́siaku ketele kemmo kalɔ kakwiidi kani kemmo na libu lɛ́ƒɔ tɛɛ mmɔ, kalɔ kani kemmo na ntu buuubo na kese suu geen, na ukyuli ɔdi ulásia mmɔ taavi kudii, na ukyuli ɔdi uuulie mmɔ lɛnɔ?’

Yeremia 26:5

Lɛ́sia kama lɛ́tala mina kenye bediene bani mɔɔbla-mi kabla lɛ́kya-mii kɔlɛ kɔlɛ ka babakɔ lɛsa bete-mii, nsu bíni ama lɛnɔ. Na ɔƒaani ni, mɔɔlɛ-mii kpakplaa ka si bítavumana udu na bise kalɔ bitaadi mina etemila lɛlɔ ɔƒaani ni,

Bumomo Bɔka 17:4

Na eti ligyii lɛmmɔ etése Unwoti Adi Kevo kemmo na Bunyimi Adaka ɔmmɔ anumi kesii kani na mɔɔsiáku-mii.

Yosua 1:17

Na kalɛ kani na búnu Mose litemi ni, lɛni kani na bɔdubunu ƒula litemi lɛnɔ. Na buuvele bɔnii ƒula Unwoti Katɔti ulieku-ɔ aani kalɛ kani na úlieku Mose.