Israelƒuɔ Bɔlɛ 3:17 - Katɔti Ɔku Kedee

¹⁷ Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 3:17 ပူးပေါင်းရင်းမြစ်များ

Ala Kalɔ Buse 50:24

Ɔmmɔ kama ni, Yoseƒ ɔ́su nwuna banwani ɔnini, “Uwi údu ka likpi. Nsu Unwoti Katɔti ɔdubo-mii bubunku na ɔkpanku-mii ɔlɛku Egyipte kalɔ kamɛni kemmo usienku kalɔ kani na ɔ́su úse ka wete-mii kemmo. Lɛni na úse Abraham ku Isak ku Yakob kenye úse.”

Yosua 24:11

“Ɔmmɔ kama ka bɛ́via Yordan Ketu bísie Yeriko ni, Yerikoƒuɔ báta na bébekpoku-mii. Lɛni kani na Amoriƒuɔ ku Perisiƒuɔ ku Kanaanƒuɔ ku Hetiƒuɔ ku Girgasiƒuɔ ku Hewiƒuɔ ku Yebusiƒuɔ lɛnɔ bébekpoku-mii. Nsu líti bana ƒui lɛ́kya-mii enu kemmo.

Ala Kalɔ Buse 46:4

Ndubuliku-ɔ ɔni na ésela Egyipte mɛni. Na ndubutiku-ɔ na asɔ enwini ebo ɔni na kavumana kadi kelebo-nwu kemmo. Na Yoseƒ enu kemmo na adubo bɔyula.”

Ala Kalɔ Buse 50:25

Na Yoseƒ ɔ́ya na Israel bebi bákpali Katɔti bése kenye, na ɔ́su-ma ɔnini, “Ngyi geen ka Unwoti Katɔti ɔdubo ubebunku-mii. Na ɔdi ka biti mina ekubi bɛtɔlɔku mɛni.”

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 13:5

Na si Unwoti úti-mii úduoku Kanaanƒuɔ ku Hetiƒuɔ ku Amoriƒuɔ ku Hewiƒuɔ ku Yebusiƒuɔ kalɔ kamɛni kemmo ni, na bɛsia anu na bitaadi limeyi lɛmɛni na kɔbuli kɔmɛni kemmo. Kalɔ kamɛni na úse kenye úse úte bina bati kuuku ka kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na aka na ɔdubuti ute-mii na kenwini bina kadikɔ.

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”

Israelƒuɔ Bɔlɛ 33:3

Kalɔ kani lɛlɔ bísela mmɔ egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Nsu ami Unwoti lɛɛɛdubo-mii bɔkpanku. Ɔsika bɛdi bekyuli bani atu mbo ɔkplu geen, na ɔƒɛni kalɛ ndubɔyila-mii udu na ulu lɛlɔ.”

Bumomo Bɔka 13:27

Amu na básu Mose banini, “Kalɔ kani lɛlɔ na átala-bu mmɔ ni, sɔsɔ búsie bútéduo-ka kemmo na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na aanu kana egyiibi ammɔ adi muedi.

Lɛkpa Ulu 6:3

Israelƒuɔ, binu! Bɛnu kaduɛ na bɛdi ɔda bubo bɔmmɔ lɛlɔ. Na ɔmɛni ndubɔya na lɛla biala lisieku-mii kaduɛ. Na bɛdubo bumomo bubu na kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii na bísela bitélie mmɔ lɛlɔ aani kalɛ na Unwoti ɔni ndi Bula Bati Kuuku Katɔti ɔ́su úse.

Lɛkpa Ulu 26:9

Amu na ɔ́ya na búbo búlie kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mɛni lɛlɔ.

Yosua 9:1

Ka Israelƒuɔ békpo badi bekyuli pii lɛlɔ ɔsu ni, bana lɛnyi lísie ɔgyu. Na baga bani nlie Yordan ɔƒɛ kanukɔ abi lɛlɔ ku bani nlie abi kaƒɔna ku bani nlie kalɔ ƒiaa na Mediterenia kɔtu úti útédu Lebanon Kɔbi lɛnɔ bénu-ma kɔku. Na baga bamɛni ndi Hitiƒuɔ ku Amoriƒuɔ ku Kanaanƒuɔ ku Perisiƒuɔ ku Hiwiƒuɔ ku Yebusiƒuɔ.

Yeremia 32:22

Na éti kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mɛni éte bula bati kuuku aani kalɛ kani na ése-ma kenye ése.

Lewiƒuɔ Ɔda Bubo 20:24

Nsu lɛ́su-mii nnini, “Bɛdubuti bekyuli bammɔ kalɔ, na ami ndubo-ka buti bute-mii na kenwini bina kadikɔ. Kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii.” Ami ndi Unwoti bina Katɔti ɔni nédie-mii úse sɛsɛɛ úte lɛlɔ ɔ́siku kadi bamba bekyuli kudɔ.

Yosua 5:6

Na akwa aavlene na Israelƒuɔ beti bésie bana ulu. Na uwi ɔmmɔ kemmo ni, banana bani ƒui nédu kekpo busie ƒui békpi ka bátádi Unwoti litemi lɛlɔ ɔsu, ɔsika Unwoti úse kenye ka balanu kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ. Na aka na ɔ́su bana bati kuuku use ka wete-ma.

Ala Alɛdi 1 1:15

ku Hiwiƒuɔ ku Arkiƒuɔ ku Siniƒuɔ

Kɔgya 102:21

Mmɔ na bekyuli badubo Unwoti lɛnyi kudu bubo na Sion, na bemwi-nwu lɛnyi na Yerusalem.

Yeremia 11:5

Ami lɛ́di mina lɛsuse lɛlɔ, anwuɔsu na líti kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na bilie-ka lɛlɔ mɛni líte-ma.” Amu na lídie kenye nnini, “Sɔsɔ na ɔdi Unwoti.”

Esekiel 20:6

Na líse kenye ka ndubudie-ma lɛlɛku Egyipte kalɔ lɛlɔ na lɛtɔnku-ma lisienku ɔmii ɔni na lɛ́ɛƒuna líse lɛlɔ. Na kalɔ kammɔ kadi kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii teetulo kɔlɔ kɔkladi ƒui.