Israelƒuɔ Bɔlɛ 23:2 - Katɔti Ɔku Kedee

² “Na tasiaku bekyuli bumomo kama na atábla likpidi. Na si eedie lɛla lɛdi kenye na litemi katɛkɔ ni, tanu bekyuli bumomo anumi na enwini litemi geen lɛmmɔ.

Israelƒuɔ Bɔlɛ 23:2 ပူးပေါင်းရင်းမြစ်များ

Ala Kalɔ Buse 19:4

Ɔƒɛni asa na badubusie batátɛ ni, Sodom ɔma ɔmmɔ banana, banamu ku benengu ƒui, báasi ɔma ɔmmɔ ekpo ekpo ƒui bábaka bámana kaduli kammɔ.

Ala Kalɔ Buse 6:12

Amu ka Katɔti ɔ́nu kalɛ na kayawi kammɔ kébie

Ala Kalɔ Buse 7:1

Ɔmmɔ kama ni, Unwoti ɔ́su Noa ɔnini, “Ti awɔ ku ƒula kaduli bekyuli ƒui na bitéduo ɔkɔlɔ ɔmmɔ kemmo, ɔsika lɛ́nu ka awɔ kani nse siin na kaba kamɛni bekyuli akɔ.

Baga 1 19:10

Amu na Elia údie kenye ɔnini, “Lɛ́sia anu kpakplaa na lɛ́kpa Unwoti Ɔyikune Ƒui uwi biala. Na Israelƒuɔ béni ƒula bunyimi na bábwɛ ƒula akpabi. Na bádu ƒula kenye bediene ƒui ku lɛkɛɛ, na ami lɛti nébu. Na ɔƒaani benye baawia kuƒi ka badu ami lɛnɔ.”

Hiob 31:34

Na lɛɛɛdaku lɛla lɛni na bekyuli badubɔsu basiku-mi lɛlɔ iye bana edumi. Na ńtabɛla lɛlɔ ńtakya kaduli na mina ɔbladu ɔdi ɔsu.

Kɔgya 72:2

Na ɔtɛ ƒula kadi bekyuli etemila na ulu siin lɛlɔ. Na ɔdi litemi geen lɛmmɔ lɛlɔ ute bekyuli bani nse kpɛtɛ kpɛtɛ.

Agba 1:15

Ubi, tesie ku bekyuli bammɔ udu! Tani tede bana kɔvinkɔ munu munu!

Agba 18:5

Ɔɔɔdia ka litemi ɔtɛne unye ukyuli ɔni na nwuna litemi liiibo ubo kama iye ɔdu ukyuli ɔbuni kɔtɔ.

Agba 4:14

Tasiaku balalane lɛgba kanyakɔ. Na tasia lilu lɛni na bekyuli bekpidi bakɛ.

Yeremia 37:15

Mmɔ na bédie lɛdi béte bekpone bammɔ na bébo-mi, ɔsika béti kɔnyi bákya-mi. Ɔmmɔ kama béti-mi bésienku ɔga benengu bammɔ akɔ unwi ɔni baalɔ banii Yonatan kesii, ɔsika nwuna kaduli na béti bénwini bekyuli ɔtɔ kakyakɔ. Na béti-mi bákya ɔtɔ ɔdi na kalɔ kemmo. Uwi ɔni na bákya-mi ɔtɔ mmɔ na ɔ́ɔƒɔ uwi gyɔlɔɔ ni,

Yeremia 37:21

Ɔmmɔ ɔsu Ɔga Sedekia ɔ́ya na béti-mi bátákya ɔtɔ na ɔga kesii kaduli bagyumanane bammɔ enu kemmo, na ɔ́su bekpone bammɔ ɔnii bataasíku bodobodo na bodobodo keƒikɔ mmɔ teeboku-mi limeyi ndi limeyi wetédu ka adila ása ɔma bonwu ɔmmɔ kemmo.

Yeremia 38:9

Ebedmelek ɔ́su-nwu ɔnini, “Ɔga Ɔbune, kenye udiene na Yeremia ɔdi, na kalɛ na bekyuli bammɔ béti-nwu bátákya libiɔ kemmo mmɔ ɔɔɔdi munu munu báƒiɔ. Ɔƒɛni si adila ása na Yerusalem ni, agyi anii Yeremia ɔdubo bukpi na mmɔ.”

Esekiel 9:9

Amu na Unwoti údie kenye ɔnini, “Israel ku Yuda kadi bekyuli bábla ekpidi ani ndi ekisila geen. Na bekyuli badune béyii kalɔ kammɔ kemmo na Yerusalem alati ni, kalala kábɔ mmɔ geen na baakali ka lídie-ma atu ɔsu naaanu ala ani na baabla.

Lewiƒuɔ Ɔda Bubo 19:15

“ ‘Bitatɛ litemi likpidi na bɛnya ɔwabane ɔdi bɛkya iye binye ɔlakɛne ɔdi kama mmomu bɛtɛ bina bakpana litemi ulu lɛlɔ.

Hagai 1:4

“Ɔ́manku ka amii bɛtu agbanya bonwu bonwu ani náƒɔ kuye mɛni bite lɛlɔ uwi ɔni na mina kakpakɔ aka kese aani kebu?

Marko 15:15

Ka Pilato ɔɔyɔ́ ka ebiti ada-ma ɔsu ni, ɔ́nyonu Baraba úte-ma. Na ɔ́ya na bébo Yesu kaduɛ ku kɔbuli kɔni na bélii básala, na úti-nwu úte bekpone ɔnii batákana-nwu bamana ugyii lɛlɔ.

Luka 23:51

Ina ka ɔ́kya Yudaƒuɔ litemi batɛne bammɔ akɔ ni, útatunaku-ma na lɛla lɛni na bálɛ ugyii ku lɛla lɛni na bábla lɛlɔ.

Batalane Kabla 24:27

Amu na akwa anyɔ kama ni, bédie Ƒelike na béti Porkio Ƒesto bébesie-nwu keliekɔ. Nsu ka Ƒelike ɔɔwia ka Yudaƒuɔ bataayɔ-nwu litemi ɔsu ni, ɔ́ya na Paulo ɔ́sɔ ɔ́kya ɔtɔ katɛnkɔ mmɔ.

Batalane Kabla 25:9

Amu ka Ƒesto ɔɔwia ka Yudaƒuɔ bataayɔ-nwu litemi ɔsu ni, úye Paulo ɔnini, “Aayɔ́ ka esie Yerusalem na ntátɛku-ɔ litemi mmɔ?”

Romaƒuɔ 1:32

Bagyi ka Katɔti úbo-bu ɔda siin ka bekyuli bani nlie ngba bɔmɛni udu ni, Katɔti ɔdubɔdu-ma kukpi kɔtɔ. Nsu ni, benye momoomo na baabla alaekpidi amɛni. Na ɔɔɔdi ɔmɛni lɛti, mmomu beeti ɔbu teete bekyuli bani lɛnɔ mɔɔbla ala amɛni.

Lɛkpa Ulu 1:17

Na ɔdi utanu anumi utatɛ litemi lɛdi. Mmomu batɛ-ni ulu lɛlɔ. Ɔlakɛne na ɔdi o-o, ɔwabane na ɔdi o-o ni, batayia ɔdi biala. Batɛku ɔdi biala litemi kalɛ kani na ɔ́manku-nwu. Na mɔɔsu-mii nnii kalɛ biala na litemi lɛmmɔ lise ni, Katɔti ɔdubute-ma kasusu na batɛ-ni ulu lɛlɔ. Na lɛ́su-ma ka si litemi bɔtɛ bɔdi bútulo-ma ni, beti litemi lɛmmɔ beboku-mi na lɛtɛ lite-ma.

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Lɛkpa Ulu 24:17

Bɛsi litemi lɛlɔ siin bite baƒɔ bani nkya-mii akɔ ku bekpinebi. Na ɔdi utaƒɔ ukpinele ɔdi kɔdi utese ɔkpa si ɔɔwia kevonkɔ kadi.

Yosua 24:15

Nsu si Unwoti kama bɔsiaku buláda-mii kubiti ni, amii bidie ɔmwi limeyi lɛmɛni anwu ɔni geen na bɛɛyɔ́ ka bɛsiaku. Si baƒiɔ bani na bina bati kuuku bákpa na Euƒrate Ketu ɔvi ngye iye Amoriƒuɔ kalɔ kani bilie mɛni baƒiɔ na bɛɛyɔ́ ni, bidie. Nsu ami ku mina kaduli bekyuli abu ni, Unwoti lɛti na bɔdubɔsiaku.”

Samuel 1 15:24

Mmɔ na Saul ɔ́su Samuel ɔnini, “Lɛ́bla likpidi lɛ́ƒiɔ Unwoti na lɛ́ta línye nwuna litemi lɛlɔ. Na ńtenu ƒula bɔlɛ, ɔsika lɛ́yia bekyuli bammɔ mmomu, na línu-ma litemi.

Samuel 1 15:9

Saul ku nwuna bekpone béni na bátadu Ɔga Agag ku baƒonu ku ɔmantɛ bakɔ ku bana bebi bani na bánu ka bélie lɛmwi kaduɛ mmɔ ƒui ku ala bamba ani lɛnɔ na bánu ka adia-ma. Na akladi ani ƒui naaadia-ma ni, báyila-nya udu.