Israelƒuɔ Bɔlɛ 24:8 - Katɔti Ɔku Kedee

⁸ Amu na Mose úti ubugya ɔni nwi lɛkyami kemmo mmɔ na ɔ́kuna uwi bekyuli bammɔ. Na ɔ́su-ma ɔnini, “Ɔmɛni ndi ubugya ɔni mɔɔbala bunyimi bɔni na Unwoti unyimiku-mii uwi ɔni na úti ɔda bubo bɔmmɔ úte-mii.”

Israelƒuɔ Bɔlɛ 24:8 ပူးပေါင်းရင်းမြစ်များ

Baga 1 8:21

Na lɛ́wia kesekɔ lɛnɔ líte Bunyimi Adaka ɔmmɔ na kakpakɔ kammɔ kemmo. Bunyimi Adaka ɔmmɔ kemmo na atabi anyɔ ani ndanku Unwoti bunyimi bɔni na únyimi-ku bula bati kuuku uwi ɔni na ɔ́da-ma údie Egyipte kalɔ lɛlɔ akya.”

Baga 1 8:9

Na Bunyimi Adaka ɔmmɔ kemmo ni, lɛla biala liiibo liiitulo atabi anyɔ ani na Mose úti ɔ́kya-nwu kemmo na Horeb uwi ɔni bási baalɛ́ Egyipte kalɔ lɛlɔ.

Kɔgya 78:36

Nsu baabla kenyemini uwi ndi uwi taanyi ɔkɔ taatɔlɔ Katɔti.

Israelƒuɔ Bɔlɛ 24:6

Amu na Mose úle bebuo bammɔ ubugya kemmo inyɔ na úti kakɛ úwi lɛkyami kemmo. Na ɔ́kuna kakɛ kakladi lɛnɔ úwi lɛkpabi lɛmmɔ lɛlɔ.

Yesaia 52:15

Mina kabla ɔblane ɔmɛni ndubɔya na kadi bekyuli bamanku kalɛ na bakpa-mi. Na ɔdubɔbla baga kalɛ kadi na babla kpoo, na beboku eli kalɔ. Na lɛla lɛni na bétenu iye banu kudii ni, badubɔbla kasusu basiku-nya lɛlɔ na ɔbla-ma nwaa.”

Yeremia 31:32

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Na ina ami ndi bana Katɔti muedi ni, bátadi bunyimi bɔmmɔ lɛlɔ.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Lewiƒuɔ Ɔda Bubo 8:30

Anwuɔsu Mose úti nnɔmii bɔni na ɔdubuti use Aaron likpo mmɔ ku ubugya ɔni nsia lɛkpabi lɛlɔ mmɔ ɔdi na ɔ́kuna-nwu úwi Aaron lɛlɔ ku nwuna lɛkpa lɛwu gyɔlɔɔ lɛmmɔ lɛlɔ ku nwuna bebi bananabi bammɔ. Na ɔ́ƒuna-nwu úse sɛsɛɛ na ɔ́bla-nwu kedee ku nwuna lɛwu ku nwuna bebi bananabi lɛwu ƒui lɛnɔ.

Hagai 2:5

aani kalɛ na líse bina bati kuuku kenye uwi ɔni na lɛ́kpanku-ma lɛ́lɛku Egyipte kalɔ lɛlɔ. Bitekpoku lɛlɔ. Nkya-mii akɔ mɛni!

Sakaria 9:11

“Kenye kani na línyimi ku amii mina bekyuli ni, ubugya na búti buse-ka likpo. Na ɔƒaani ni, amii badi bɛdi bekyuli bani na béƒie bákya libiɔ lɛni kemmo na ntu buuuwi kemmo. Nsu ndubo mbedie-mii na lɛƒɔ-mii,

Mateo 26:28

Ɔmɛni ndi mina ubugya ɔni na líti muusé kenye kani na Katɔti únyimi ku nwuna bekyuli likpo. Na ndubuti-nwu liwi kalɔ na bekyuli pii lili, kalɛ na Katɔti uti ekpidi ɔkyiɛ-ma.

Marko 14:24

Na ɔ́su-ma ɔnini, “Ɔmɛni ndi mina ubugya ɔni na ndubuti liwiakun na bekyuli pii lili, na ɔsɔ ɔdi bunyimi bɔwɔdi na bayawine ku Katɔti ntɛ.

Luka 22:20

Lɛni kani na úti ɔɔƒɛɛ ɔni kemmo na ntɛ buwi úte-ma na adila ammɔ kama na ɔ́su-ma ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úse likpo ku mina ubugya ɔni ndubuwi kalɔ na amii ɔsu.

Korintoƒuɔ 1 11:25

Lɛni kani na adila ammɔ kama ni, úti ɔɔƒɛɛ na ɔ́su ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úti mina ubugya úse likpo. Na uwi biala na bɛdubɔni-nwu ni, bɛni na biti biteenyimo-mi.”

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Lɛkpa Ulu 5:2

Bula Unwoti Katɔti ku abu búnyimi linyese lɛdi na Sinai Kɔbi lɛlɔ.

Hebriƒuɔ 10:29

Bekyuli bani manu Kristo ubugya aani lɛla lɛni neeese kedee ni, bɔgyi ka Katɔti ɔdubo-ma kɔtu bɔni geen! Ɔsika beedumi Katɔti Kɔyu kɔni mɔɔbla-bu lɛƒɔndia na baanu Katɔti Ubidi aani ɔɔɔdi lɛla lɛdi. Nsu ubugya ɔmmɔ na Katɔti úti ɔ́ƒɔ ekpidi údie-ma lɛlɔ, na ubugya ɔmmɔ kani na úti úse bunyimi bɔmmɔ likpo.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Yosua 24:25

Anwuɔsu limeyi lɛmmɔ Yosua únyimiku Israelƒuɔ bammɔ na Sekem, na úte-ma ɔda bubo etemila ka badi-nya lɛlɔ.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.