“Biti emeyi aku bɛbla bina kabla na bɛnwuna limeyi maatɛdi lɛlɔ. Kalɛ na bina baƒɔ ku bekyuli bani mɔɔbla kabla teete-mii ku bina bebuo muedi lɛnɔ bakɛ bɔnwuna.
Su-ma anii beti emeyi aku babla kabla bete lɛlɔ, nsu limeyi maatɛdi lɛdi lɛnwunameyi lɛni lídie líse líte lɛlɔ. Na ukyuli ɔni mabla kabla kadi limeyi lɛmmɔ lɛlɔ ɔlɛka badu-nwu.
Ɔnii bibo emeyi aku ka biti bɛbla bina kabla. Nsu limeyi maatɛdi lɛlɔ ni, bɛbla-ni kedee bite Unwoti na ɔdi utabla kabla kadi. Na si ukyuli ɔdi ɔ́bla kabla kadi lɛnwunameyi lɛlɔ ni, ɔlɛka badu-nwu.
Unwoti ɔnini, “Na emeyi aku ani na bekyuli badubuti babla bana kabla na uyolu unwi kemmo ƒui ni, ɔdi ka bakalɛ kakpakɔ geen ɔban kayakun kani nésie ɔƒɛ katukɔ kakɛ. Nsu na Lɛnwunameyi ku limeyi lideedi na kɔbuli kemmo ni, ɔdi ka bakɛmi-ka bewi.
“ ‘Emeyi aku na bɛdubuti bɛbla bina kabla, nsu limeyi maatɛdi ni, lɛdi bɔsa kedee limeyi lite-mii. Na ɔdi utalɛka ɔbla kabla kadi na kesi kesii na bilie, ɔsika ɔdi Lɛnwunameyi ute Unwoti.
Yudaƒuɔ kasalakɔ kammɔ lɛlɔ ɔnune úti kɔnyi geen sɔsɔ na ɔni na Yesu ɔ́bwi ɔlɛne na lɛnwunameyi lɛlɔ ɔsu. Anwuɔsu ɔ́su bekyuli bammɔ ƒui ɔnini, “Bubo emeyi aku ani buti bɔbla bula kabla. Anwuɔsu bibo na emeyi amɛni kemmo si lɛla lɛdi lɛda bina akɔ ɔdi na babwi-nwu, na ɔɔɔdi lɛnwunameyi lɛlɔ!”
