Israelƒuɔ Bɔlɛ 20:4 - Katɔti Ɔku Kedee

⁴ Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Israelƒuɔ Bɔlɛ 20:4 ပူးပေါင်းရင်းမြစ်များ

Baga 1 12:28

Na ka ɔ́wia bekyuli kasusu únu ni, ɔga ɔmmɔ úti sika ugyiedi ɔ́bla bakɔ bebi inyɔ. Na ɔ́su bekyuli bammɔ ɔnini, “Yerusalem busie teesie taatábla akpala ɔdubuduoku-mii lɛlɔ bɔvili. Ɔmmɔ ɔsu ni, O Israel, bɛɛnu bina benwoti bani nákpanku-mii bálɛku Egyipte kalɔ lɛlɔ.”

Baga 2 17:12

Na bakya baakpá baƒiɔ ina ka Unwoti ɔ́su-ma ɔnini, “Bitabla ala amɛni udu.”

Ala Alɛdi 2 33:7

Manase ɔ́nwi atabi baƒiɔ badi na úti útálɛ Unwoti kakpakɔ. Mmɔ na Unwoti ɔ́su Dawid ku ubidi Salomo ɔnini, “Kakpakɔ kamɛni kemmo ku Yerusalem ɔma ɔni na lɛ́ƒuna na Israel bekyuli ƒui akɔ ni, mmɔ na ndubɔsia mina lɛnyi ute uwi ƒui.

Kɔgya 78:58

Ɔsika bákya-nwu kɔnyi geen na baƒiɔ akpabi ani na bátu bényene abi eli ɔsu. Na báya na uukpó kogyulo ka baakpá-ma.

Kɔgya 97:7

Ɔ́ya na kɔƒa kuukpó bani ƒui mɔɔkun lɛmɛnɛ na baakpá baƒiɔ. Amii baƒiɔ bammɔ ƒui, bɛkya lili kalɔ bite Unwoti.

Israelƒuɔ Bɔlɛ 20:23

Anwuɔsu bitese baƒiɔ badi bitebunku-mi, na biteti sika ɔƒualadi iye ugyiedi bitavɔ baƒiɔ badi bitese lɛlɔ.

Israelƒuɔ Bɔlɛ 32:1

Uwi ɔni na Israelƒuɔ bammɔ bánu ka Mose úsie ɔkya kɔbi lili na ulébo ni, bekyuli bammɔ básala lɛlɔ lisu na bésie Aaron kudɔ na bátásu-nwu banini, “Bɔɔɔgyi lɛla lɛni nálɛku Mose ɔni nákpanku-bu ɔ́lɛku Egyipte kalɔ lɛlɔ. Anwuɔsu bla unwoti ɔdi te-bu na ɔkpanku-bu.”

Israelƒuɔ Bɔlɛ 32:23

Ama násu-mi banini, ‘Bɔɔɔgyi lɛla lɛni nálɛku Mose ɔni nákpanku-bu ɔ́lɛku Egyipte kalɔ lɛlɔ.’

Israelƒuɔ Bɔlɛ 32:4

Na Aaron lɛnɔ úti sika ugyiedi ɔmmɔ ɔ́kya ogya kemmo na ɔ́nwamana-nwu na úwilimi uwi lɛla lɛdi kemmo na ɔ́nwi-nwu ɔ́bla sika ugyiedi ɔmantɛ akɔ ubi udu. Amu na bekyuli bammɔ básu banini, “Israelƒuɔ, bɛɛnu bina katɔti ɔni natɔku-mii na bɛ́lɛ Egyipte kalɔ lɛlɔ.”

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Israelƒuɔ Bɔlɛ 34:17

“Teti lɛbuala tabla baƒiɔ badi na ataakpa.

Yesaia 42:17

Nsu bekyuli bani na baƒiɔ bani na bekyuli bávɔ na basia anu na baalɔ-ma baƒiɔ bayikune ni, badubo bunwini ku kɔƒa.

Yesaia 42:8

“Ami ndi Unwoti na lɛɛɛdubo bunye bɔnu na baƒiɔ iye ukyuli ɔyawine ɔdi ɔta unye ɔnii ami ku-nwu buule mina bukeye ku bumwi bɔni na ɔlɛka bekyuli beti bete-mi.

Yesaia 45:16

Bekyuli bani ƒui mɔɔvɔ́ baƒiɔ ni, badubo-ma kɔƒa bɔkya na anumi ewi-ma kalɔ.

Esekiel 20:7

Lɛ́su-ma nnii bebo baƒiɔ bani na bada baavínku na beesé lɛlɔ mmɔ bevaakun na bada Egyipteƒuɔ baƒiɔ bammɔ bene bɔkpa baya. Na línyimene-ma lɛnɔ ka ami ndi Unwoti Katɔti ɔni kani nátɔnku-ma mmɔ.

Esekiel 8:10

Na ka líduo ni, lɛ́nu ka bátaa ala lidu lɛni mɔɔkpɛ́ kaƒɔ kalɔ ku bebuo babambadi bani neeese sɛɛn na beesé lɛlɔ lɛnɔ básia awodu ammɔ lɛlɔ mmɔ. Na bátaa baƒiɔ bamba bani na Israelƒuɔ baakpá lɛnɔ básia mmɔ.

Esekiel 8:3

Na lɛ́nu aani si kɔnu na údie na ɔ́da-mi linwini. Na mina kɔyu kemmo ala bɔnu bɔmmɔ kemmo ni, Unwoti Kɔyu kútiku-mi kúsienku kayaa na úti-mi úsienku Yerusalem. Kɔyu kɔmmɔ kúti-mi kúsienku kakpakɔ kaduli geen kemmo na ɔban kayakun kani nkya kɔtɔ kakɛ mmɔ. Na lɛ́nu ka bávɔ baƒiɔ badi bálɛ bani muusé Unwoti lɛlɔ na ɔ́ya na úti kɔnyi kpakplaa geen.

Lewiƒuɔ Ɔda Bubo 19:4

“ ‘Ɔdi utesie utatákpa baƒiɔ badi iye ɔvɔ baƒiɔ badi use lɛlɔ. Ami ndi Unwoti bina Katɔti.

Lewiƒuɔ Ɔda Bubo 26:1

“ ‘Ɔdi utavɔ baƒiɔ badi iye use lɛtabi lɛdi iye ɔnwi lɛtabi lɛdi ɔbla-ni kedee use lɛlɔ utaakpa na kalɔ kani lɛlɔ bísela bitélie mmɔ lɛlɔ. Ami ndi bina Unwoti Katɔti.

Bumomo Bɔka 12:8

Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Batalane Kabla 17:29

“Na ka bɔdi Katɔti bebi ɔsu ni, utalɛka bɔkali bɔnii Katɔti ɔmɛni use aani lɛla lɛni na abu bayawine néti enu bɔ́bla aani sika ugyiedi iye ɔƒualadi iye ugyii iye lɛtabi iye ala anwidi lɛnɔ kalɛ.

Romaƒuɔ 1:23

Na báda Katɔti ɔni nli ngba uwi ƒui bɔkpa báya, na beemwi ala abambadi ani muukpi mmomu. Bábla ala amɛni aani ukyuli iye baasɛ iye bebuo iye bebuo bani mɔɔkpɛ́ kalɔ aani balakpi udu. Na bése-ma béte lɛlɔ aani baƒiɔ.

Lɛkpa Ulu 16:22

Na biteti lɛtabi lɛdi bitabla baƒiɔ na bitaakpa-ni. Ɔsika Katɔti ukisi ala ammɔ bene.

Lɛkpa Ulu 27:15

“ ‘Ewida asiaku ukyuli ɔni nánwi iye ɔ́vɔ baƒiɔ badi na úti ɔ́bla lɛla lɛni muusé Unwoti lɛlɔ. Ɔsika lɛla ndi lɛla lɛni udu na ukyuli úti nwuna kɔnu ɔ́bla úse úte lɛlɔ na bɔbɛ kemmo ni, ɔ́ƒiɔ Katɔti.’ Na ɔlɛka bekyuli bammɔ ƒui basu banii, ‘Ɔsia lɛni.’

Lɛkpa Ulu 5:8

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Budie Taatina 16:2

Amu na Katɔti ɔtu udeedi úsie na útéwilimi nwuna kalaku úwi kayawi lɛlɔ. Ɔmmɔ ɔ́ya na alɛbi álɛ éwi bekyuli bani mbo eƒiebuo ɔmmɔ likpose na baalɛ akɔnkɔ teete nwuna baƒiɔ mmɔ lɛlɔ.

Budie Taatina 9:20

Bekyuli bakladi bani ƒui nétekpi na alakpa atɛ ani ndanku kukpi mmɔ kemmo ni, béténwini kama bátákya ala ani na ama alati béti bana enu bábla bése béte lɛlɔ ka bataakpa. Ala amɛni adanku ayu ekpidi ku bana baƒiɔ bani na béti sika ugyiedi ku ɔƒualadi bávɔ ku kalɔ kemmo abuala ku atabi ku egyii ani na bánwi. Nsu ala amɛni ƒui ni, alánu na elenu na elesie muedi!

Litemi Batɛne 17:3

Na Mika úti sika ɔƒualadi ebi amɛni úsienku uni. Na uni ɔ́su-nwu ɔnini, “Kalɛ na ewida amɛni elebo-ɔ lɛlɔ ɔsu ni, ami ɔlati muusé kenye ka ndubuti sika ɔƒualadi ebi amɛni lite-ɔ na eti akpa ete Unwoti. Na eti-nya avɔ kɔlɛmii na anwi ala na eti sika ɔƒualadi ebi ammɔ akwa-nya lɛlɔ.” Ɔmɛni ɔsu úti ala ammɔ ɔ́kya Mika enu kemmo.