Israelƒuɔ Bɔlɛ 3:11 - Katɔti Ɔku Kedee

¹¹ Amu na Mose ɔsu Katɔti ɔnini, “Ami ndi ɔma, na muusié nténye Ɔga Ƒarao anumi nnii mɔɔkpanku Israelƒuɔ lɛlɛku Egyipte kalɔ lɛlɔ?”

Israelƒuɔ Bɔlɛ 3:11 ပူးပေါင်းရင်းမြစ်များ

Samuel 2 7:18

Ka Dawid únu ala amɛni ni, anwu kani na ɔ́ta úsie Adi Kevo kani kemmo na beesié taatákpali Unwoti na útélie kalɔ. Mmɔ na ɔ́su ɔnini, “O Unwoti ɔni ntulo ƒui, ami ku mina kaduli bekyuli bútamanku lɛƒɔndia libendi lɛni udu na ábla éte-bu.

Baga 1 3:7

“O mina Unwoti Katɔti, ɔƒɛni ni, áya na ami ƒula kabla ɔblane línwini ɔga na mina ɔti Dawid kenyekɔ. Nsu ɔnamu kani ndi, na lɛɛɛgyi kalɛ na lɛbla kabla kamɛni udu lɛvinku.

Baga 1 3:9

Anwuɔsu te ami ƒula kabla ɔblane kayi kani na liti lɛda ƒula bekyuli bamɛni na lɛnu lɛbuni ku likpidi lɛti. Ɔsika si átabla ɔmɛni ni, ɔma ndubɔkana ƒula bekyuli pii bamɛni udu bɔda?”

Ala Alɛdi 1 29:14

Bi ɔsu na ɔlɛka butaakɛ ebiti ka búti ala amɛni búboku-ɔ ɔsu? Awɔ adi na adi na ƒula ala kani na bɔ́sɔku búboku-ɔ.

Israelƒuɔ Bɔlɛ 6:12

Nsu Mose ɔ́su Unwoti ɔnii, “Ka lísie Israelƒuɔ kudɔ na bátakpete-mi ni, Ƒarao ndubo ami ɔni mɔɔwalɛ mɛni bɔkpete?”

Yeremia 1:6

Mmɔ na lídie kenye nnini, “Unwoti Ɔyikune Ƒui, lɛɛɛgyi bɔtɛmi na ńtabi lɛlɔ lɛnɔ.”

Korintoƒuɔ 2 2:16

Bekyuli bani naaadubo bɔkɛ ngba bɔƒɔ ni, ɔnyi ɔmɛni ɔɔtina ka badubɔyii ku udu. Na bekyuli bani ndubɔkɛ ngba bɔƒɔ ama ni, ɔnyi ɔmɛni ɔɔtina ka badubɔkɛ ngba ƒui. Na ɔma geen ndubɔkana na ɔbla kabla kamɛni si ɔɔɔdi kuƒi na béte-ɔ?

Korintoƒuɔ 2 3:5

Buuubo kenyekɔ kadi na abu alati lɛlɔ ka bɔbla kabla kamɛni. Mmomu Katɔti kudɔ na kási.

Litemi Batɛne 6:15

Amu na Gideon údie kenye ɔnini, “Unwoti, dɛ na ndubo bɔbla asa na makana Israelƒuɔ bukpo bɔƒɔ? Na Manase kɔdua bekyuli akɔ ni, abu nse kpɛtɛ kpɛtɛ ntulo ƒui, na ami lɛnɔ ndi ukplodi na mina ɔtɔ badi akɔ.”

Samuel 1 18:18

Nsu Dawid údie kenye ɔnini, “Ami ndi ɔma, na ɔma bene ndi mina ɔti iye mina kɔdua bekyuli na Israel ka liti ɔga ubi na linwini ɔga ubi ɔgyani?”