Israelƒuɔ Bɔlɛ 3:12 - Katɔti Ɔku Kedee

¹² Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”

Israelƒuɔ Bɔlɛ 3:12 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Ala Kalɔ Buse 15:8

Mmɔ na Abram ɔ́su ɔnini, “Unwoti Ɔyikune Ƒui, dɛ na mabla na mati ka kalɔ kamɛni ƒui kadubunwini ami kadi?”

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Ala Kalɔ Buse 31:3

Ɔmmɔ kama ni, Unwoti Katɔti ɔ́ya na Yakob ɔ́ti ɔnini, “Nwini teesie ƒula ɔti bene kalɔ lɛlɔ na ƒula ɔtɔ bekyuli kudɔ. Na ndubulieku-ɔ uwi biala.”

Baga 2 19:29

“O Hesekia, ɔmɛni ndubɔbla ƒula likposela. “Na lɛkwa lɛmɛni kemmo ni, edula ani na anya alati nákwɛ na adubo bɔdi. Na lɛkwa bamba ni, edula akukudi ani násɔ áta ebi na adubo bɔdi. Nsu lɛkwa lɛtɛdi ni, awɔ ɔlati kya edula na aƒɛ-nya na ese adingyii mmo na ede ebi ammɔ adi.

Ala Alɛdi 1 9:20

Na kalɔ kesekɔ ni, Eleasar ubidi Pinehas nátaanu kɔyakun bagyumanane lɛlɔ. Na Unwoti uliku-nwu.

Kɔgya 86:17

Bla lɛla lɛdi te-mi na bekyuli banu. Na si mina bekisine bánu na kɔƒa kukpo-ma. Ɔsika badubɔnu ka ébunku-mi na áyala-mi kaƒɔ.

Israelƒuɔ Bɔlɛ 18:5

Amu na Yetro, Mose aasi ɔmɛni, ku Mose ulekudi ku nwuna bebi inyɔ bammɔ bátásiaku Mose na ketele kemmo kesii kani na Mose ɔ́bla keliekɔ na Katɔti kɔbi kudɔ.

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Israelƒuɔ Bɔlɛ 3:13

Amu na Mose úye Katɔti ɔnii, “Na si banii lísie ńténye Israelƒuɔ anumi na lɛ́su-ma nnii, ‘Bina bati kuuku Katɔti nátala-mi ɔ́kya-mii’ na béye-mi banii, ‘Dɛ na baalɔ-nwu’ ni, bi na nsu-ma?”

Israelƒuɔ Bɔlɛ 33:14

Amu na Unwoti ɔ́su Mose ɔnini, “Ndubɔkpanku-mii, na ndubɔya na bikpo bɛdi lɛlɔ.”

Israelƒuɔ Bɔlɛ 4:12

Anwuɔsu teesie na ndubo-ɔ bunku na akana bɔtɛmi na ndubɔtina-a lɛla lɛni na adubɔsu.”

Israelƒuɔ Bɔlɛ 4:15

Tɛmiku-nwu na asu etemila amɛni akya-nwu kenye. Ami ndubo bina inyɔ ƒui bubunku na lɛtina-mii lɛla lɛni na bɛdubɔsu.

Israelƒuɔ Bɔlɛ 8:27

Anwuɔsu ɔlɛka buti emeyi atɛ busie butéduo ketele kemmo na butábla akpala ammɔ na mmɔ aani kalɛ na bula Unwoti Katɔti úbo-bu ɔda.”

Yesaia 37:30

“ ‘O Hesekia, ɔmɛni ndubɔbla ƒula likposela. “ ‘Na lɛkwa lɛmɛni kemmo ni, edula ani na anya alati nákwɛ na adubo bɔdi. Na lɛkwa bamba ni, edula akukudi ani násɔ áta ebi na adubo bɔdi. Nsu lɛkwa lɛtɛdi ni, awɔ ɔlati kya edula na aƒɛ-nya, na ese adingyii mmo na ede ebi ammɔ adi.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yeremia 1:8

Tayia-ma, ɔsika ndubulieku-ɔ na lɛgyumana-a kpakplaa.”

Bumomo Bɔka 16:28

Mmɔ na Mose ɔ́su bekyuli bammɔ ƒui ɔnini, “Ɔmɛni na bɛdubuti bɛnu bɛti ka Unwoti nátala-mi ɔnii mbabla ala amɛni. Na ɔɔɔdi ami ɔlati kasusu kadi.

Bumomo Bɔka 23:21

“Ɔsika ńtanu ɔgbankpi ɔdi na Yakob kaba lɛlɔ, na ńtanu lɛƒɛda lɛdi na Israelƒuɔ lɛlɔ. Bana Unwoti Katɔti ɔ́kya-ma akɔ. Na beedie kudu taasu banii anwu ndi bana ɔga.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Batalane Kabla 11:21

Na ka Blɔti ɔyikun ɔkya-ma akɔ ɔsu ni, baƒɔtaadine bammɔ bémomo bébu.

Batalane Kabla 7:7

Na ɔ́sɔ ɔ́su-nwu ɔnini, ‘Nsu kalɔ kani bekyuli ndubuti ƒula bebi benwini bana kabla bablane ni, ndubo-ma kɔtu bɔni geen. Na ɔmmɔ kama ni, badubɔlɛ kalɔ kammɔ kemmo na badubɔkpa-mi na kalɔ kani bilie mɛni lɛlɔ.’

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Lɛkpa Ulu 31:23

Amu na Unwoti ɔ́su Yosua ɔni ndi Nun ubidi ɔnini, “Nye kpakplaa na akya ɔkplu. Ɔsika awɔ ndubo Israelƒuɔ bamɛni bɔkpanku busienku kalɔ kani lɛ́su líse ka meti mete-ma lɛlɔ. Na ndubulieku-ɔ.”

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Litemi Batɛne 6:12

Amu na Unwoti ɔtu ɔmmɔ údie lɛlɔ ɔ́tina Gideon na mmɔ na ɔ́su-nwu ɔnini, “Unwoti ulieku-ɔ, awɔ ukpone ɔyikune.”

Litemi Batɛne 6:16

Amu na Unwoti ɔ́su Gideon ɔnini, “Nnyeku-ɔ, na adubukpoku Midianƒuɔ ƒui na abla-ma kpɛtɛ kpɛtɛ.”

Litemi Batɛne 6:17

Amu na Gideon údie kenye ɔnini, “Unwoti, si sɔsɔ na mina lɛlɔ lɛ́ƒɔ-ɔ anu bɔdi ni, ya na lɛnu ƒula akɔla budie taatina adi na lɛti ka awɔ geen mɔɔtɛmiku-mi.

Litemi Batɛne 6:21

Na Katɔti ɔtu ɔmmɔ úti ugyii ɔni ɔ́da mmɔ kenye útuku lɛna ku bodobodo ɔmmɔ. Na ogya ɔ́buɛ ɔlɛ lɛtakpɛ lɛmmɔ lɛlɔ na ɔ́kyula lɛna ku bodobodo ɔmmɔ. Mmɔ kani na Unwoti ɔtu ɔmmɔ ɔ́yii ɔ́kya.

Litemi Batɛne 7:11

Na bise atu na binu ala ani baasu. Mmɔ na bɛdubuse kayi na bɛta bikpoku-ma.” Anwuɔsu Gideon ku nwuna kabla ɔblane Pura báyu besie kesii kani na bana bekisine básala bakya mmɔ.

Samuel 1 14:10

Nsu si bébo-bu kɔnu ka buteebo-ma kudɔ mmɔ ni, bɔdubɔkɔ busie mmɔ. Na ɔmmɔ ɔdubɔbla likposela ute-bu ɔ́si Unwoti kudɔ ka ɔdubo-bu bubunku na bɔdi-ma lɛlɔ.”