Israelƒuɔ Bɔlɛ 3:10 - Katɔti Ɔku Kedee

¹⁰ Anwuɔsu mɔɔtala-a ɔƒɛni na eteesie Ɔga Ƒarao kudɔ. Na etédie mina bekyuli bani ndi Israelƒuɔ alɛku Egyipte kalɔ lɛlɔ.”

Israelƒuɔ Bɔlɛ 3:10 ပူးပေါင်းရင်းမြစ်များ

Ala Kalɔ Buse 15:13

Amu na Unwoti ɔ́ya na Abram ɔ́ti ɔnini, “Ɔbla-a nwaa ka ƒula bawɔ ni, badubo baƒɔ bunwini na kadi bamba kalɔ lɛlɔ. Na badubo bunwini bekyuli bammɔ kabla bablane. Na badubo-ma kalala bɔbla na bebo abi akwa eti maane (400) sɔɔn.

Ala Kalɔ Buse 15:14

Nsu kalɔ kani bekyuli ndubuti ƒula bebi benwini bana kabla bablane ni, ndubo-ma kɔtu bɔni geen. Na ɔmmɔ kama ni, badubɔlɛ-ma enu kemmo na betiku akɛla pii batɔlɔku.

Kɔgya 105:26

Ɔmmɔ ɔsu Unwoti ɔ́tala Mose nwuna kabla ɔblane ku Aaron ɔni na ɔ́ƒuna.

Kɔgya 77:20

Áƒuna Mose ku Aaron na bátɔnku ƒula kadi bekyuli aani baƒonu ɔdane kalɛ ɔkɛnku ƒula ɔyikun lɛlɔ.

Israelƒuɔ Bɔlɛ 12:40

Uwi ɔni na Israelƒuɔ béti bélie Egyipte kalɔ lɛlɔ ƒui ɔdi akwa eti maane ku avlaatɛ (430).

Israelƒuɔ Bɔlɛ 12:41

Na lɛkwa eti maane ku avlaatɛdi lɛlɔ pɛpɛɛpɛ ni, Unwoti ɔ́ya na Israel kaba bekyuli bammɔ ƒui bálɛ Egyipte kalɔ lɛlɔ.

Israelƒuɔ Bɔlɛ 33:12

Amu na Mose ɔ́su Unwoti ɔnini, “Ɔdi sɔsɔ ka awɔ násu-mi anii nkpanku bekyuli bamɛni nsienku kalɔ kani kenye na ése-ma lɛlɔ. Nsu átasu-mi ukyuli ɔni na ndubo-mi bubunku.

Israelƒuɔ Bɔlɛ 33:13

Na ɔƒɛni ɔni lɛ́ɛti-ɔ mɛni ni, ya na lɛti ƒula kasusu kani na ada, kalɛ na makana na mesie anumi na mabla ƒula lɛyɔla. Na enyimo lɛnɔ ka awɔ náƒuna bekyuli bamɛni ábla ƒula badi.”

Israelƒuɔ Bɔlɛ 6:26

Na Aaron ku Mose ndi bekyuli bani na Unwoti ɔ́su ɔnini, “Bisie na bitédie Israelƒuɔ bɛlɛku Egyipte kalɔ lɛlɔ na adua ammɔ kenye.”

Hosea 12:13

“Lɛ́tala mina Kenye Udiene Mose nnii ɔtɔnku Israelƒuɔ ɔsiku Egyipte na ɔda-ma kɔkɔɔkɔ na lɛla lɛdi litabla-ma.

Mika 6:4

Lɛ́ƒɔ-mii lɛ́siku Egyipteƒuɔ enu kemmo kesii kani na nka bɛkya bɛɛbla-ma kabla. Na lɛ́tala Mose ku Aaron ku Miriam nnii batɔnku-mii.

Batalane Kabla 7:34

Sɔsɔ ni, lɛ́nu lɛbibo lɛni kemmo na mina bekyuli bakya na Egyipte kalɔ lɛlɔ. Na muunú bana keku kani na beewulo taakpali-mi. Anwuɔsu lɛ́yu líbo nnii medie-ma. Bo, na lɛtala-a Egyipte.’

Batalane Kabla 7:36

Anwu nédie-ma na Egyipte ɔkɛ akɔla budie taatina pii kemmo ani na ɔ́bla na Egyipte mmɔ ku Ɛpugyie kɔtu ku uwi ɔni na bakɛ ketele kemmo akwa aavlene sɔɔn.

Batalane Kabla 7:6

Lɛni na Katɔti ɔ́sɔ ɔ́su-nwu úse ka ni, nwuna bawɔ ƒui badubo baƒɔ bunwini na kadi bamba kalɔ lɛlɔ. Na badubo bunwini bekyuli bammɔ kabla bablane. Na badubo-ma kalala bɔbla na bebo abi akwa eti maane sɔɔn.

Batalane Kabla 7:7

Na ɔ́sɔ ɔ́su-nwu ɔnini, ‘Nsu kalɔ kani bekyuli ndubuti ƒula bebi benwini bana kabla bablane ni, ndubo-ma kɔtu bɔni geen. Na ɔmmɔ kama ni, badubɔlɛ kalɔ kammɔ kemmo na badubɔkpa-mi na kalɔ kani bilie mɛni lɛlɔ.’

Litemi Batɛne 6:14

Amu na Unwoti ɔ́su-nwu ɔnini, “Ami mɔɔtala-a nnii teesie ku ɔyikun ɔni ƒui na ebo na etédie Israelƒuɔ alɛku Midianƒuɔ enu kemmo.”

Samuel 1 12:6

Ɔmmɔ kama Samuel ɔ́sɔ ɔ́su-ma ɔnini, “Unwoti ɔlati náƒuna Mose ku Aaron ka batɔnku bula bati kuuku. Na ama nákpanku-ma bálɛku Egyipte kalɔ lɛlɔ.

Samuel 1 12:8

“Uwi ɔni na Yakob ku nwuna kaba bekyuli bátɔlɔ bésie Egyipte kalɔ lɛlɔ kama ƒui ni, bákpali Unwoti bévele-nwu ku keku ka ubunku-ma. Amu na Unwoti ɔ́ya Mose ku Aaron bákpanku-ma bálɛku Egyipteƒuɔ kalɔ lɛlɔ béboku kalɔ kani lɛlɔ na bilie mɛni kemmo.