Israelƒuɔ Bɔlɛ 20:3 - Katɔti Ɔku Kedee

³ Bitese benwoti badi bitebunku-mi lɛlɔ.

Israelƒuɔ Bɔlɛ 20:3 ပူးပေါင်းရင်းမြစ်များ

Baga 1 11:4

Na uwi ɔni na Salomo ɔ́bi lɛlɔ ni, nwuna beleku bamɛni bénwini-nwu kayi. Na úsie ɔɔkpá benwoti babambadi. Ɔni na nwuna kayi ƒui kasɔ kaaasia nwuna Unwoti Katɔti lɛlɔ aani kalɛ na ɔti Dawid kayi kése.

Kɔgya 29:2

Bimwi Unwoti ɔni nse kedee ƒui na biboku eli kalɔ bite-nwu. Ubo ɔyikun na nwuna lɛgadi liikeye.

Kɔgya 73:25

Liiibo ukyuli bamba ɔdi na katɔ liiitulo awɔ. Na lɛla lɛdi lɛnɔ liiibo kalɔ kamɛni lɛlɔ na mɔɔwia teetulo awɔ.

Kɔgya 81:10

Ami ndi bina Unwoti Katɔti ɔni nákpanku-mii ɔ́siku Egyipte kalɔ lɛlɔ. Ndubɔya na bimo ku ala abuni ƒui si bɛ́nyonu lɛlɔ ƒui bíte-mi.

Kɔgya 81:9

Bitetétiku baƒiɔ badi bitasiku kesii kadi betebese lɛlɔ bɛnii bitaakpa.

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Israelƒuɔ Bɔlɛ 20:23

Anwuɔsu bitese baƒiɔ badi bitebunku-mi, na biteti sika ɔƒualadi iye ugyiedi bitavɔ baƒiɔ badi bitese lɛlɔ.

Israelƒuɔ Bɔlɛ 22:19

“Ukyuli biala na anwu ku ebuo ɔdi bátɛ ni, ɔlɛka badu ukyuli ɔmmɔ.

Israelƒuɔ Bɔlɛ 23:24

Na bitakya lili kalɔ bitete bana baƒiɔ na bitaabla-ma kabla, na bitasiaku bana ɔbladu kama lɛnɔ. Ɔlɛka bɛbwɛ bana baƒiɔ ku bana atabi kedee ammɔ ƒui kpɛtɛ kpɛtɛ.

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Israelƒuɔ Bɔlɛ 34:14

Na takpa ɔti ɔdi tebunku ami Unwoti lɛti pɛ. Ɔsika ami Unwoti muukpó kogyulo.

Yesaia 26:4

Ti ƒula anu ƒui sia Unwoti lɛlɔ uwi ƒui, ɔsika anwu ndi kama kekpokɔ lɛtakpɛ lɛni nnye uwi ƒui.

Yesaia 42:8

“Ami ndi Unwoti na lɛɛɛdubo bunye bɔnu na baƒiɔ iye ukyuli ɔyawine ɔdi ɔta unye ɔnii ami ku-nwu buule mina bukeye ku bumwi bɔni na ɔlɛka bekyuli beti bete-mi.

Yesaia 43:10

Mina bekyuli, amii ndi mina kabla bablane ku litemi lɛmɛni kenye bediene. Na mɔɔwia ka bɛti-mi na biti bina kayi bɛsia-mi lɛlɔ na binu kalɔ ka ami lɛti ndi Katɔti. Ami kani nákya uwi ɔni návi na ami kani ndubo bɔkya uwi ɔni lɛnɔ mebo, ɔsika ɔdi ɔsɔ uuubo mina kalɛ.

Yesaia 44:8

Lɛ́ɛsu-mii ɔ́si kukuuku nnii, bɛsɔ bitayia na bitaatɔ kpakpaakpa ku liƒu munu munu na bítenu? Ami lɛti kani ndi Katɔti na ɔdi ɔsɔ ɔɔɔdi katamikukɔ kpakplaa aani lɛtakpɛ bonwu mina kalɛ.”

Yesaia 46:9

Bɛbla kasusu bɛsiku ala ani nálɛ akwa pii ábavi lɛlɔ. Ami lɛti kani ndi Katɔti! Na ɔbambadi ɔdi ɔsɔ uuubo uuubunku-mi mina kalɛ.

Yeremia 25:6

Naaayɔ nnii mɔɔbla-mii likpidi lɛdi. Anwuɔsu bitakya-mi kɔnyi na bina baƒiɔ ku ala bamba adi bɔkpa ɔsu.’

Yeremia 35:15

Bíni bɛnii bilenu mina kenye bediene bani mɔɔsu-mii uwi ndi uwi banini, ‘Bɛda alaekpidi bɔbla bɛya na bɛda baƒiɔ lɛnɔ bɔkpa bɛya! Na bise kalɔ biteenu Unwoti litemi na bitaadi-ni lɛlɔ na ɔdubɔya na bilie kalɔ kani na úti úte bina bati kuuku mɛni lɛlɔ.’

Yeremia 7:9

“Biiyú ala na bɛɛdú bekyuli na bɛɛnyi ɔkɔ na litemi katɛkɔ na bɛɛlɛ́ lɛlɔ kama na bina kɔgya ku ule ngba kemmo. Bɛɛkpá Baal baƒiɔ na bɛɛkyula oloƒui teete-nwu na uwi ɔni na baƒiɔ bamɛni ɔdi útabla lɛla lɛdi útete-mii kudii.

Daniel 3:18

Nsu si ina útabla lɛni muedi ni, abu bɔmu bunye kpakplaa ka bulakya lili kalɔ bulete ƒula baƒiɔ sika ugyiedi lɛtabi lɛni na átu ényene mmɔ.”

Hosea 13:4

“Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ. Na Katɔti ɔbambadi ɔdi ɔsɔ uuubo. Ami lɛti ndi anwu ɔni mɔɔƒɔ́ bekyuli.

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Eƒesoƒuɔ 5:5

Ɔsika amii alati bɛgyi bise ka ukyuli ɔni mɔɔbla lɛnungyie lɛni ndi lɛƒiɔkpa iye ɔni mɔɔbla lɛsɔnɔdi iye lɛyalɛ ni, uuubo kadikɔ kadi na Kristo ku Katɔti lɛgadi kemmo.

Lɛkpa Ulu 5:7

Bitese benwoti badi bitebunku-mi lɛlɔ.

Lɛkpa Ulu 6:14

Na bitakpa bekyuli bani nli amadɔ mmɔ baƒiɔ badi betebunku-nwu lɛlɔ.

Lɛkpa Ulu 6:5

Anwuɔsu ɔlɛka bɛyɔ-nwu ku bina kayi ƒui ku bina kɔyu ƒui ku bina ɔyikun ƒui.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Budie Taatina 22:9

Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa kenye bediene babambadi ku bakladi bani mɔɔda etemila ani nkya ɔku ɔmɛni kemmo ƒui kaduɛ. Katɔti kani na ɔlɛka emwi lɛni!”

Litemi Batɛne 6:10

Lɛ́su-mii ka ami ndi bina Unwoti Katɔti, na ɔdi utakpa Amoriƒuɔ baƒiɔ na kalɔ kani lɛlɔ na bilie mɛni ɔƒɛni. Nsu bítenu mina litemi.”