Israelƒuɔ Bɔlɛ 27:9 - Katɔti Ɔku Kedee

⁹ “Kya kaduli mana kevo kammɔ na kene lɛgba eti atɛ na baƒala aduni kpɛtɛ kpɛtɛ abuni geen bamana-ka.

Israelƒuɔ Bɔlɛ 27:9 ပူးပေါင်းရင်းမြစ်များ

Baga 1 6:36

Na kakpakɔ kaduli kemmo kowodu kɔni na bátu ni, básia atabi anwidi bámana kɔtɛ na bánwi sida ligyii bábla lɛta básia atabi ammɔ eli.

Baga 1 8:64

Na limeyi lɛmmɔ kani lɛlɔ ni, Salomo údie Unwoti kakpakɔ kaduli kani nwi anumi kakɛ ntɛntɛ bɔdi sɛsɛɛ na ɔ́bla mmɔ kedee. Na mmɔ na ɔ́kyula akpala ku edula akpala, na ɔ́kyula lɛmwi lɛni na bédie na unwi bɔbla akpala bɔbla lɛnɔ kemmo, ɔsika lɛbualagyie lɛkpabi lɛni nlɛ Unwoti anumi mmɔ lise blii suɛ lite akpala amɛni ƒui bɔkyula na mmɔ.

Ala Alɛdi 2 33:5

akpabi bamba úse ka bataakpa ayabi lɛnɔ. Na ɔ́ya na bálɛ akpabi amɛni na Unwoti kakpakɔ kɔduli akpa anyɔ ammɔ kemmo.

Ala Alɛdi 2 4:9

Salomo ɔ́ya na békulo kɔduli inyɔ, kenengudi kenwi ku kebliidi kenwi. Na bakpane kani muuduo kebliidi kammɔ kemmo. Na kɔyakun kɔmmɔ ƒui eli ni, abuala egyiedi na béti bébi-ku.

Kɔgya 100:4

Bɛsia kakpakɔ kayakun na biduo Unwoti kudɔ ku linugya ku bumwi lɛnu.

Kɔgya 116:19

Unwoti kaduli na ndubuti-nya liboku na awɔ Yerusalem bekyuli anumi. Bɛya na bumwi Unwoti.

Kɔgya 84:10

Ɔsika ƒula kudɔ bulie limeyi linwi na ƒula kakpakɔ ɔdia utulo ka ukyuli ulie kesii bamba emeyi apim unwi. Na ndubɔyɔ ka lɛbla Katɔti kayakun kenye unyene litulo ka liduo lilie ɔlalane ɔdi kevo kemmo.

Kɔgya 92:13

Bese aani egyii ani bálɛ na Katɔti kaduli na baalɛ́ lili na mmɔ.

Israelƒuɔ Bɔlɛ 27:10

Na aduni ammɔ adubo bɔƒa ligyii aavlanyɔ lɛlɔ na abuala egyiedi ɔka ɔkya-ni kalɔ na kɔkwɛnimi kɔni ndubo aduni ammɔ bɔbala kɔbla sika ɔƒualadi na sika ɔƒualadi aduni wɛlɛ wɛlɛ adubo bɔka bɔmana ligyii lɛmmɔ lɛlɔ.

Israelƒuɔ Bɔlɛ 35:17

Na babla aduni bete kevo kaduli kammɔ ku kana akpa ku ana ɔka, ku aduni ani na baaƒala kayakun.

Israelƒuɔ Bɔlɛ 36:17

Amu na báka eƒi kunu kunu liti báda kayakun aduni ammɔ kɔtu ɔvi unwi na bábla lɛni kani ku ɔvi unyɔdi.

Israelƒuɔ Bɔlɛ 39:40

Ɔ́nu Unwoti Adi Kevo kammɔ kaduli aduni ku kana ligyii ku ɔka ɔni lɛlɔ na liinye ku kaduli kayakun lɛduni ku kana lɛbuli ku ewele ku Unwoti Adi Kevo kani ndi Kevo Kasakɔ kammɔ lɛlɔ ala ƒui.

Israelƒuɔ Bɔlɛ 40:33

Amu na Mose ɔ́ya na béti ɔban eku ammɔ na bálɛ bámana bákya kaduli béte kevo ku lɛkpabi lɛmmɔ na béti kayakun kɔdi báƒala kaduli kammɔ kayakun. Anwuɔsu Mose ɔ́wɔlɔ kabla kammɔ.

Israelƒuɔ Bɔlɛ 40:8

Na alɛ kevo kaduli kammɔ ɔban eku amana na eti kayakun kɔdi aƒala kayakun kammɔ.

Esekiel 40:14

Na ɔtɔ ɔni na ulu ɔmmɔ kawɔlɔkɔ kammɔ ni, ɔ́kɔku anwu lɛnɔ na ubo lɛgba avlaatɛ-ine bɔbɛbɛ.

Esekiel 40:17

Ɔnana ɔmmɔ ɔ́tɔnku-mi na bɔ́sia ulu ɔmmɔ lɛlɔ bútéduo kakpakɔ kaduli geen kedeedi kemmo, na lɛ́nu ka bátu lɛtɔ avlaatɛ bámana kaduli kammɔ. Na bátu lɛtɔ lɛmɛni bámana kaduli kammɔ awodu ani náka ámana kudɔ kudɔ na kama kakɛ na lɛgba kasiakɔ kadi kakɛ lɛtɔ lɛmmɔ anumi ɔ́ka ɔmana kaduli kammɔ.

Esekiel 40:20

Na ɔmmɔ kama ni, ɔnana ɔmmɔ ɔ́kɔku kayakun kani nkya katɔ kakɛ.

Esekiel 40:23

Na ulu ɔtɛ ɔ́si mmɔ úsie kakpakɔ kaduli geen geen kemmo kɔnakunwi aani kalɛ na ɔtɛ ɔ́si ɔƒɛ katukɔ ɔban kayakun úsie mmɔ. Ɔnana ɔmɛni ɔ́kɔku kayakun kani na anumi mɛni úti úsie kayakun kamaadi na lɛgba eti atɛ ku aavlanyɔ.

Esekiel 40:28

Ɔmmɔ kama ni, bɔ́sia ɔban kayakun kani na kakpakɔ kada kakɛ mmɔ bútéduo kaduli kani na kemmo. Na ɔnana ɔmmɔ ɔ́kɔku ɔban kayakun kammɔ na kélie ku kɔni na kaduli kedeedi awodu kemmo.

Esekiel 40:32

Ka bɔ́si mmɔ ni, bɔ́sia ɔƒɛ katukɔ ɔban kemmo bútéduo kaduli kani na kemmo mmɔ kemmo na ɔnana ɔmɛni ɔ́kɔku mmɔ lɛnɔ. Na mɛni lɛnɔ úlieku kudeedi.

Esekiel 40:44

Ɔnana ɔmmɔ ɔ́kpanku-mi na bútéduo kaduli kani nkya kemmo mmɔ kemmo. Mmɔ ni, lɛ́nu lɛtɔ inyɔ na unwi unye ɔban ɔni na kaduli kani na kemmo mmɔ katɔ kakɛ, na ɔkladi unye kaduli kani na kemmo mmɔ kada kakɛ.

Esekiel 42:3

Na lɛtɔ lɛmmɔ ɔƒɛnyi unwi ni, kalɔ ƒiaa kewi na kana bɔkɔku ɔdi lɛgba avlaatɛ-ine ɔdanku kakpakɔ kammɔ. Na ɔƒɛnyi ɔkladi ɔdi lɛgba kasiakɔ kani náka kámana kaduli kedeedi kammɔ. Na bátu lɛtɔ lɛmmɔ básiaku lɛlɔ esu ntɛ bule kɔtɛ.

Bumomo Bɔka 3:26

Na banu adiku ani nƒa kaduli kammɔ kemmo ku kana kayakun ámana katɔma kedee kammɔ ku lɛkpabi lɛmmɔ lɛlɔ, ku kevo kammɔ lɛbuli ku kuna lɛlɔ ala ƒui lɛlɔ.

Bumomo Bɔka 4:26

ku aduni ani nƒa kaduli kammɔ ámana Adi Kevo kammɔ ku lɛkpabi lɛmmɔ ku kayakun kɔdi kɔmmɔ ku kɔbuli kɔmmɔ ku kabla kammɔ lɛlɔ kɔlɛmii ƒui. Na Gersonƒuɔ bammɔ na ɔlɛka babla kabla biala na kadanku ɔtɔ ɔmmɔ lɛlɔ ala amɛni ƒui.

Bumomo Bɔka 4:32

Na ama kani ndubɔlɛ kaduli kammɔ ƒui ligyii ku akpa ku ana lɛka ku Kevo kammɔ ewele ku kɔbuli ku kevo kammɔ lɛlɔ ala ani ndanku-ka ƒui. Na ete ɔdi biala ku lɛla lɛni na ɔdi ka uti.