Israelƒuɔ Bɔlɛ 24:3 - Katɔti Ɔku Kedee

³ Amu na Mose únwini úsie bekyuli bammɔ kudɔ na útásu-ma Unwoti ɔda ɔni na úbo-ma ƒui. Amu ka ɔ́su-ma ɔ́wɔlɔ ni, bekyuli bammɔ ƒui bédie kenye banini, “Búnu lɛla biala na Unwoti ɔ́su, na bɔdubo ɔda bubo bɔmmɔ ƒui lɛlɔ bɔdi.”

Israelƒuɔ Bɔlɛ 24:3 ပူးပေါင်းရင်းမြစ်များ

Ala Alɛdi 2 15:14

Na ukyuli biala úse kenye kpakplaa ka badubɔdi linyese lɛmɛni lɛlɔ bete Unwoti. Na bádi limeyi lɛmmɔ ku ebiti kɔvanu kɔkpɛɛ.

Ala Alɛdi 2 15:15

Lɛlɔ lɛ́yɔ ukyuli biala na kenye kpakplaa kani na bése mɛni ɔsu na ɔkɛnku ɔmmɔ ɔsu Unwoti lɛnɔ úte-ma kusɛ kusɛ ɔnii keyi kayɔku-ma na bakɛ bɔnwuna ɔsiku bana bekisine kudɔ.

Kɔgya 50:5

Na ɔ́su ɔnini, “Bɛsala mina bekyuli bani mɔɔbla ala ulu lɛlɔ bite-mi. Bákyula akpala béte-mi na búnyimi bunyimi bɔdi.”

Israelƒuɔ Bɔlɛ 19:8

Amu na bana ƒui bédie kenye banini, “Bɔdubɔbla lɛla biala na Unwoti ɔ́su-bu.” Anwuɔsu Mose únwini útásu Unwoti kenye kani bekyuli bammɔ bédie.

Israelƒuɔ Bɔlɛ 24:2

Nsu awɔ Mose lɛti pɛ mɔɔní ede ami Unwoti kudɔ mɛni, ama batakpɛ betebo.”

Israelƒuɔ Bɔlɛ 24:7

Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”

Yeremia 11:4

Mina ɔda bubo bútavumana kudii ɔ́si uwi ɔni na lɛ́kpanku bina bati kuuku lɛ́siku Egyipte kalɔ lɛlɔ. Kadi bani bekyuli nse aani lɛyu ogya ɔni mɔɔda bonwu na nwuna kemmo na baanwamana abuala. Ama na lɛ́su nnii si bádi mina ɔda bubo lɛlɔ ni, ndubɔbla bana Katɔti na ama babla mina kadi bekyuli.

Yeremia 34:13

“Ami ndi Unwoti, Israel Katɔti, na línyimi bunyimi bɔdi ku bina bati kuuku uwi ɔni na lɛ́kpanku-mii lɛ́siku Egyipte kalɔ lɛlɔ kesii kani na nka badi bekyuli bamba kabla bablane.

Hagai 2:5

aani kalɛ na líse bina bati kuuku kenye uwi ɔni na lɛ́kpanku-ma lɛ́lɛku Egyipte kalɔ lɛlɔ. Bitekpoku lɛlɔ. Nkya-mii akɔ mɛni!

Malakai 2:10

Bɛɛɛgyi bɛnii bula ƒui ɔti ndi Katɔti? Na ɔɔɔdi Katɔti unwi ɔmmɔ kani nédie bula ƒui? Na bi ɔsu na bɛɛnya lɛlɔ taakya na bilábu bunyimi bɔni na Katɔti únyimi ku bina bati kuuku?

Lɛkpa Ulu 11:1

Bɛyɔ bina Unwoti Katɔti na bitaadi nwuna litemi lɛlɔ uwi ndi uwi.

Lɛkpa Ulu 4:1

Bɛdi ɔda bubo bɔni ƒui mɔɔtina-mii mɛni lɛlɔ kalɛ na bɛdubɔkana na bilie kalɔ kani na Katɔti ɔni ndi Bina Bati Kuuku Katɔti úti uute-mii lɛlɔ.

Lɛkpa Ulu 4:45

Ɔda bubo bɔmɛni ku ala ani ƒui na adanku mmɔ ni, údie-nya ɔ́tina-ma uwi ɔni na bálɛ Egyipte kalɔ lɛlɔ.

Lɛkpa Ulu 4:5

Binu! Mina Unwoti Katɔti bunyimi bɔni na úbo-mi ɔda ka ntina-mii ni, lɛ́tina-mii ƒui. Na mɔɔsu-mii nnii bɛdi-mu lɛlɔ ƒui na kalɔ kani bísela bitéti binwini bina kadikɔ mmɔ lɛlɔ.

Lɛkpa Ulu 5:1

Amu na Mose ɔ́lɔ Israelƒuɔ bammɔ ƒui ɔ́sala na ɔ́su-ma ala amɛni. Israel kadi bekyuli, binu ɔda bubo bɔni ƒui líti muute-mii ɔmwi mɛni. Bɛtɛya ɔda bubo bɔmmɔ na bɛnu ka bɛdi-mu lɛlɔ.

Lɛkpa Ulu 5:31

Nsu awɔ Mose amu adubɔsɔ bɔkya-mi kudɔ mɛni na ndubuti mina ɔda bubo bɔmmɔ ƒui lite-ɔ. Na atina bekyuli bammɔ ɔda bubo etemila ammɔ kalɛ badi-nya lɛlɔ na kalɔ kani lɛlɔ bésela betélie mmɔ.”

Lɛkpa Ulu 6:1

Ɔda bubo bɔmɛni na bina Unwoti Katɔti úti úte-mi ka ntina-mii. Na bɛdi-mu lɛlɔ na kalɔ kani na bɛdubo Yordan Ketu bɔvia na bitéti binwini bina kadikɔ mmɔ lɛlɔ.

Yosua 24:21

Amu na Israelƒuɔ básu Yosua banini, “Kudii! Unwoti lɛti na bɔdubɔsiaku.”

Yosua 24:22

Ɔmmɔ kama Yosua ɔ́sɔ ɔ́su-ma ɔnini, “Amii alati bɛdi kenye bediene bite lɛlɔ ka amii náƒuna ka bɛdubɔsiaku Unwoti.” Amu na Israelƒuɔ básu banini, “Ɛɛn, bɔdi kenye bediene bute ɔmɛni.”

Yosua 24:24

Amu na Israelƒuɔ básu Yosua banini, “Unwoti ɔni ndi bula Katɔti lɛti bɔdubɔsiaku. Na bɔdubɔnu-nwu litemi.”